5 years ago
August 30, 2019
पोखरा (हाम्रो खेलकुद) – नवआदर्श सामुदायिक विकास समाजको आयोजनामा लामाचौरमा तीज अवसरमा राष्ट्रिय महिला भलिबल प्रतियोगितामा होङग्वान्जी न्यु डायमन्ड एकेडेमी र विभागीय नेपाल पुलिस क्लब एकै समूहमा परेका छन् । आयोजकले शुक्रबार निकालेको खेल तालिकामा ४ पटकको च्याम्पियन होङ्ग्वान्जी न्यु डायमन्ड र नेपाल पुलिससँगै चितवन टाइगर्स एक समूह ‘बीमा परेको हो । समूह ‘ए’ मा […]
पोखरा (हाम्रो खेलकुद) – नवआदर्श सामुदायिक विकास समाजको आयोजनामा लामाचौरमा तीज अवसरमा राष्ट्रिय महिला भलिबल प्रतियोगितामा होङग्वान्जी न्यु डायमन्ड एकेडेमी र विभागीय नेपाल पुलिस क्लब एकै समूहमा परेका छन् ।
आयोजकले शुक्रबार निकालेको खेल तालिकामा ४ पटकको च्याम्पियन होङ्ग्वान्जी न्यु डायमन्ड र नेपाल पुलिससँगै चितवन टाइगर्स एक समूह ‘बीमा परेको हो । समूह ‘ए’ मा गण्डकी प्रदेश, पारामाउन्ट स्कुल काठमाडौं र श्री गाँउ खेलकुद बिकास समिति दाङ रहेका छन् ।
प्रतियोगितामा साविकको विजेता नेपाल एपीएफ क्लबले सहभागिता नजाउने भएको छ । टोलीका पहिलो रोजाईका ५ खेलाडीहरु राष्ट्रिय टोलीको प्रशिक्षणमा रहेको र बाँकी खेलाडीहरु एपीएफकै आन्तरिक प्रशिक्षणमा व्यस्त रहेकाले यसपटक सहभागिता जनाउन नसकिएको एपीएफ खेलकुद विभाग अन्तरगत भलिबलतर्फका संयोजक तथा सशस्त्र प्रहरी निरिक्षक विजय केसीले हाम्रो खेलकुदलाई जानकारी गराए ।
१३औं सागको लागि एपीएफबाट राष्ट्रिय टोलीका प्रशिक्षणमा सरस्वती चौधरी, रेश्मा भण्डारी, हिरा केसी, उषा विष्ट र कविता भट्ट रहेकी छिन् । यस्तै मनिषा तामाङ, निशाना बलाल र रन्जना खड्का लगायतका खेलाडीहरु एपीएफको आन्तरिक प्रशिक्षणमा रहेका छन् । टिम नभएकै कारण यसपटक सहभागिता जनाउन नसकिएको एपीएफ खेलकुद विभाग अन्तरगत भलिबलतर्फका संयोजक तथा सशस्त्र प्रहरी निरिक्षक विजय केसीले बताए ।
२३औं लामाचौर तीज महोत्सव २०७६ अवसरमा नवआदर्श सामुदायिक विकास समाजले आयोजना गरेको प्रतियोगिताको खेलहरु शनिबारदेखि शुरु हुनेछ । पहिलो र दोस्रो दिन समान ४ खेल हुनेछ । अन्तिम दिन दुई खेल हुनेछ ।
सहभागी टोलीलाई दुई समूहमा विभाजन गरिएको छ । लिग कम नकआउटका आधारमा हुने प्रतियोगिताको शीर्ष दुई टोलीले सेमिफाइनलमा स्थान बनाउनेछ । तीज महोत्सव भदौ १२ देखि शुरु हुने भएपनि भलिबलका खेलहरु १४ गतेदेखि शुरु हुने आयोजकले जनाएको छ ।
प्रतियोगिताको विजेताले १ लाख, उपविजेतालाई ६५ हजार र तेश्रोेलाई २५ हजार साथमा शील्ड, मेडल र प्रमाणपत्र वितरण गरिने आयोजकले जनाएको छ । उत्कृष्ट खेलाडीलाई आकर्षक गिफ्ट ह्याम्पर प्रदान गरिने भएको छ ।
प्रतियोगिताको आठौं संस्करण शुरु हुन लाग्दा न्यु डायमन्डले लगातार चारपटक उपाधि जितेको छ । तीनपटक एपीएफ च्याम्पियन बनेको छ । पहिलो संस्करणमा एपीएफ च्याम्पियन बनेको थियो । त्यसपछि लगातार चारपटक न्यु डायमन्ड च्याम्पियन बन्दा पछिल्लो दुई संस्करणमा एपीएफले डायमन्डलाई नै पराजित गर्दै उपाधि जितेको थियो ।
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]