काठमाडौं (हाम्रो खेलकुद)– होङवाङ्जी ढोरपाटन महिला भलिबल डबल लिग च्याम्पियनसिपमा ८ टोलीले प्रतिस्पर्धा गर्ने भएका छन् ।

ढोरपाटन क्लबको आयोजनामा शुक्रबार सुरु हुने लिगमा एपिएफ, त्रिभुवन आर्मी क्लब, नेपाल पुलिस क्लब, चन्द्रागिरी नगरपालिका न्यु डायमण्ड महिला टिम, जावलाखेल भलिबल ट्रेनिङ क्लब, बागमती प्रदेश, धादिङ स्पोर्टस क्लब र एन्जल्स हार्ट रहेका छन् ।

पहिलो दिन ३ खेल हुनेछन् । पहिलो खेल बिहान १० बजे एपिएफ र बागमती, दोस्रो दिउँसो १२ः३० बजे न्यु डायमण्ड र जावलाखेल तथा तेस्रो खेल ३ः बजे पुलिस र आर्मीबीच हुने छ । पहिलो लिगको शीर्ष ६ स्थानमा रहने टोलीले दोस्रो लिगमा पुनः प्रतिस्पर्धा गर्ने ढोरपाटनले जनाएको छ ।

ढोरपाटनको १६ औं संस्करणको उत्कृष्ट खेलाडी र वर्षको उत्कृष्ट खेलाडीले एम्पियरको स्कुटर प्राप्त गर्नेछन् । गोगंबु बसपार्क नजिक डिभी मार्केटसँगैको कोर्टमा हुने लिगको हाम्रो खेलकुद र एक्सन स्पोर्टसले प्रत्यक्ष प्रसारण गर्नेछन् ।

प्रतियोगिताको विजेता टोलीले ५ लाख १ हजार, दोस्रो टोलीले २ लाख ५० हजार, तेस्रो टोलीले १ लाख २५ हजार, चौथो टोलीले ७५ हजार, पाँचौं टोलीले ५० हजार र छैटौं टोलीले २५ हजार रुपैयाँ प्राप्त गर्नेछ।

प्रतियोगिताको विधागत उत्कृष्ट खेलाडीले जनही ५ हजार रुपैयाँ र एक्सटेपको जुत्ता प्राप्त गर्नेछन् । चिरायु अस्पताल प्रतियोगिताको मेडिकल पार्टनर रहेको छ ।