default_image

6 months ago

January 22, 2024

सम्झना कप अन्तर्राष्ट्रिय टेबलटेनिस अर्को साता

235 views

0 Bookmark

काठमाडौं (हाम्रो खेलकुद) – ललितपुर टेबलटेनिस क्लबको आयोजना तथा कन्सेप्ट मेकर्जको व्यवस्थापनमा अर्को साता छैटौं सम्झना कप अन्तर्राष्ट्रिय टेबलटेनिस प्रतियोगिता हुने भएको छ ।

माघ १६ गते सुरु हुने प्रतियोगितामा ३ सय ९० खेलाडीको सहभागिता रहने सोमबार आयोजित पत्रकार सम्मेलनमा आयोजक क्लबका अध्यक्ष उर्दीप जोशीले जानकारी गराए । त्यसमा भारतबाट १६ पुरुष र ८ महिला तथा चीनबाट २ महिला खेलाडी सहभागी हुने छन् । बाँकी नेपाली खेलाडी रहेका छन् ।

प्रतियोगितामा पुरुष/महिला सिंगल्स र टिम, पुरुष सिंगल्स भेट्रान ४० वर्षमाथि र ५५ वर्षमाथि, महिला सिंगल्स भेट्रान ४० वर्षमाथि तथा यु–१६ ब्वाइज/गल्र्स सिंगल्स गरी ९ स्पर्धामा प्रतिस्पर्धा हुनेछ ।

कुल ५ लाख ८० हजार रुपैयाँ पुरस्कार रहेको प्रतियोगिताको पुरुष/महिला सिंगल्स र टिममा शीर्ष स्थान हासिल गर्नेले ५० हजार, दोस्रो २५ हजार र तेस्रो हुनेले समान १० हजार रुपैयाँ नगद पुरस्कार पाउने छन् । बाँकी स्पर्धामा पहिलो हुनेले २० हजार, दोश्रोले १० हजार र तेश्रोले समान ५ हजार रुपैयाँ प्राप्त गर्नेछन् ।

लैनचौरस्थित राष्ट्रिय टेबलटेनिस प्रशिक्षण केन्द्रमा पाँच दिनसम्म चल्ने प्रतियोगिता सञ्चालन गर्न करिब २३ लाख ३५ हजार रुपैयाँ खर्च हुने आयोजकले जनाएको छ । पत्रकार सम्मेलनमा आयोजक क्लब, मुख्य प्रायोजक सम्झना ल्याबोरेटरी क्लिनिक प्रा.लि. र हस्पिटालिटी पार्टनर नेपाली घर होटल प्रा.लि. बीच त्रिपक्षीय सम्झौता पनि भएको छ ।

आयोजकका अध्यक्ष जोशी, सम्झनाकी निर्देशक रजना जोशी र नेपाली घरका जनरल म्यानेजर राजीव श्रेष्ठले सम्झौता पत्रमा हस्ताक्षर गरे । सम्झौता अनुसार सम्झनाले कुल खर्चको ५० प्रतिशत तथा नेपाली घरले ५ लाख २ हजार रुपैयाँ बराबरको सहयोग गर्ने बताइएको छ ।

त्यस्तै इक्विपमेन्ट पार्टनर भारतको स्ट्याग ग्लोबल प्रा.लि. तथा पोशाक पार्टनरमा भ्याली स्पोर्ट्स हाउस, भक्तपुर रहेका छन् । ललितपुर जिल्ला टेबलटेनिस संघले पनि प्रतियोगितामा सहयोग गर्ने जनाइएको छ ।

July 25, 2024

महर्जन बागमतीको युवा तथा खेलकुद मन्त्री‌ नियुक्त

काठमाडौं (हाम्रो खेलकुद)- पुराना करातेकर्मी मीन कृष्ण महर्जन बागमती प्रदेशको युवा तथा खेलकुद मन्त्री‌ नियुक्त भएका छन् । बागमती प्रदेशका मुख्यमन्त्री बहादुरसिं लामाले बिहीबार मन्त्रिपरिषद् विस्तार गर्दा महर्जनलाई युवा तथा खेलकुद मन्त्रालयको जिम्मेवारी दिइएको हो । लामाले आफ्नै दल कांग्रेसका तर्फबाट चार मन्त्री नियुक्त गरेका हुन् । महर्जनसँगै कांग्रेसबाट प्रभात तामाङ, सुरजचन्द्र लामिछाने र बिमल […]

July 24, 2024

किर्गिजस्तान काभा यु २० भलिबल च्याम्पियन

काठमाडौं (हाम्रो खेलकुद) – किर्गिजस्तानले माल्दिभ्समा‌ सम्पन्न काभा यु २० महिला भलिबल च्याम्पियनसिपको‌ उपाधि जितेको छ। मंगलबार भएको फाइनलमा श्रीलंकालाई ३-० ले हराउँदै किर्गिजस्तान च्याम्पियन बनेको हो । किर्गिजस्तान २८-२६,२५-१७,२५-१९ ले विजयी भएको थियो। लिग चरणमा भने श्रीलंकाले किर्गिजस्तानलाई हराएको थियो। नेपाली महिला युवा टोली च्याम्पियनसिपमा‌ तेस्रो स्थान हासिल गरेको छ। नेपालले आयोजक माल्दिभ्सलाई  हराउँदै […]

July 23, 2024

काभा यु २० भलिबलमा नेपाल‌ तेस्रो

काठमाडौं (हाम्रो खेलकुद) – नेपाली महिला युवा टोलीले माल्दिभ्समा जारी काभा यु २० महिला भलिबल च्याम्पियनसिपमा‌ तेस्रो स्थान हासिल गरेको छ। नेपालले कास्य पदकको प्रतिस्पर्धाका मंगलबार आयोजक माल्दिभ्सलाई ३-० ले हराएको हो । नेपाल २५-१५, २५-१०,२५-१४ ले विजयी भएको छ।लिग चरणमा नेपालले माल्दिभ्सलाई मात्र ३-० को सोझो सेटमा हराएको थियो। लिग चरणको पहिलो खेलमा श्रीलंकासँग ३-१ […]

Success

Thank you for your time.