default_image

1 month ago

April 8, 2024

वर्षा र अमृतलाई एकल कातामा स्वर्ण

633 views

0 Bookmark

भरतपुर (हाम्रो खेलकुद))– प्रथम अन्तर प्रदेश राष्ट्रिय खेलकुदअन्तर्गत करातेको पहिलो दिन महिला एकल कातामा सुदूरपश्चिमकी वर्षा साउद र पुरुष एकल कातामा बागमतीका अमृत थोकरले स्वर्ण पदक जितेका छन् ।

भरतपुरस्थित उद्योग वाणिज्य संघको हलमा सोमबार सुरु भएको करातेको महिला एकल कातामा बागमतीकी एलिना थिङले रजत तथा मधेश प्रदेशकी सुजाता परियार र कोशीकी रोस्मा राई कास्य पदक प्राप्त गरेका छन्।

पुरुष एकल कातामा कोशीका विवेक राईले रजत तथा सुदूरपश्चिम प्रदेशका धर्मेन्द्र रेग्मी र लुम्बिनीका आजाद सिंहले कास्य पदक जितेका छन् ।

टिम काताको पुरुष/महिला दुवैमा बागमतीले रजत पदक जितेको छ । त्यस्तै दुवैमा लुम्बिनीले रजत पदक जितेको छ । पुरुषमा गण्डकी र कोशी तेस्रो बन्यो । महिलामा गण्डकी र सुदूरपश्चिम तेश्रो भएको छ ।

तेक्वान्दो

करातेनै सन्चालन भइरहेको हालमा भएको तेक्वात्दोको एकल पुम्सेमा लुम्बिनी प्रदेशका निर्मल पुन मगर र कोशी प्रदेशकी सुशिला राईले स्वर्ण पदक जितेका छन् । पुरुषमा गण्डकी प्रदेशका आयुश गुरुङले रजत तथा कोशीका विवेक राई र बागमती प्रदेशका यबन्दिन दाहालले कांस्य पदक जितेका छन् ।

महिलामा बागमतीकी कविना राईले रजत तथा लुम्बिनीकी सन्जना मगर र गण्डकीकी रितु बुढाथोकीले कांस्य पदक जिते । महिला टिम पुम्सेमा कोशीले स्वर्ण, गण्डकी रतज तथा लुम्बिनी र बागमती कास्य पदक जितेको छ । पुरुष टिम पुम्सेमा कोशीले स्वर्ण, बागमतीले रजत तथा लुम्बिनी र गण्डकीले कांस्य पदक जितेको छ ।

प्रदेश खेलकुद विकास परिषद्, बागमती प्रदेशको आयोजनामा भइरहेको अन्तरप्रदेश खेलकुदको पेयर पुम्सेमा कोशीका विवेक राई र सुशिला राईको जोडीले स्वर्ण पदक जित्यो । गण्डकीका आयुश गुरुङ र रितु बुढाथोकीले रजत तथा लुम्बिनीका निर्मल पुन मगर र सन्जना मगर/बागमतीका अब्बास अन्सारी र सुनमैया खातुनको जोडी कास्य पदक जित्यो ।

भलिबल – बागमती र सुदूरपश्चिमको जित

बागमती प्रदेश खेलकुद प्रतियोगिताको भलिबलको पुरुषतर्फ पहिलो दिन सोमबार सुदूरपश्चिमप्रदेश र महिलातर्फ बागमती प्रदेशले सहज जित निकालेका छन् ।

सुदूरपश्चिम प्रदेशले बागमती प्रदेशलाई सोग्झो सेटमा हराएको हो । सुदूरपश्चिम २५–२१, २५–१८ र २५–२१ ले विजयी भएको छ । पुरुषको अर्को खेलमा गण्डकीले मधेशलाई ३–१ सेटले हरायो । गण्डकीले २०–२५, २५–११, २५–२१ र २५–१८ ले विजयी भएको थियो । अर्को खेलमा कोशीले लुम्बिनीमाथि ३–१ ले हरायो । पहिलो सेटम १६–२५ गुमाएको कोशीले त्यसपछिका सेट २५–१८, २५–१६ र २५–२१ ले आफ्नो पक्षमा पार्दै खेल जितेको थियो ।

महिलातर्फ आजको पहिलो खेलमा मधेशले लुम्बिनीले २५–१८, २५–२१ र २५–७ ले हराएको छ । दोस्रो खेलमा कर्णालीले सुदूरपश्चिमलाई २५–१४, २५–२२ र २५–२२ ले पराजित गर्यो । अन्तिम खेलमा बागमतीले कोशी प्रदेशलाई २५–७, २५–१३ र २५–१४ ले हरायो ।

-पुरुष भलिबलमा कोशीले लुम्बिनीलाई ३ –१ ले हराएको हुनुपर्नुेमा अन्यथा भएकोले सच्चाईएको छ ।

May 18, 2024

डुवाना र एलेक्जेन्डरले पेरिस ओलम्पिक खेल्ने

काठमाडौं (हाम्रो खेलकुद) – पौडीका डुवाना लामा र एलेक्जेन्डर शाहले पेरिस ओलम्पिक २०२४ खेल्ने निश्चित भएको छ । नेपाल ओलम्पिक कमिटि (एनओसी) का महासचिव निलेन्द्र राज श्रेष्ठले पौडीका डुवाना र एलेक्जेन्डरले पेरिस ओलम्पिक २०२४ मा सहभागिता जनाउने निश्चित भएको जानकारी दिएका हुन् । डुवाना र एलेक्सजेन्डरले युनिभर्सियालिटी कोटामा ओलम्पिकमा भाग लिनेछन् । यस्तै पौडीका दुवाना […]

May 18, 2024

‘सन्न्यासपछिको योजना खेल जीवनमै बनाउन सके उत्तम’

काठमाडौं (हाम्रो खेलकुद)– सौख, जोशबाट सुरु हुने खेलाडीको जीवन व्यवसायिकता हुँदै सन्न्याससम्म पुग्छ । तर, धेरैले सक्रिय जीवनमा सन्न्यासपछि के गर्ने भन्ने सोचेका हुँदैनन् । यद्दपी कतिपय खेलाडीले सन्न्यासपछि के गर्ने भन्ने योजना बनाइसकेका हुन्छन् । सन्न्यासपछि खेल गर्ने भन्ने लक्ष्य निर्धारण गर्ने सके त्यसले सन्न्यासपछिको जीवन सहज हुने खेलाडीहरुको विश्वास छ । नेपाल ओलम्पिक […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

Success

Thank you for your time.