10 years ago
October 9, 2015
काठमाडौं, असोज २२ गते ।
राष्ट्रिय खेलकुद परिषद्को आयोजनामा सातौं राष्ट्रिय खेलकुद– २०७२ को पहिलो प्रतियोगिताका रुपमा १५ औं राष्ट्रिय शारीरिक सुगठन प्रतियोगिता शुक्रबारदेखि सातदोबाटोस्थित अन्तर्राष्ट्रिय खेलकुद परिसरमा सुरु भएको छ ।
प्रतियोगितामा विभिन्न २५ जिल्ला र त्रिभूवन आर्मी क्लबका जम्मा ६७ पुरुष खेलाडीले विभिन्न ७ तौलसमूहमा प्रतिस्पर्धा गरिरहेका छन् । पहिलो दिन प्रिजजिङ राउन्ड सम्पन्न भयो । प्रत्येक तौलसमूहबाट ५ का दरले ३५ खेलाडीले फाइनल यात्रा गरेका छन् । फाइनल शनिबार हुनेछ ।
५५ केजीमा झापाका छत्रबहादुर श्रेष्ठ, कास्कीका सुरेश गुरुङ, काठमाडौंका रवि महर्जन, काभ्रेका उमेश बलामी र ललितपुरका नमराज लुइटेल फाइनलमा पुगे । ६० केजीमा भक्तपुरका कृष्णबहादुर श्रेष्ठ, कपिलवस्तुका सन्जिवकुमार श्रेष्ठ, ललितपुरका रुजेश शाही, मोरङका रमेश कार्की र रुपन्देहीका सुनील आले फाइनलमा प्रवेश गरे । ६५ केजीमा भक्तपुरका गंगाराम गोरखाली, झापाका रामबहादुर दाहाल, काठमाडौंका अनिललाल श्रेष्ठ, मोरङका विकास धिमाल र आर्मीका दीपध्वज ठकुरी उपाधि होडमा सामेल भएका छन् ।
७० केजीमा भक्तपुरका उज्ज्वलरत्न वज्राचार्य, काठमाडौंका कर्णिक शाक्य, काभ्रेका रामहरि खनाल, खोताङका देवराज पराजुली र रुपन्देहीका चन्द्रमान श्रेष्ठले फाइनल यात्रा पक्का गरे । ७५ केजीमा बाँकेका दीपेन्द्रबहादुर खत्री, चितवनका नवीनकुमार गुरुङ, दोलखाका सुवर्ण खड्का, काठमाडौंका महेश्वर महर्जन र रुपन्देहीका विजेन्द्रमान श्रेष्ठबीच उपाधि भिडन्त हुने भएको छ ।
भक्तपुरका प्रवेश श्रेष्ठ, काठमाडौंका नरेश मालाकार, ललितपुरका अमर डंगोल, रुपन्देहीका अनिल थापा र सुनसरीका पारस भुजेल ८० केजीको फाइनलमा पुगे । ८० केजीमाथि चितवनका अनिलकुमार थापा, झापाका तुल श्रेष्ठ, काठमाडौंका विजयत्तमरत्न वज्राचार्य, ललितपुरका प्रनण शाही र नुवाकोटका तिलक तामाङ फाइनलमा प्रवेश गरेका छन् ।
May 17, 2025
काठमाडौं (हाम्रो खेलकुद)- नेपाल ओलम्पियन्स संघको स्कुल टु ओलम्पिक कार्यक्रम यो वर्ष पनि सुरु भएको छ। झन्डै ४ वर्ष अघि कर्णालीको सुर्खेतबाट स्कुल ओलम्पिक कार्यक्रम सुरु भएको थियो। संघले बागमती प्रदेश युवा तथा खेलकुद मन्त्रालय, प्रदेश खेलकुद विकास परिषद्को सहयोगमा काभ्रेपलाञ्चोकको साँगास्थित नेपाल पुलिस स्कुलमा ओलम्पियन र अन्य अन्तराष्ट्रिय खेलाडीको उपस्थितिमा शुक्रवार स्कुल टु ओलम्पिक […]
May 15, 2025
रविन्द्र वाईबा, मकवानपुर बागमती प्रदेश सरकारको युवा तथा खेलकुद मन्त्रालयले हेटौंडामा पहिलो पटक प्रदेश स्पोर्टस अवार्ड एन्ड युथ समिट आयोजना गर्दैछ । आइतवार हेटौंडा-४ स्थित हुप्राचौरमा अवार्ड आयोजना हुने बिहीवार हेटौंडामा पत्रकार सम्मेलनमार्फत जानकारी गराएको छ । प्रदेशका पूर्व तथा वर्तमान खेलाडी, प्रशिक्षक र पत्रकारलाई सम्मान गर्ने उद्देश्यले कार्यक्रम आयोजना गर्न लागेको बागमती प्रदेशका युवा […]
May 14, 2025
काठमाडौं (हाम्रो खेलकुद)- राष्ट्रिय खेलकुद परिषद् (राखेप) ले प्रकाशन गरेको ओलम्पिकमा नेपाल नामक पुस्तक विमोचन गरिएको छ। राखेपका सदस्य सचिव टंकलाल घिसिङ तथा ओलम्पियनहरु बैकुण्ठ मानन्धर, जितबहादुर केसी दिपक विष्ट, विष्णु बहादुर सिंह लगायत १५ जना ओलम्पियनहरुले बुधवार संयुक्त रुपमा पुस्तकको विमोचन गरे। राखेपले ओलम्पिकमा नेपाल सहभागी भएको सन् १९६४ देखि देखि २०२४ सम्मको इतिहास […]