10 years ago
January 28, 2016
काठमाडौं, माघ १४ ।
सार्वजनिक संस्थान खेलकुद संघ नेपालको आयोजनामा ‘नेपाल टेलिकम कप’ नवौं सार्वजनिक संस्थान खेलकुद प्रतियोगिता शुक्रबारदेखि हुने भएको छ ।
नेपाल टेलिकमको मुख्य प्रायोजनमा हुन लागेको प्रतियोगितामा दौड र बुद्धिचालतर्फ प्रतिस्पर्धा हुने आयोजक संघका अध्यक्ष कुलबहादुर आचार्यले बिहीबार आयोजित पत्रकार सम्मेलनमा जानकारी गराए ।
दौडलाई दुई समूहमा विभाजन गरी प्रतिस्पर्धा हुने छ । पुरुष÷महिलातर्फ क्रमशः १० र ५ किलोमिटर दूरीमा खुला र कर्मचारीतर्फ प्रतिस्पर्धा हुनेछ । खुलामा राष्ट्रियस्तरका खेलाडी समेतले भाग लिन पाउने छन् ।
कर्मचारीतर्फ सार्वजनिक संस्थान, स्थानिय निकाय, दूरसंचार प्रदायक कम्पनी, एयरलाइन्स तथा ‘क’ वर्गका बैंकमा कार्यरत कर्मचारीहरु समावेश हुन पाउने प्रावधान छ । दौडमा १ सय ३१ तथा बुद्धिचालमा १२ प्रतिस्पर्धी सहभागी हुने संघका महासचिव रामविनय श्रेष्ठले जानकारी गराए ।
दौडतर्फ कुल पुरस्कार राशी १ लाख ६० हजार रुपैयाँ रहेको छ । खुलातर्फ पहिलो हुनेले २५ हजार, दोश्रोले १५ हजार र तेश्रोले १० हजार नगद पुरस्कार प्राप्त गर्ने छन् । कर्मचारीतर्फ शीर्ष तीन स्थान हात पार्ने पुरुष÷महिलाले क्रमशः १५ हजार, १० हजार र ५ हजार नगद पुरस्कार हात पार्ने छन् ।
बुद्धिचालमा पहिलो हुनेले १५ हजार, दोश्रोले १० हजार र तेश्रोले ५ हजार नगद पुरस्कार जित्ने छन् । बुद्धिचाल माघ १५ र १६ गते बबरमहलमा हुने छ । माघ १६ मा हुने दौड त्रिपुरेश्वरस्थित दशरथ रंगशालबाट सुरु भइ पुनः दशरथ रंगशालामै आएर टुंगिने छ ।
दुईदिने प्रतियोगिता सञ्चालन गर्न करिब ७ लाख रुपैयाँ खर्च हुने गरिएको आयोजकले जनाएको छ । सम्पूर्ण तयारी भएको आयोजकले जनाएको छ ।
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा नेपाल पुलिस क्लब विजयी भएको छ । आजको दोस्रो खेलमा पुलिसले न्यु डायमन्ड क्लबलाई न्यु डायमन्ड क्लबलाई ३–० को सोझो सेटमा पराजित गरेको हो । पुलिसले २५-१९,२५-१४,२५-१७ को सोझो सेटमा विजयी भएको हो । पुलिसकी रिमा कुँवर प्लेयर अफ दि म्याच घोषित भइन् । उनलाई […]
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा एपिएफ क्लबले दोस्रो जित निकालेको छ । आज भएको पहिलो प्रतिस्पर्धात्मक खेलमा एपिएफले अर्को विभागीय टोली त्रिभुवन आर्मी क्लबलाई ३-१ सेटले पराजित गरेको हो । एपिएफ २५-१५,२२-२५,२५-१८,२५-१८ विजयी भएको हो । आर्मीले २२–२५ को सेट आफ्नो पक्षमा पारेको थियो । खेलको प्लेयर अफ द म्याच […]
December 3, 2025
हिमाल खरेल, बिर्तामोड झापाको अर्जुनधारामा सुरु अर्जुनधारा खुला महिला भलिबल प्रतियोगितामा एपिएफ क्लब र न्यु डायमन्ड क्लब विजयी भएका छन् । आज भएको उद्घाटन खेलमा एपिएफले एभरेस्ट लुम्बिनी क्लबलाई हराएको हो । एपिएफले एभरेस्ट लुम्बिनीलाई ३-० को सोझो सेटमा हराएको हो । एपिएफले ११-२५, १५-२५ र २२-२५ को सेटमा पराजित गरेको हो । एपिएफकी नेविका […]
