ललितपुर (हाम्रो खेलकुद)- ललितपुरका सिएम सजिन महर्जनले राष्ट्रब्यापी फिडे र्‍यापिड रेटिङ्ग बुद्धिचाल प्रतियोगिताको उपाधि जितेका छन्।

ललितपुर स्पोर्ट्स क्लबले पूर्व नेपाल च्याम्पियन फिडे मास्टर बिलम लाल श्रेष्ठको स्मृतिमा आयोजना गरेको प्रतियोगितामा बुधवार ७.५ अंकका साथ सिजनले उपाधि जितेका हुन् ।

ललितपुर स्थित तुल्सीलाल प्रतिष्ठानमा भएको प्रतियोगितामा १ सय २२ खेलाडीको सहभागिता थियो।
९ चरणको खेलबाट विजेता बनेका सिजनले ट्रफीसहित २५ हजार रुपैयाँ प्राप्त गरे। 

समान ७.५ अंक जोडेका एफएम क्षितिज भण्डारी टाइब्रेकरका आधारमा दोश्रो भए । काभ्रेका एफएम क्षितिजले १५ हजार रुपैयाँ पाए । यसैगरी ७ अंक बनाएर पाँचथरका रिशोन थापा तेस्रा भए‌ र उनले १० हजार रुपैयाँ प्राप्त गरे । 

प्रतियोगितामा समान ७ अंक बनाएर चौथो भएका पेभेलियन चेस एकेडेमीका सिएम शुश्रुत दाहालले ८, पाँचौं भएका भक्तपुरका गणेशमान दुवाल ७ हजार रुपैयाँ पाए।

यस्तै समान ६.५ अंक जोडेर रुपेश बहादुर रामचन्द्र छैटौं, काठमाडौंका पुरुषोत्तम सिलवाल सातौं, सिएम केशव श्रेष्ठ आठौं, बद्रीलाल नेपाली नवौं र देवराज दशौं भए र जनही ५ हजार रुपैयाँ पाए ।

स्पर्धामा बद्रीलाल नेपाली, सुरोज महर्जन, सानुराजा बज्राचार्य क्रमशः उत्कृष्ट ललितपुर बने। अनरेटेड तर्फ सत्वीक तुलाधर, रजिन महर्जन, सोनु गुरुङ उत्कृष्ट रहे। यस्तै महिला विधा तर्फ सिन्दिरा जोशी, पूजा भण्डारी, बिनिता कपाली उत्कृष्ट रहे। 

प्रतियोगिता भरि रेटेड १९ सय मुनि मुहान नरसिंह श्रेष्ठ, १८ मुनि सुशील सुवेदी, १७ मुनि सुशील राउट, १६ सय मुनि पीयूष कुमार मिश्र, १५ मुनि विभव जोशी उत्कृष्ट बने। 

यस्तै युवा १६ सम्यक श्रेष्ठ, हर्ष बर्धन राठी, युवा १४ कशिभ कार्की, सार्थक पन्त उत्कृष्ट बने भने युवा १२ मुनि अविन पाण्डे, कैभल्या पन्त उत्कृष्ट बने। सिनियर ५५ वर्ष भुवनेश्वर चौधरी र ६० वर्षमा नवीन तण्डुकार उत्कृष्ट बन्दै पुरस्कार गर्हण गरेका छन्। 

ललितपुर स्पोर्ट्स क्लबले समापन समारोहको गोरखापत्र दैनिकका वरिष्ठ खेल पत्रकार प्रजित शाक्य, मेरोखेल डट कमकी खेल पत्रकार लक्ष्मी शाक्यलाई जनही ५ हजार रुपैयाँसहित प्रशंसा पत्र प्रदान गरियो ।

यस सँगै वर्तमान नेपाल च्याम्पियन राजन सुवेदी र फेटो पत्रकार एवं खेलाडी राजेन्द्र बज्राचार्य (आर) लाई ६ हजार रुपैयाँसहित सम्मान गरियो।

अनुगमन तथा मूल्याङ्कन समितिका सभापति सांसद ठाकुर प्रसाद गैरेले विजेता खेलाडीलाई पुरस्कृत गरे।
 कुल १ लाख ५७ हजार रुपैयाँ पुरस्कार रहेको प्रतियोगिताको समापनमा नेपाल बुद्धिचाल महासंघका अध्यक्ष हेराकाजी महर्जन, स्व. बिलम लाल श्रेष्ठका धर्मपत्नी अञ्जनी श्रेष्ठ, कोषाध्यक्ष तारा बहादुर रानाभाट, जिल्ला संघ सचिव विक्रम श्रेष्ठ लगायतको उपस्थिति थियो।