काठमाडौं (हाम्रो खेलकुद) – एपिएफकी निरुता ठगुन्ना महिला र हेल्प नेपाल स्पोर्टस क्लबका पाकिस्तानी फखरउद्दिन पुरुषतर्फ चौथो टाइगर कप भलिबल प्रतियोगितामा सर्वोत्कृष्ट खेलाडी चुनिएका छन् ।

सर्वोत्कृष्ट दुबैले समान २५ हजार ५ सय ५५ रुपैयाँसँगै ट्रफी र प्रमाण पत्र प्राप्त गरे । पुरुष र महिला दुवैतर्फकाे विद्यागत उत्कृष्टले जनही १० हजार ५ सय ५५ रुपैयाँसँगै ट्रफी र प्रमाण पत्र प्राप्त गरे ।

एपिएफले टाइगर कपमा ह्याट्रिक गर्दा निरुताको प्रदर्शन उच्च रहेको थियो । उनी यो वर्षको पल्सर स्पोर्टस अवार्डको पिपल्स च्वाइस अवार्डको मनोनयनमा परेकी छिन् । चन्द्रागिरी नगरपालिका न्यु डायमण्ड महिला टिमलाई ३–० ले हराउँदै एपिएफ च्याम्पियन बनेको थियो ।

फखरउद्दिनसहित तीन पाकिस्तानी सम्मलित हेल्प नेपालले गण्डकी प्रदेशलाई ३–१ ले हराउँदै च्याम्पियन बनेको थियो । महिलातर्फ त्रिभुवन आर्मी क्लब र पुरुषतर्फ एपिएफ तेस्रो भएको थियो ।

टाइगर ग्रुप अफ पोखराले आयोजना गरेको प्रतियोगिताको महिला र पुरुष दुवै तर्फको विजेता हेल्प नेपाल र एपिएफले समान ५ लाख ५५ हजार ५ सय ५५ रुपैयाँ, कप, मेडल र प्रमाण पत्र प्राप्त गरे । दोस्रो भएकाे गण्डकी र न्यु डायमण्डले समान २ लाख ५५ हजार ५ सय ५५ रुपैयाँ, कप, मेडल र प्रमाण पत्र प्राप्त गरे ।

यस्तै तेस्रो भएकाे एपिएफ आर्मीले समान १ लाख २५ हजार ५ सय ५५ रुपैयाँ प्राप्त गरे । माघ १ गते देखि सन्चालित प्रतियोगिता दुबैतर्फ १-१ विदेशीसहित समान ६ टोलीको सहभागिता रहेकाे थियो ।

चौथो टाइगर कप भलिबलमा

महिलातर्फ
सर्वोत्कृष्ट – निरुता ठगुन्ना (एपिएफ)
उत्कृष्ट
स्पाइकर– सरस्वती चौधरी (एपिएफ)
सर्भर – वालमिका आचार्य (न्यु डायमण्ड)
सेटर – जस्ना महतो (एपिएफ)
ब्लकर – सुनिता खड्का (आर्मी)
लिबेरो – सलिना श्रेष्ठ (न्यु डायमण्ड)
प्रशिक्षक – महेश चौधरी (एपिएफ)

पुरुषतर्फ
सर्वोत्कृष्ट – फखरउद्दिन (हेल्प नेपाल)
उत्कृष्ट
स्पाइकर – मजहर अली (हेल्प नेपाल)
सर्भर – हिमाल सुनारी (गण्डकी)
सेटर – मोहम्मद (हेल्प नेपाल)
ब्लकर – रामश्वामी अगामुटो (गण्डकी)
लिबेरो – ताेप बहादुर थापा ‘दीपक’ (हेल्प नेपाल)
प्रशिक्षक – उत्सव खड्का (हेल्प नेपाल)