default_image

1 month ago

January 20, 2024

टाइगर कप भलिबलको फाइनल आज

काठमाडौं (हाम्रो खेलकुद)– पोखरामा जारी चौथो टाइगर कप भलिबल प्रतियोगितामा आज फाइनल हुँदैछ । महिलातर्फ साविक विजेता एपिएफ र चन्द्रागिरी नगरपालिका न्यु डायमण्ड महिला टिमबीच प्रतिस्पर्धा हुँदैछ । पुरुषतर्फ साविक विजेता गण्डकी प्रदेशले हेल्प नेपाल स्पोर्टस क्लब सामना गर्नेछ । अघिल्ला ३ संस्करणमा एपिएफले दोस्रो र तेस्रोमा उपाधि जितेको थियो । पहिलो संस्करण अर्को विभागिय […]

1246 views

0 Bookmark

काठमाडौं (हाम्रो खेलकुद)– पोखरामा जारी चौथो टाइगर कप भलिबल प्रतियोगितामा आज फाइनल हुँदैछ । महिलातर्फ साविक विजेता एपिएफ र चन्द्रागिरी नगरपालिका न्यु डायमण्ड महिला टिमबीच प्रतिस्पर्धा हुँदैछ । पुरुषतर्फ साविक विजेता गण्डकी प्रदेशले हेल्प नेपाल स्पोर्टस क्लब सामना गर्नेछ ।

अघिल्ला ३ संस्करणमा एपिएफले दोस्रो र तेस्रोमा उपाधि जितेको थियो । पहिलो संस्करण अर्को विभागिय टोली नेपाल पुलिस क्लबले जितेको थियो । प्रतिभा मालीको कप्तानीमा रहेको न्यु डायमण्ड भने पहिलो पटक फाइनल खेलको छ । यसपटक न्यु डायमण्डको यात्रा केहि सहज देखिएको थियो ।

एपिएफले भने सेमिफाइनलमा अर्को विभागिय टोली त्रिभुवन आर्मी क्लबको कडा चुनौतीको सामना गरेको थियो । यद्दपी पुनरागमनका लागि परिचित एपिएपले सुरुवातका दुई सेट गुमाएर पनि ३–२ सेटको जितका साथ फाइनलको यात्रा तय गरेको थियो । न्यु डायमण्डले सेमिफाइनलमा पुलिसलाई ३–० ले सहजै हराएको थियो ।

गत महिला हेटौंडामा केशव स्मृति भलिबलको फाइनलमा पनि एपिएफ र न्यु डायमण्डबीच नै प्रतिस्पर्धा भएको थियो । जसमा एपिएफ च्याम्पियन बनेको थियो ।

उपाधी रक्षाको क्रममा रहेको गण्डकीमा यसपटक ३ भारतीय खेलाडी सम्मिलित छन् । पहिलो र तेस्रो संस्करणको च्याम्पियन गण्डकीले सेमिफाइनलमा एपिएफलाई हराएको थियो । दोस्रो संस्कणको उपाधि आर्मी क्लबले जितेको थियो । दोस्रो संस्करणको फाइनल खेलेको हेल्प नेपालले श्रीलंका आर्मीलाई हराउँदै यसपटक फाइनलप पुगेको थियो ।

महिलातर्फ पुलिसलाई हराउँदै आर्मी तेस्रो भइसकेको छ । पुरुषतर्फ एपिएफ र श्रीलंका आर्मीले प्रतिस्पर्धा गर्दैछन् । टाइगर ग्रुप अफ पोखराले आयोजना गरेको प्रतियोगिताको महिला र पुरुष दुवै तर्फको विजेता टोलीले समान ५ लाख ५५ हजार ५ सय ५५, दोस्रो हुनेले २ लाख ५५ हजार ५ सय ५५ तथा तेस्रो हुनेले १ लाख २५ हजार ५ सय ५५ रुपैयाँ प्राप्त गर्नेछन् ।

March 1, 2024

५ खेलाडीले एसियाली र्‍याफ्टिङ च्याम्पियनसिप खेल्ने

काठमाडौं (हाम्रो खेलकुद) – एसियाली र्‍याफ्टिङ च्याम्पियनसिपमा ५ नेपाली खेलाडीले प्रतिस्पर्धा गर्ने भएका छन् । ५ खेलाडीसहित ७ सदस्य टोली शनिबार भारतको हिमान्चल प्रदेश जाने भएको छ । विश्व र्‍याफ्टिङ महासंघको आयोजना तथा भारतीय र्याफ्टिङ फाउन्डेसनको तत्वावधानमा हुने आइतबारदेखि फागुन २७ गते सम्म हुनेछ । प्रतियोगितामा सविन गुरुङ, शक्तिकुमार गुरुङ, विजय गुरुङ र डम्बरबहादुर पुर्वाछानेले […]

March 1, 2024

राष्ट्रिय लनटेनिस- प्रदिप र रितक फाइनलमा

सुमन अधिकारी, बुटवल प्रदिप खड्का र रितिक राना बुटवलमा जारी दोस्रो मेयर कप तथा छैटौ राष्ट्रिय खुला लनटेनिस प्रतियोगिताको पुरुषतर्फको उपाधिका भिड्ने भएका छन् । रुपन्देही लन टेनिस संघको आयोजनामा देविनगरस्थित लनटेनिस कोर्टमा शुक्रबार भएको पहिलो सेमिफाइनलमा साविक विजेजा प्रदिपले प्रनव मानन्धरलाई ६–१, ३–६ र ६–२ को सेटमा हराए । अर्को सेमिफाइनलमा रितिक निशान्त श्रेष्ठलाई […]

March 1, 2024

भलिबलमा गण्डकीसँग पुलिस स्तब्ध

काठमाडौं (हाम्रो खेलकुद) –संखुवासभाको खादबारीमा जारी मुख्यमन्त्री कप पुरुष भलिबलको सेमिफाइनलमा नेपाल पुलिस क्लब गण्डकी प्रदेशसँग स्तब्ध भएको छ । प्रतियोगिताको चौथो दिन शुक्रबार गण्डकीले ३४ राष्ट्रिय पुरुष भलिबल प्रतियोगिताको च्याम्पियन पुलिसलाई ३-२ ले हराएको छ। प्रतिस्पर्धात्मक खेलमा गण्डकीले पुलिसलाई १७-२५, २५-२१,२६-२४,२०-२५ र १५-११ ले हराएको प्रतियोगिताका‌‌ संयोजक प्रविण श्रेष्ठले जानकारी दिए। गण्डकीका सरोज बर्देवा […]

Success

Thank you for your time.