5 years ago
October 16, 2019
काठमाडौं (हाम्रो खेलकुद) – नेपाली राष्ट्रिय महिला भलिबल टोली बन्द प्रशिक्षण र केही अभ्यास खेलका लागि बुधबार थाइल्यान्ड प्रस्थान गरेको छ । १८ खेलाडी, तीन प्रशिक्षक र १ व्यवस्थापक गरी २२ सदस्यीय नेपाली टोली बुधबार त्यसतर्फ प्रस्थान गरेको हो । नेपाली टोलीले आसन्न १३औं दक्षिण एसियाली खेलकुद (साग) र पहिलो एभीसी एसियन सेन्ट्रल जोन महिला […]
काठमाडौं (हाम्रो खेलकुद) – नेपाली राष्ट्रिय महिला भलिबल टोली बन्द प्रशिक्षण र केही अभ्यास खेलका लागि बुधबार थाइल्यान्ड प्रस्थान गरेको छ । १८ खेलाडी, तीन प्रशिक्षक र १ व्यवस्थापक गरी २२ सदस्यीय नेपाली टोली बुधबार त्यसतर्फ प्रस्थान गरेको हो ।
नेपाली टोलीले आसन्न १३औं दक्षिण एसियाली खेलकुद (साग) र पहिलो एभीसी एसियन सेन्ट्रल जोन महिला भलिबल च्याम्पियनसिपको थप तयारी र केही अभ्यास खेलका लागि एसियाकै उत्कृष्ट एफआइभिवी डेभलपमेन्ट सेन्टरमा प्रशिक्षणको मौका पाएको हो ।
राष्ट्रिय खेलकुद परिषद (राखेप) को सहयोग र नेपाल भलिबल संघको समन्वयमा नेपालले करिव २६ दिन थाइल्यान्डमा प्रशिक्षणका साथै केही अभ्यास खेल खेल्ने मौका पाएको हो । नेपाली महिला भलिबल इतिहासमा सम्भवत यो नै सबैभन्दा लामो र पहिलो वैदेशिक प्रशिक्षण हो । टोलीलाई नेपाल भलिबल संघले मंगलबारै टोलीलाई बिदाई गरेका थिए ।
नेपालले करिव २६ दिन थाइल्यान्डको बैंककस्थित एफआइभिवी डेभलपमेन्ट सेन्टरमा प्रशिक्षणका साथै ७ भन्दा बढी केही अभ्यास खेल खेल्नेछन् । थाइल्यान्डको प्रशिक्षणपछि नेपाली टोली काठमाडौं फर्किएर प्रथम एसियन सिनियर सेन्ट्रल जोन महिला भलिबल च्याम्पियनसिपका लागि बंगलादेश जानेछन् । सेन्ट्रल जोन कात्तिक २२ देखि २७ गतेसम्म बंगलादेशमा आयोजना हुदैछ । त्यसपछि नेपाल १३औं सागको तयारीमा जुट्नेछ । साग मंसिर १५ देखि २४ गतेसम्म आयोजना हुदैछ ।
राखेप सदस्यसचिव रमेश कुमार सिलवालले मंगलबार टोलीलाई बिदाई गर्दै बैंकक घुम्ने अवसरको मात्रै रुपमा नलिइ तयारी प्रभावकारी ढंगले गर्न आग्रह गरेका छन् । संघका महासचिव जितेन्द्र बहादुर चन्दले पनि थाइल्यान्ड घुम्नका लागि नभएर केही सिक्नलाई रहेको भन्दै तयारीलाई विशेष जोड दिन आग्रह गरेका छन् ।
नेपाली टोलीका मुख्य प्रशिक्षक जगदिश भट्टले आन्तरिक प्रतियोगिता धेरै भएपनि अन्तर्राष्ट्रिय एक्सपोजरको आवश्यकता रहेको र एसियाकै उत्कृष्ट ट्रेनिङ सेन्टरमा प्रशिक्षण गर्न पाउनुले ठुलो फाइदा पुग्ने बताएका छन् । उनले थाइल्यान्डमा कम्तीमा पनि माथिल्लो स्तरको ७ टोलीसँग मैत्रीपुर्ण खेल पक्का भइसकेको बताए । नेपाली टोली थाइल्यान्डको प्रशिक्षण र अभ्यास खेलका लागि उत्साहित छन् ।
संघले मंगलबारै अरुणा शाहीलाई टोलीको कप्तानमा नियुक्त गरेको छ । अब उनकै कप्तानीमा टोलीले थाइल्यान्डमा प्रशिक्षण र अभ्यास खेलका साथै सेन्ट्रल जोन खेल्नेछ । १२ सदस्यीय अन्तिम टोलीको घोषणा बाँकी रहँदा सम्भवत अरुणार्कै कप्तानीमा नेपालले १३औं साग पनि खेल्नेछन् ।
२२ सदस्यीय टोलीः
अरुणा शाही (कप्तान) – गण्डकी प्रदेश, प्रतिभा माली – प्रदेश ३, सरस्वती चौधरी – एपीएफ, निरुता ठगुन्ना – आर्मी, कमला पुन – पुलिस, रेश्मा भण्डारी – एपीएफ, जानकी भण्डारी – आर्मी, उषा भण्डारी – पुलिस, लक्ष्मी (सोफिया) पुन – आर्मी, हिरा केसी – एपीएफ, उषा विष्ट – एपीएफ, संगम महतो – आर्मी, शान्ति थारु – आर्मी, सुनिता खड्का – आर्मी, पुनम चन्द – गण्डकी प्रदेश, शान्ति तामाङ – पुलिस, सलिना श्रेष्ठ – प्रदेश ३, आरती सुवेदी – प्रदेश ३, जगदिश भट्ट – मुख्य प्रशिक्षक, सलिना श्रेष्ठ – प्रशिक्षक, भरत यादव– प्रशिक्षक, रीता कोइराला , टिम व्यवस्थापक
April 26, 2024
काठमाडौं (हाम्रो खेलकुद)- निरज तामाङले कोर्स रेकर्ड बराबरी गर्दै समग्रमा ८-अन्डर २ सय ६४ को स्कोरमा भुवन नगरकोटीलाई एक स्ट्रोकले हराउँदै शुक्रबार सूर्य नेपाल काठमाडौं ओपनको उपाधि जितेका छन्। उनको यो करियरको पहिलो प्रमुख उपाधि हो। सूर्य नेपाल काठमाडौं ओपनको अन्तिम दिन धरानका प्रो निरजले ८-अन्डर ६० को सानदार नतिजामा शिवराम श्रेष्ठको कोर्स रेकर्ड बराबरी […]
April 26, 2024
ललितपुर (हाम्रो खेलकुद)- नेपाल लोकतान्त्रिक खेलकुद संघ स्थापना दिवसको उपलक्ष्यमा नवौं गणेशमान सिंह स्मृति राष्ट्रिय रेटिङ चेस प्रतियोगिता शुक्रबार सुरु भएको छ। नेपाली काँग्रेस पार्टी कार्यालय सानेपामा प्रारम्भ भएको प्रतियोगितामा देशभरका १ सय १२ खेलाडीको सहभागिता छ। पहिलो पुरस्कार यामाहा सलुटो मोटरसाइकल सहित कुल ६ लाख ३७ हजार ४ सय रुपैयाँ पुरस्कार रहेको प्रतियोगितामा कपिलवस्तु जिल्लाका […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]