काठमाडौं (हाम्रो खेलकुद)– ग्रेट बुद्धिष्ट ट्रेल रेसको दोस्रो संस्करण मार्चमा हुने भएको छ । आयोजक बुद्धिस्ट सर्किट्सले बुधबार पत्रकार सम्मेलनको आयोजना गर्दै रेस मार्च १७ देखि २० सम्म हुने जानकारी गराएको हो ।

रेस स्वयम्भुनाथ चैत्य परिसरबाट शुरु भएर शाक्य सभ्यताको एक महत्वपूर्ण स्थल लुम्बिनीमा पुगेर अन्त्य हुनेछ । पहिलो दिन सहभागीहरु स्वयम्भुबाट चन्द्रागिरी केवलकार पुग्नेछन् । चन्द्रागिरीपछि डाउनहिल राइड गर्दै कुलेखानी र दामन हुँदै हेटौंडा पग्नेछन् ।

त्यसपछि नारायणघाट हुँदै कावासोतीपछि देवदह, रामग्रामलगायतका बौद्धस्थल हुँदै लुम्बिनीमा पुगी यात्रा समापन हुनेछ । मार्च २० तारिखमा सबै यात्रीहरु साइक्लिङ प्रतिस्पर्धामा सहभागी हुनेछन् ।

मायादेवी पबित्र उद्यानलाई सात फन्को लगाई सहभागीहरुले ७७.७७ किमीको दुरी पार गर्नेछन् । ¥यालीका संयोजक दिपक राईका अनुसार साइक्लिङ प्रतियोगितामा पुरुष र महिला गरी दुई विधामा हुनेछन् ।

दुवै विधाको विजेताले ७७ हजार ७ सय ७७ रूपैया हात पार्नेछन् । दोस्रो हुनेले ५५ हजार ५ सय ५५ रूपैया तथा तेस्रो हुनेले ३३ हजार ३ सय ३३ रूपैया हात पार्नेछन् । ¥यालीमा ७० साइक्लिस्ट सहभागी हुने आयोजकले अपेक्षा गरेको छ