5 years ago
August 31, 2019
पोखरा (हाम्रो खेलकुद) – काठमाडौंको होङ्ग्वान्जी न्यु डायमन्ड एकेडेमी र गण्डकी प्रदेश एक खेल अगावै पोखराको लामाचौरमा तीजको अवसरमा आयोजना भइरहेको राष्ट्रिय महिला भलिबल प्रतियोगिताको सेमिफाइनलमा प्रवेश गरेको छ । लामाचौरस्थित इन्द्र राज्यलक्ष्मी माध्यमिक विद्यालयको खेल प्राङ्गणमा शनिबार भएको खेलमा न्यु डायमन्ड र गण्डकीले आ–आफ्नो एक खेलमा सफलता हात पार्दै एक खेल अगावै अन्तिम चारमा […]
पोखरा (हाम्रो खेलकुद) – काठमाडौंको होङ्ग्वान्जी न्यु डायमन्ड एकेडेमी र गण्डकी प्रदेश एक खेल अगावै पोखराको लामाचौरमा तीजको अवसरमा आयोजना भइरहेको राष्ट्रिय महिला भलिबल प्रतियोगिताको सेमिफाइनलमा प्रवेश गरेको छ ।
लामाचौरस्थित इन्द्र राज्यलक्ष्मी माध्यमिक विद्यालयको खेल प्राङ्गणमा शनिबार भएको खेलमा न्यु डायमन्ड र गण्डकीले आ–आफ्नो एक खेलमा सफलता हात पार्दै एक खेल अगावै अन्तिम चारमा पुग्न सफल भएको हो ।
शनिबारको पहिलो खेलमा गण्डकी प्रदेशले काठमाडौंको पारामाउन्ट इंग्लिस बोर्डिङ स्कुलमाथि ३–० को सोझो सेटमा पराजित गरेको हो । एकपक्षीय खेलमा गण्डकीले पारामाउन्टमाथि पहिलो सेटमा २५–१४ को सहज जित निकालेको हो । दोस्रो सेटमा २५–११ को सफलता पाएको गण्डकीले तेस्रो सेट २५–१५ ले सहजै आफ्नो पक्षमा पार्न सफल भयो ।
दोस्रो खेलमा तीज भलिबलकै सर्वाधिक सफल टोली होङ्ग्वान्जी न्यु डायमन्डले चितवन टाइगर्समाथि ३–० को सहज जित निकाल्यो । टप्स र ज्ञानुबावा स्कुलबाट व्यवसायिक भलिबल खेल शुरु गरेर चोटका कारण खेल गुमाएकी सिपोरा गुरुङले डायमन्डबाट खेल्दै खेलमा पुनरागमन गरिन् । डायमन्डले पहिलो सेटमा २५–१४ को सहज जित निकाल्यो । दोस्रो सेटमा २५–२० को जित निकालेको डायमन्डले तेस्रो सेटमा २५–१४ को जित निकाल्यो ।
भारी वर्षाले खेल प्रभावित बनेपछि शनिबारको लागि तय भएको बाँकी दुई खेल स्थगित बन्यो । तेस्रो खेलमा गण्डकी र श्रीगाँउ खेलकुद बिकास समिति दाङबीचको खेल वर्षाले प्रभावित बन्यो । पहिलो सेट गण्डकीले २५–२३ आफ्नो पक्षमा पारेको थियो । दोस्रो सेटमा पनि गण्डकीले २२–१९ ले अग्रता लिइरहँदा वर्षाले खेल हुन नसकेपछि खेल स्थगित हुन पुगेको रेफ्री संयोजक शान्ति गुरुङले जानकारी गराइन् ।
शनिबारका लागि स्थगित भएका खेलहरु आइतबार बिहान हुने आयोजकले जनाएको छ । पहिलो खेलमा होङ्ग्वान्जी न्यु डायमन्ड र विभागीय नेपाल पुलिस क्लबबीच खेल हुनेछ । अर्काे खेलमा गण्डकी र श्रीगाँउ दाङबीच खेल हुनेछ । अर्काे खेलमा श्री गाँउ दाङ र पारामाउन्ट तथा पुलिस र चितवन टाइगर्सबीच खेल हुनेछ । आइतबारको खेल पछि नै समूह विजेता र उपविजेताको टुङ्गो लाग्नेछ ।
April 18, 2024
काठमाडौं (हाम्रो खेलकुद)– सुदूरपश्चिम प्रदेशले पहिलो पटक केन्द्रीयस्तरीय राष्ट्रपति रनिङ सिल्डमा बिहीबार टिम च्याम्पियन बनेको छ । १४ औं संस्करणमा १९ स्वर्ण, १२ रजत र १८ कांस्य पदकका साथ सुदूरपश्चिम च्याम्पियन बनेको हो । बागमती प्रदेश १७ स्वर्ण, १३ रजत र १५ कांस्य पदकका साथ दोश्रो भयो । तेश्रो स्थानको कर्णाली प्रदेशले १० स्वर्ण, ५ […]
April 18, 2024
काठमाडौं (हााम्रो खेलकुद)– १४ औं केन्द्रीयस्तरीय राष्ट्रपति रनिङ सिल्डको अन्तिम दिन बिहीबार एथलेटिक्समा ३ नयाँ जुनियर राष्ट्रिय कीर्तिमान कायम भएको छ । राष्ट्रिय खेलकुद परिषद् (राखेप) द्वारा आयोजित प्रतियोगितामा अन्तर्गत त्रिपुरेश्वरस्थित दशरथ रंगशालामा सुदूरपश्चिम प्रदेशका आशिष महरले छात्र ट्रिपल जम्पमा १४.१९ मिटर जम्प गर्दै ३६ वर्षअघिको जुनियर राष्ट्रिय कीर्तिमान भंग गर्दै स्वर्ण पदक जितेको छन् […]
April 18, 2024
दिल तामाङ नेपाली भलिबल वर्ष २०८० मा चलायमान रह्यो । घरेलु भलिबल व्यस्त रहँदा अन्तर्राष्ट्रिय सहभागिताले पनि निरन्तरता पायो । भलिबल नेपालको राष्ट्रिय खेल घोषणा भएको ६ वर्ष भन्दा बढी भइसकेको छ । तर, अपेक्षा अनुसार सरकारले भलिबलमा लगानी भने गरेको छैन । यद्यपि घरेलु भलिबल व्यस्त रह्यो । पुरुषको १५ र महिलाको ९ वटा […]