धरान (हाम्रो खेलकुद) – राजन मगरको अध्यक्षतामा नेपाल लोकतान्त्रिक खेलकुद संघ, धरान नगर समितिको सोमबार पूनर्गठन भएको छ । भेलाले समितिको उपाध्यक्षमा इन्द्रकला नेम्वाङ र महेन्द्र तामाङ,सचिवमा शिशिर खड्का, कोषाध्यक्षमा बिना राईलाई चयन गरेको छ ।
सदस्यमा ध्रुब गिरी, सुरज कोइराला, शम्भु तामाङ, प्रशान्त श्रेष्ठ, बिनोद मगर, अर्जुन श्रेष्ठ ‘क’, अर्जुन श्रेष्ठ ‘ख’, आशिष आचार्य, डिल्ली राई, अमित राई, उत्तम राई, प्रशन श्रेष्ठ छन् ।
भेलाका मुख्य अतिथि अखिल नेपाल फुटबल संघ (एन्फा) केन्द्रिय उपाध्यक्ष किशोर राईले धरानलाई खेलकुद शहरको रुपमा विकास गर्न स्थानिय खेलाडकिो भूमिका महत्वपूर्ण हुने बताए । भेलामा लोकतान्त्रिक खेलकुद संघका जिल्ला प्रताप तामाङ र धरान फुटबल क्लबका अध्यक्ष अशोक राईको उपस्थिति थियो ।
