काठमाडौं (हाम्रो खेलकुद )- साविकको विजेता विभागीय त्रिभुवन आर्मी क्लब र गण्डकी प्रदेशले राजधानीमा जारी चौथो संस्करणको प्रधान सेनापति कप राष्ट्रिय पुरुष भलिबल प्रतियोगितामा एक खेल अगावै सेमिफाइनलमा प्रवेश गरेका छन् ।

• 

लगातार तेस्रो जित हात पार्दै आर्मी समूह ‘क’ बाट तथा गण्डकी समूह ‘ख’ बाट एक खेल अगावै अन्तिम चारमा पुग्न सफल भएको हो । आर्मीले समूह चरणको अन्तिम खेलमा बुधबार एपीएफसँग तथा गण्डकीले विभागीय नेपाल पुलिस क्लबसँग प्रतिस्पर्धा गर्दैछ ।

यी खेलमा जित हात पारे आर्मी र गण्डकी समूह विजेता बन्दै सेमिफाइनलमा प्रवेश गर्नेछ ।
सैनिक तालिम तथा खेलकुद केन्द्र लगनखेलमा मंगलबार भएको पहिलो खेलमा आर्मीले प्रदेश २ माथि ३–० को सहज जित निकाल्यो । एकपक्षीय खेलमा आर्मीले प्रदेश २ माथि २५–१५, २५–१२ र २५–१३ ले विजयी भयो ।
मंगलबारै भएको समुह ‘ख’ को खेलमा गण्डकी प्रदेशले कर्णालीमाथि ३–० को जित निकाल्न सफल भयो । गण्डकीले कर्णालीलाई पहिलो सेटमा २५–२१ को जित निकाल्यो । प्रतिस्पर्धात्मक बनेको दोस्रो सेट गण्डकीले २७–२५ ले जित्न सफल हुदा तेस्रो सेट २५–१४ ले सहजै आफ्नो पक्षमा पा¥यो ।

समूह ‘क’ मा एपीएफले लगातार दोस्रो जित हात पार्दा सुदूरपश्चिम प्रदेशलाई २५–८, २५–२७ र २५–१७ ले हरायो । एपीएफले अब आर्मी र प्रदेश १ सँग खेल्न बाँकी छ ।
समूह ‘ख’ मा विभागीय नेपाल पुलिस क्लबले प्रदेश ५ माथि २६–२४, २५–१५ र २५–१७ ले हरायो । पुलिसले गण्डकी तथा प्रदेश ३ सँग खेल्न बाँकी छ ।
लिगमा बुधबार समूह चरणका चार खेल हुनेछ । पहिलो खेलमा प्रदेश १ र सुदूरपश्चिम प्रदेश, प्रदेश ३ र प्रदेश ५, आर्मी र एपीएफ तथा गण्डकी र नेपाल पुलिस क्लबबीच खेल हुनेछ ।
२६ जेसम्म गते सम्म सञ्चालन हुने प्रतियोगितामा सात प्रदेशसहित १० टोलीलाई दुई समूहमा विभाजन गरिएको छ । हरेक समूहका शीर्ष दुई टोलीले सेमिफाइनलमा स्थान बनाउनेछ

। प्रतियोगिताको विजेताले ३ लाख रुपैया हात पार्नेछ । उपविजेताले १ लाख ५० हजार तथा तेस्रोले ७५ हजार प्राप्त गर्नेछन् । प्रतियोगिताको सर्वोकृष्ट खेलाडीले पल्सर बाइक हात पार्नेछन् । व्यक्तिगत विधातर्फ उत्कृष्ट स्पाइकर, ब्लकर, डिफेन्डर, लिफ्टर, सर्भर र प्रशिक्षकले जनही १० हजार प्राप्त गर्नेछन् ।