काठमाडौं (हाम्रो खेलकुद)- बेलायतमा बसोबास गर्ने संखुवासभाली टोलीले न्यु डायमण्ड युथ स्पोर्ट्स क्लबलाई आर्थिक सहयोग गरेको छ ।

माल्टा ५ खाँदवारी संखुवासभा स्थायी ठेगाना भएका र हाल बेलायतमा रहेका मणि कुमार गुरुङ ‘काका’को संयोजकत्वमा संखुवासभाली टोलीले न्यु डायमण्डलाई २ लाख ६० हजार रुपैयाँ सहयोग गरेको हो ‌।

राष्ट्रिय खेल भलिबलको राष्ट्रिय तथा अन्तर्रााष्ट्रिय स्तरको महिला खेलाडी उत्पादन गर्दै प्रशिक्षक कुमार राईले संखुवासभा जिल्लाको नामलाई राख्नु भएकोले न्यु डायमण्डलाई आर्थिक सहयोग गरिइएको बताइएको छ ।
गुरुङले न्यु डायमण्डका अध्यक्षसमेत रहेका राईलाई रकम हस्तान्तरण गरे ।

सहयोग गर्नेमा गुरुङसँगै दिवस श्रेष्ठ, अनिल तामाङ, सल बहादुर गुरुङ, अर्जुन गुरुङ, अमृत कुमार गुरुङ, बाबुराम गुरुङ, भोलामान गुरुङ, युवराज गुरुङ, अम्बी राई, प्रेम कुमार कोराङ्गी, कमला गुरुङ, राम चन्द्र गुरुङ र रवि सारु मगर छन् ।
यस्तै आर्थिक सहयोगको संयोजन गरिरहेका गुरुङले हौसला स्वरुप न्यु डायमण्डकी जेनिशा विश्वकर्मालाई थप रकम सहयोग गरे। रवि सारु मगरले पनि जेनिशालाई थप १० हजार रुपैयाँ प्रदान गरेको प्रशिक्षक राईले जानकारी गराए ।

यस्तै मणि गुरुङले श्रीलंकाको कोलोम्बोमा नोभेम्वर ३ देखि ९ सम्म हुने काभा यु-२० महिला भलिबल च्याम्पियनसिपमा नेपाली टोलीलाई सफलताको पनि शुभकामना व्यक्त गरे । राई सो टोलीका मुख्य प्रशिक्षक र जेनिशाले टोलीलाई नेतृत्व गरिरहेकी छिन् ।

न राईले सहयोगी सबैलाई क्लबका तर्फबाट धन्यवाद दिए । उनले नेपाली राष्ट्रिय महिला भलिबल टोलीलाई बलियो बनाउनका उद्देश्यका साथ क्लबले महिला खेलाडीलाई प्रशिक्षण दिइरहेको बताए ।

चन्द्रगिरी १३ नैकापमा निर्माणाधिन आवासीय सुविधासहितको क्लबको इन्डोर हलमा हाल ६५ जना नियमित प्रशिक्षणमा छन् । जसमा ४५ जना क्लबमै रहेर प्रशिक्षण लिइरहेका छन्।