default_image

5 days ago

May 15, 2024

कान्तिपुर हाफ म्याराथन शनिबार

159 views

0 Bookmark

काठमाडौं (हाम्रो खेलकुद)- कान्तिपुर हाफ म्याराथनको १२ औं संस्करण यहि साता आयोजना हुने भएको छ।

कान्तिपुर पब्लिकेशन्स लिमिटेडले आयोजनामा शनिबार हुने म्याराथनको‌ सबै तयारी पूरा भएको बुधबार पत्रकार सम्मेलनमा जानकारी दिइयो।

ग्लोबल आईएमईको प्रस्तुती रहेको कान्तिपुर हाफ म्याराथनमा यस वर्षको नारा ‘रन टु इन्स्पायर द यड’ रहेको छ ।

कान्तिपुर हाफ म्याराथनमा ४ विधा रहने बताइएको छ। कान्तिपुर हाफ म्याराथन २१.१ किमीको हुनेछ । त्यस्तै अन्य ३ विधा करपोरेट रन ५ किमी, कलेज रन ७ किमी, हृिवलचेयर रेस रहनेछ।

कान्तिपुर हाफ म्याराथनको पुरुष र महिला विजेताले जनही १ लाख पाउने छन् । त्यस्तै दोस्रोले ५०, तेस्रोले ३०, चौथोले २०, पाचौंले १० र छैटौंलर ५ हजार रुपैयाँ पाउने छन् ।

हिवलचेयर रेस तर्फ विजेताले ३० हजार तथा दोस्रोले २० र तेस्रोले १० हजार रुपैयाँ पाउने छन् । कर्पोरेट रन र कलेज रनको महिला र पुरुषतर्फ शीर्ष ३ मा रहनेले विभिन्न पुरस्कार र गिफ्ट हयाम्पर पाउने छन् ।

कान्तिपुरको कार्यालय रहेको थापाथलीस्थित सेन्ट्रल बिजनेस पार्कबाट सुरु हुने ‘कान्तिपुर हाफ म्याराथन’ थापाथली, माइतीघर मण्डला, बानेश्वर, तीनकुने, कोटेश्वर, जडिबुटी, लोकन्थली गठ्ठाघर, थिमी, सल्लाघारी चोकवाट फन्को लगाएर, कोटेश्वर, तीनकुने, बानेश्वर, मण्डला माइतीघर हुँदै सेन्ट्रल बिजनेस पार्क अगाडि आएर दौड टुंगिने छ ।

कर्पोरेट दौड सेन्ट्रल विजेनस पार्कबाट सुरु भई थापाथली, माइतीघर मण्डला, बानेश्वर, सिभिल हस्पिटल अगाडिबाट घुम्ति लगाएर पुनः बानेश्वर मन्डला, माइतीघर, थापाथली हुँदै सेन्ट्रल विजनेस पार्कमा गएर टुंगिने छ ।

सेन्ट्रल विजेनस पार्कबाटै सुरु हुने हिवह्वलचेयर रेस, थापाथली, माइतीघर मण्डला फन्को लगाएर पुनः सेन्ट्रल विजनेस पार्कमै गएर टुंगिने छ ।

नेपाल एथलेटिक्स संघको प्राविधिक सहयोगमा हुने कान्तिपुर हाफ म्याराथनको सेलिब्रेसन पार्टनर केएफसी एन्ड पिजा हर्ट, टेक्निकल पार्टनर नेपाल एथ्लेटिक्स एसोसिएसन, पेन रिलिफ पार्टनर झन्ड, फुड पार्टनर फुड म्यानेजमेन्ट एन्ड ट्रेडिङ कम्पनी लिमिटेड तथा डिजिटल पार्टनर इसेवा मनि ट्रान्सफर, इन्टरनेश्नल एयरलाइन्स पार्टनर जजिरा र हस्पिटल पार्टनर अल्का अस्पताल रहेका छन् ।

२०६७ सालमा आयोजित पहिलो संस्करणमै १ हजारभन्दा धेरैले सहभागी भएका थिए । त्यसयता हरेक वर्ष सहभागि खेलाडीको संख्या बढिरहेको छ। सबै विधामा गरी यस पटक हामीले झन्डै ३ हजार धावक सहभागी हुने आयोजक अपेक्षा छ । खेलाडी दर्ताको बिहीबार सम्म रहेको छ।

सहभागी हुन चाहनेले नाम दर्ता गर्नलाई फर्म कान्तिपुर पब्लिकेशन्सको थापाथलीस्थित सेन्ट्रल विजनेस पार्कमा रहेको कार्यालयमा लिन सकिनेछ वा अनलाइनबाट खेलाडी दर्ता पनि गर्न सकिनेछ ।

महिलातर्फ यसअघिका आठमध्ये ५ संस्करणमा कान्छीमाया कोजुले उपाधि जितेकी छन्। पुरुषतर्फ हरिकुमार रिमालले ४ पटक कान्तिपुर हाफ म्याराथन जितिसकेका छन् । गत वर्ष महिलामा राजपुरा पछाई र पुरुषमा मुकेश पालले उपाधि जितेका थिए।
हाफ म्याराथनमा १८ वर्ष पुगेका खेलाडीले मात्र सहभागिता जनाउन पाउने बनाइएको छ।

कान्तिपुर पब्लिकेसनका सिइओले कान्तिपुर हाफ म्याराथन स्थापित भइसकेको बताए। ग्लोबल आइएमईला सिनियर डिसिओ सुरेन्द्रराज रेग्मीले म्याराथनको नारा प्रभावकारी रहेको बताए। आरके विष्ट हाफ म्याराथनका रेस डाइरेक्टर रहेका छन् ।

May 20, 2024

सेपाकताक्रो विश्वकप – नेपाल डबल इभेन्टको पनि सेमिफाइनलमा

काठमाडौं (हाम्रो खेलकुद)– नेपाल मलेसियाको क्वालालम्पुरमा जारी सेपाकताक्रो विश्व कपअन्तर्गत डबल इभेन्टको सेमिफाइनलमा पनि सेमिफाइनलमा प्रवेश गरेको छ । बंगलादेशलाई सोमबार २-१ ले हराएपछि नेपाल समूह एको उपविजेताका रुपमा अन्तिम ४ मा पुगेको हो । नेपालले बंगलादेशलाई १५-१०,१३-१५,१५-७ ले हराएको थियो। समूह विजेता चाइनिज ताइपेइसँग हारेको नेपालले श्रीलंकामाथि भने जित निकालेको थियो। नेपाली टोली आइतबार […]

May 19, 2024

सेपाकताक्रो विश्व कप – नेपाल रेगु इभेन्टको सेमिफाइनलमा

काठमाडौं (हाम्रो खेलकुद)– इरानसँग पराजित भएपनि नेपाली टोली मलेसियाको क्वालालम्पुरमा जारी सेपाकताक्रो विश्व कपअन्तर्गत रेगु इभेन्टको सेमिफाइनलमा प्रवेश गरेको छ । समूह एको आफ्नो अन्तिम खेलमा आइतबार इरानसँग २–० सेटमा पराजित भएपछि समूह उपविजेताका रुपमा नेपाल अन्तिम ४ मा पुगेको हो । नेपाल ६–१५र १२–१५ ले पराजित भएको थियो । त्यसअघि लिग चरणकै खेलमा आजै […]

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

Success

Thank you for your time.