4 weeks ago
April 5, 2024
बिर्तामोड (हाम्रो खेलकुद) – झापा स्पोर्टस् अवार्ड २०७९ को मनोनयनमा परेका खेल प्रतिभा सार्वजनिक गरिएको छ ।नेपाल खेलकुद पत्रकार मञ्च (एनएसजेएफ) जिल्ला समन्वय शाखा झापाले बिहीबार बिर्तामोडमा पत्रकार सम्मेलन गर्दै अवार्डको पाँचौँ संस्करणको मनोनयनमा परेका पाँच विधाका खेल प्रतिभा सार्वजनिक गरेको हो । झापा स्पोर्टस् अवार्डको पाँचौँ संस्करणका लागि विभिन्न पाँच विधाका प्रत्येक विधामा समान […]
बिर्तामोड (हाम्रो खेलकुद) – झापा स्पोर्टस् अवार्ड २०७९ को मनोनयनमा परेका खेल प्रतिभा सार्वजनिक गरिएको छ ।
नेपाल खेलकुद पत्रकार मञ्च (एनएसजेएफ) जिल्ला समन्वय शाखा झापाले बिहीबार बिर्तामोडमा पत्रकार सम्मेलन गर्दै अवार्डको पाँचौँ संस्करणको मनोनयनमा परेका पाँच विधाका खेल प्रतिभा सार्वजनिक गरेको हो ।
झापा स्पोर्टस् अवार्डको पाँचौँ संस्करणका लागि विभिन्न पाँच विधाका प्रत्येक विधामा समान ३ जना र तीन विधामा छनोट समितिले प्रतिभाको लोकप्रियताको आधारमा समान १ जना सिधै छनोट गरेको प्रतिभा छनोट समितिका संयोजक चिरञ्जीवी घिमिरेले जानकारी दिए ।
वर्ष उत्कृष्ट खेलाडी पुरुषको मनोनयमा आइटिएफ तेक्वान्दोका रोशन मगर, पौडीका प्रारम्भ भण्डारी र फुटबलका अनन्त तामाङ रहेका छन् । वर्ष उत्कृष्ट खेलाडी महिला बक्सिङकी त्रिशा जवेगू, कबड्डीकी अनुजा कुलुङ राई र टेबल टेनिसकी सिक्का सुवाल श्रेष्ठ छिन् ।
त्यस्तै, वर्ष उत्कृष्ट खेलाडी युवा को मनोनयमा प्रारम्भ भण्डारी (पौडी), कृतिसरा अधिकारी (बुद्धिचाल) र योगिता काम्बाङ (आर्चरी) तथा पिपल्स च्वाइस खेलाडीमा रुविना क्षेत्री (क्रिकेट), विनिता बुढाथोकी (भलिबल) र सुस्मिता राई (बक्सिङ) छन् ।
वर्ष उत्कृष्ट प्रशिक्षकमा बक्सिङका डम्बर लिम्बू , आइटिएफ तेक्वान्दोका नविन तामाङ र बुद्धिचालका भूपेन्द्र निरौला मनोनयमा परेका छन् ।
वर्ष खेलाडी पुरुष र महिलाको विजेताले समान १ लाख रुपैयाँ र ट्रफी, वर्ष खेलाडी युवा, पिपल्स च्वाइस खेलाडी, वर्ष उत्कृष्ट प्रशिक्षकले समान २५ हजार रुपैयाँ र ट्रफी प्रदान प्राप्त गर्ने मञ्चका अध्यक्ष इन्द्रजीत मुखियाले जानकारी दिए ।
त्यस्तै, स्पेशल अचिभमेन्ट अवार्डका खेल प्रतिभालाई २५ हजार रुपैयाँ र ट्रफी, उत्कृष्ट खेल पत्रकारलाई ३५ हजार रुपैयाँ र ट्रफी तथा लाइफ टाइम्स अचिभमेन्ट अवार्डस्वरुप एकजनालाई ५० हजार रुपैयाँ र ट्रफी प्रदान गरिने बताइएको छ ।
स्पेशल अचिभमेन्ट, उत्कृष्ट खेल पत्रकार र लाइफ टाइम्स अचिभमेन्ट अवार्डका प्रतिभाको नाम अवार्डको दिन घोषणा गरिनेछ । पिपल्स च्वाइस खेलाडीको विजेताको छिनोफानो भने एनएसजेएफ झापाको आधिकारिक फेसबुक पेजमा गरिने भोटिङबाट गरिनेछ ।
झापा स्पोर्टस् अवार्डको पाँचौँ संस्करण चैत २९ गते बिहीबार बिर्तामोडको बिर्तामोड सिटी सेन्टरस्थित साई पार्टी प्यालेसमा हुनेछ । अवार्डमा २०७९ सालमा राष्ट्रिय तथा अन्तर्राष्ट्रिय प्रतियोगितामा पदक प्राप्त झापा जिल्लाका खेलाडी र प्रशिक्षकलाई मञ्चले सहभागी गराएको कार्यक्रम संयोजक हिमाल खरेलले जानकारी दिए ।
May 2, 2024
हिमाल खरेल,मोरङ सिओल ओलम्पिक १९८८ का सहभागी १२ नेपाली ओलम्पियनलाई विशेष सम्मान गरिएको छ । मोरङको सुन्दरहरैँचास्थित होटल नेपालीरिका आयोजित तेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत आज साँझ उनीहरुलाई सम्मान गरिएको हो । कोशी प्रदेश खेलकुद विकास बोर्डको आयोजना तथा नेपाल ओलम्पियन्स एसोसिएसनको संयोजनमा भएको कार्यक्रममा राजकुमारी पाण्डे, मेनुका राउत, हरि रोकाया, […]
May 2, 2024
हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]
May 1, 2024
ललितपुर (हाम्रो खेलकुद)- नेपाल च्याम्पियन फिडे मास्टर रुपेश जैसवालले नवौं गणेशमान सिंह स्मृति राष्ट्रिय रेटिङ बुद्धिचाल प्रतियोगिताको उपाधि जितेका छन्। रुपेशले बुधबार फाइनलमा क्याण्डिडेट मास्टर मिलन लामासंगको क्लासिकलतर्फको पहिलो र दोस्रो खेल बराबरी खेलेका थिए। क्लासिकलमा १/१ को बराबरीले नतिजा नआएपछि खेल ट्राइबेकरमा धकेलिएको थियो। द्रुतगतिको ५/५ मिनेटको खेलमा सेतो र कालो गोटीको दुबै खेलका […]
