5 years ago
October 4, 2019
काठमाडौं (हाम्रो खेलकुद)– गैर आवासीय नेपाली संघ नेपाल एनआरएनएले एनआरएनए स्पोट्र्स एकेडेमी गठन गरेको छ । शुक्रबार आयोजित पत्रकार सम्मेलनमा एनआरएनएका अध्यक्ष भवन भट्ट र एनआरएनए अन्तर्राष्ट्रिय समन्वय परिषद आइसीसीका युवा संयोजक सुदन थापाले संयुक्त रुपमा एकेडेमीको लोगो सार्वजनिक गरे। लोगोमा एनआरएनको ६ वटा क्षेत्रको प्रतिनिधित्व हुनेगरी ६ वटा ओलम्पिक रिंग राखिएको छ । एनआरएनए […]
काठमाडौं (हाम्रो खेलकुद)– गैर आवासीय नेपाली संघ नेपाल एनआरएनएले एनआरएनए स्पोट्र्स एकेडेमी गठन गरेको छ । शुक्रबार आयोजित पत्रकार सम्मेलनमा एनआरएनएका अध्यक्ष भवन भट्ट र एनआरएनए अन्तर्राष्ट्रिय समन्वय परिषद आइसीसीका युवा संयोजक सुदन थापाले संयुक्त रुपमा एकेडेमीको लोगो सार्वजनिक गरे।
लोगोमा एनआरएनको ६ वटा क्षेत्रको प्रतिनिधित्व हुनेगरी ६ वटा ओलम्पिक रिंग राखिएको छ । एनआरएनए अध्यक्ष भट्टले विश्वभर रहेका गैर आवासीय नेपाली खेलाडी, प्रशिक्षक प्राविधिक र खेल विज्ञहरुको ज्ञान सीपलाई नेपाली खेलकुदको विकासमा उपयोग गर्ने र एनआरएनको खेल प्रतिभालाई खेलकुदको मूलधारमा ल्याउनका निम्ति स्पोट्र्स एकेडेमीको गठन गरेको बताए ।
आइसीसी युवा परिषदका संयोजक थापाले स्पोट्र्स एकेडेमीले एनआरएनएको पहिलो र दोस्रो पुस्ताका खेलाडीहरुलाई एनआरएनएको अभियानमा जोड्ने विश्वास व्यक्त गरे । ‘एकेडेमीले एकातिर विश्वभरका गैर आवासीय खेलाडीहरुलाई एकजुट पार्नेछ,’ उनले थपे, ‘अर्कोतर्फ यसले नेपाली खेलकुदमा भौतिक पूर्वाधार निर्माण देखि खेलाडीलाई अन्तर्राष्ट्रिय पदक दिलाउने अभियानसम्ममा सघाउनेछ । ‘
एनआरएनए टोलीले विभागिय टोलीको हैसियतमा पहिलो पटक वैशाखमा सम्पन्न आठौं राष्ट्रिय खेलकुदमा भाग लिएको थियो । थापाले आठौं राष्ट्रिय खेलकुद मार्फत एनआरएनएले एउटा विभागिय टोलीको हैसियत प्राप्त गरेकोले त्यो अभियानलाई व्यवस्थित पार्न पनि एकेडेमीले भूमिका खल्ने विश्वास व्यक्त गरे ।
विश्वका ८३ मूलुकमा रहेका गैर आवासीय नेपालीहरुमा ३० देखि ४० हजार सम्मको खेलकुद क्षेत्रमा प्रत्यक्ष संलग्नता रहेको एनआरएनएले विश्वास लिएको छ । आइसीसीका युवा तथा खेलकुद सचिव श्रीराम घिमिरेले एनआरएनए आधिकारिक रुपमा राष्ट्रिय खेलकुद परिषद (राखेप) र नेपाल ओलम्पिक कमिटी (एनओसी) संग आवद्ध भइसकेको बताए ।
‘एकेडेमीले नेपालमा बहुउदेश्यिय कभर्ड हल बनाउने योजना पनि बनाएको छ,’ सचिव घिमिरेले भने, ‘एनआरएनए मातहतको यो एकेडेमीले खेलविकासको अन्य काम पनि संगसंगै गर्दै जानेछ।’ एनआरएनएले अहिले पाँच विभिन्न खेलकुद कार्यक्रमहरु सञ्चालन गर्ने जानकारी गराइएको छ । जसमा अक्टोबर ११ मा एनआरएनए हेरिटेज वाकाथन आयोजना हुनेछ ।
एनआरएनए स्पोट्र्स एकेडेमिका निम्ति दौडको नारा दिइएको उक्त वाकाथन स्वयम्भु देखि सुरु भएर पशुपति पुगेर टुंगिनेछ । वाकाथनमा २ सय बढी खेलाडीले भाग लिने बताइएको छ । त्यसैगरी अक्टोबर १३ मा एनआरएन गल्फ च्याम्पियनसिप, अक्टोबर १४ मा चौथो एनआरएन फुटसल प्रतियोगिता र सोही दिन एनआरएनए स्पोट्र्स मिट हुने भएको छ।
April 20, 2024
काठमाडौं (हाम्रो खेलकुद)– प्रथम प्रधान सेनापति ह्विलचियर बास्केटल प्रतियोगिताको उपाधि महिलामा ह्विलचियर स्पोर्टस एसोसिएसन र पुरुषमा सशस्त्र प्रहरी बलले जितेको छ । नेपाली सेनाको आयोजना भएको प्रतियोगिताको महिलातर्फको फाइनलमा ह्विचियर स्पोर्टसले स्पाइनल कर्ड इन्ज्युरी नेटवर्क नेपाललाई हराउँदै उपाधि जितेको थियो । जावलाखेल ह्विलचियर स्पोर्टस क्लब तेस्रो भयो । श्री सैनिक पुनर्स्थापना केन्द्र, भण्डारखालमा भएको प्रतियोगिताको […]
April 19, 2024
काठमाडौं (हाम्रो खेलकुद)– प्रदेश खेलकुद परिषद् गण्डकीका सदस्य सचिव श्रीधर शर्माले आफ्ना खेलाडीलाई लान्छाना लगाएको र त्यसले उनीहरुको मनस्थितिमा असर परेको भन्दै चन्द्रागिरी नगरपालिका न्यु डायमण्ड महिला टिमले कारवाहीको माग गरेको छ । १४ औं केन्द्रीयस्तरको राष्ट्रपति रनिङ शिल्डमा बागमती प्रदेशमा सहभागी आफ्ना खेलाडीमाथि शर्माले लान्छाना लगाएको आरोप क्लबले न्यु डायमण्डले लगाएको छ । बागमतीबाट […]
April 18, 2024
काठमाडौं (हाम्रो खेलकुद)– सुदूरपश्चिम प्रदेशले पहिलो पटक केन्द्रीयस्तरीय राष्ट्रपति रनिङ सिल्डमा बिहीबार टिम च्याम्पियन बनेको छ । १४ औं संस्करणमा १९ स्वर्ण, १२ रजत र १८ कांस्य पदकका साथ सुदूरपश्चिम च्याम्पियन बनेको हो । बागमती प्रदेश १७ स्वर्ण, १३ रजत र १५ कांस्य पदकका साथ दोश्रो भयो । तेश्रो स्थानको कर्णाली प्रदेशले १० स्वर्ण, ५ […]