काठमाडौं (हाम्रो खेलकुद) – खेलकुद पृष्ठभूमिबाट सेना वा प्रहरीमा प्रवेश गर्नेको सुचि नेपालमा लामो भइसकेको छ । त्यसमा अर्की एक महिला भलिबल खेलाडीको नाम थपिएको छ । न्यु डायमण्ड एकेडेमीकी कृपा अधिकारी नेपाली सेनाको सहायक सेनानी (सेकेण्ड लेफ्टिनेन्ट) पदमा उर्तिण भएकी छिन् ।

 

घरेलु भलिबलमा विभागीय टिमलाई चुनौती दिन सक्ने टोलीको रुपमा रहेको न्यु डायमण्ड एकेडेमीको महिला भलिबल टिमको दोस्रो ब्याचका खेलाडी कृपाले आइतबार सहायक सेनानी पदमा नाम निकालेकी हुन् ।

न्यु डायमण्डलाई घरेलु प्रतियोगिताहरुमा थुप्रै पटक विजेता र उपविजेतासम्म पु¥याउन कृपाको योगदान महत्वपूर्ण रहेको छ । सहायक सेनानीमा नाम निकालेपछि कृपाले खुशी लागि रहेको तर, सबै कुरा सिकाउने न्यु डायमण्ड छोड्नु पर्दा दुःख लाग्ने बताइन् ।

‘मैले न्यु डायमण्डमै सबै कुरा सिके । छोडेर जानुपर्दा नरमाइलो त लाग्छ नै । आफ्नो भविष्य पनि हेर्नुपर्छ ’ राष्ट्रिय महिला भलिबल टिमकी सेटर समेत रहेकी कृपाले हाम्रो खेलकुदलाई भनिन्, ‘म जहाँ गएपनि न्यु डायमण्ड स्कुल र टिम सधै मेरो मन मुटुमा हुनेछ । न्यु डायमण्डलाई सधै सहयोग र सपोर्ट हुनेछ ।’ प्रशिक्षक कुमार राई सर पनि खुशी हुनुहुन्छ । म पनि खुशी छु ।’

यस्तै कृपाले सेनामा प्रवेश गरिसकेपछि त्यहिको नियम पालन गर्नुपर्ने भएकोले आर्मीको टिमबाट तत्कालै खेलिहाल्ने कुनै योजना नबनाएको बताए । न्यु डायमण्डमा भलिबल शुरु भएको २÷३ वर्षपछि कृपाले कुमार राईसँग भलिबल कला सिकेकी थिईन् । न्यु डायमण्डमा कृपा आउनुभन्दा अघि बीना मोत्तानले सेटरको भुमिका निभाउथिन्।

बीना हाल रोजगारीको शिलशिलामा दुवईंमा रहेकी छिन् । १८ वर्षीय कृपा बीएससी अध्ययनरत छिन् । सहायक सेनानी पदमा नाम निकालेकी सेटर कृपालाई नेपाली राष्ट्रिय टिमको कप्तान बिनिता बुढाथोकीको विकल्पको रुपमा हेरिएको छ । नेपालमै भएको माल्दिभ्ससँगको मैत्रीपूर्ण खेलबाट राष्ट्रिय टिममा डेब्यु गरेकी कृपाले १२ औं दक्षिण एसियाली खेलुकद ९साग० मा पनि राष्ट्रिय टिमको प्रतिनिधित्व गरिसकेकी छिन् ।