काठमाडौं (हाम्रो खेलकुद) – पिताम्बर तिम्सिना राष्ट्रिय खेलकुद परिषद (राखेप) को उपाध्यक्ष नियुक्त भएका छन् । राखेप अध्यक्ष एवं युवा तथा खेलकुद मन्त्री जगतबहादुर बि.क. (सुनार) ले तिम्सिनालाई युवा तथा खेलकुद मन्त्रालयमा बुधबार उपाध्यक्ष पद तथा गोपनियताको सपथ गराए ।

लामा टेन्डी शेर्पाको उपाध्यक्षको पदावधि समाप्त भएपछि तिम्सिनालाई नियुक्त गरिएको हो । मन्त्रीले तिम्सिनालाई खेलकुद विकास ऐन २०४८ का अनुसार कात्तिक २८ गते देखि लागु हुने गरि सदस्य पदमा बहाल रहने अवधीभरका लागि उपाध्यक्षमा नियुक्त गरेका हुन् । तिम्सिनाले बुधबार नै राखेपमा पद बहाली गरेका छन् ।

राखेप उपाध्यक्ष पिताम्बर तिम्सिना ।

गुरुङ राखेपको सदस्य यसअघि पनि मनोनित भएका थिए । उनी सुटिङ र बक्सिङ्ग संघको उपाध्यक्ष तथा नेपाल ब्याडमिन्टन संघको केन्द्रिय सदस्य समेत रहिसकेका छन् । मोर्डन पेन्टाथलन र नेपाल भलिबल संघको केन्द्रिय सदस्य रहेकी निरौलाको पहिलो पटक राखेप सदस्यमा मनोनित भएकी हुन् ।

राखेप सदस्य इन्दिरा निरौला ।

मन्त्री सुनारले सदस्यहरुलाई बधाई दिने क्रममा जिम्मेवारी पुरा गर्ने विश्वास लिएको बताए । उनले राखेपको नीति र काममा दत्तचित्त रहन पनि सुझाव दिए । उपाध्यक्ष तिम्सिनाले आफुले राखेपमा उपाध्यक्षमा रहेर गरेको कार्यको मुल्याङ्कन गर्दै पुनः राखेपको सदस्यमा नियुक्त गरेकोमा मन्त्री परिषद्लाई र उपाध्यक्ष पदमा नियुक्त गरेकोमा मन्त्रीलाई धन्यवाद दिए ।

राखेप सदस्य राजेश गुरुङ ।

उनले राखेपमा देखिएको विकृती र विसंगतीलाई निर्मूल गर्न लागि पर्ने बताए । यद्दपी उनले कस्तो विकृती र विसंगतीका बारेमा भने प्रष्ट पारेनन् । राखेप सदस्य सचिव केशवकुमार विष्टले अनुभवी सदस्यहरु मनोनित हुनुले परिषदले गर्ने काममा थप सहयोग पुग्ने विश्वास लिएको बताए ।