रोम (एजेन्सी)- रसियन टेनिस सुन्दरी मारिया सारापोभा करिव १५ महिनाको प्रतिबन्ध भोग्दै बुधबार पुनः टेनिस कोर्टमा फर्कदै छ ।
सारापोभाले बुधबार ग्राण्डपिक्स टेनिसमार्फत १५ महिनापछि कोर्टमा पुनरागमन गर्न लागेकी हुन् । शक्तिबर्धक औषधी प्रयोग गरेको भन्दै रसियन टेनिस सुन्दरी सारापोभालाई एन्टी डोपिङले २२ महिनाको सजाय सुनाएको थियो तर, सारापोभाले अपिल गरेपछि उनको प्रतिबन्ध १५ महिनामा झारिएको थियो ।
उनको प्रतिबन्ध सोमबार सकिएको थियो । पुनरागमनको पहिलो खेलमा सारापोभाले इटालियन भेट्रान रोबर्टा भिन्सीसँग प्रतिस्पर्धा गर्नेछिन् ।
