काठमाडौं (हाम्रो खेलकुद)-त्रिभुवन आर्मी क्लबकी तुल्सा खत्रीले १० वर्षअघिको कीर्तिमान भंग गरेकी छन् । चीनको वुहानमा जारी सातौ विश्व सैन्य खेलकुद अन्तरगत महिला ४०० मिटर दौडमा १० वर्ष अघिको कीर्तिमान भंग गरेकी हुन् ।
तुल्साले ४०० मिटर दुरी ५९.५७ सेकेन्डमा पुरा गरिन् । यसअघि यो कीर्तिमान प्रमिला रिजालको नाममा ५९.९० सेकेन्डको रहेको थियो । अन्तर्राष्ट्रिय सैन्य खेल परिषद (सिआइएसएम) को आयोजनामा जारी प्रतियोगितामा नेपाली सेनाले विभिन्न १४ खेलमा प्रतिस्पर्धा गरिरहेको छ । नेपालका कीर्तिमानी सोम बहादुर कुमालले बुधबार ८०० मिटर दौडमा प्रतिस्पर्धा गर्दैछ ।
