ललितपुर (हाम्रो खेलकुद) – काभ्रेका मिलन लामा र ललितपुरका रुपेश जैसवाल नवौं वीर गणेशमान सिंह स्मृति चेस प्रतियोगिताको फाइनलमा पुगेका छन् ।

मिलनले सेमिफाइनलको पहिलो ९० मिनेट क्लासिकल खेल प्रतिद्वन्द्वी क्षितिज भण्डारी संग सेतो गोटीबाट सुरु गरेका थिए । खेल प्रतिस्पर्धात्मक बन्यो । क्षितिले गल्तीका कारण हारे । दोश्रो खेल कालो गोटीबाट शुरु गरेका उनलाई जित्नै पर्ने दबाब थियो । चलाखीपूर्ण चाल चाल्दै जित दर्ता गरे र अंक बराबर गरे । त्यसपछि ३ मिनेट २ सेकेन्ड इन्क्रिजमेन्ट ब्लिज खेलमा पहिला हार आत्मसाथ गरे भने दोश्रो खेल आफ्नो पक्षमा पार्दै पुनः बराबर स्कोर खडा गरे। अन्तिम खेल अझ कौतुहलपूर्ण बन्यो।

अर्मागेडन नियम अनुसार क्षितिजलाई सेतोगोटी ५ मिनेट अनि मिलन लाई कालो गोटी ४ मिनेट (नो इन्क्रिमेन्ट) समय दिएको थियो । सेतोले जित्नै पर्ने र कालोले कमसेकम बराबर गर्दा फाइनल प्रवेश हुने थियो।निर्णायक खेलमा क्षितिजको हरेक चाललाई सटिक प्रतिचाल चाल्दै मिलनले बराबरीमा रोकी फाइनल प्रवेश गर्न सफल भए ।

रुपेशले पुरुषोत्तम सिलवाल संग ब्लिज खेल दुबैमा बराबरी खेलेका थिए । नेपाल च्याम्पियन रुपेश जैसवाल अर्मागेडन सेतो गोटीबाट जित्नै पर्ने खेलमा बराबरी गरे पुग्नेमा पुरुषोत्तमलाई पराजित गर्न सफल भए ।

नेपाल लोकतान्त्रिक खेलकुद संघ स्थापना दिवशको उपलक्ष्यमा आयोजना भएको प्रतियोगिताको सुपर लिगमा आयोजक क्लबका सजिन महर्जन र भक्तपुरका निकेन कुसाथा ६.५ अंक सहित संयुक्तरुपमा शीर्षस्थानमा छन् । सजिनले आशिष फुयाल र निकेनले सुदिप तामाङलाई हराए ।

प्रतियोगितामा काठमाडौंका नवीन तण्डुकार, ललितपुरका कमल श्रेष्ठ र अनरेटेड शैलेन्द्र न्योपानेको समान ६ अंक छ। हेटौंडाका कृष्णथापा देखि झापाका राजन सुवेदीसहित १४ जना ५.५ अंक प्राप्त गरि विविध विधागत पुरस्कारका लागि पछ्याइ रहेका छन्। ६ लाख ३७ हजार ९ सय पुरस्कार रहेको प्रतियोगिताको फाइनल बुधबार हुनेछ ।