काठमाडौं (हाम्रो खेलकुद)– थाइल्यान्डमा १९ दिनको प्रशिक्षण र ७ अभ्यास खेल खेलेर नेपाली महिला राष्ट्रिय महिला भलिबल टिम आज (सोमबार) स्वदेश फर्कदैछ ।

२२ सदस्यीय नेपाली टोली आज साँझ ७ बजे त्रिभुवन अन्तर्राष्ट्रिय विमानस्थलमा उत्रनेछ । नेपाली टोली सेन्ट्रल जोनका लागि बिहीबार बंगलादेश प्रस्थान गर्ने तालिका छ ।

नेपाली राष्ट्रिय महिला भलिबल टोली अर्को महिना नेपालमै आयोजना हुने १३औं दक्षिण एसियाली खेलकुद (साग) र यसै महिना बंगलादेशमा आयोजना हुने प्रथम एभीसी एसयन सेन्ट्रल जोन महिला भलिबल च्याम्पियनसिपको थप तयारीका लागि गत असोज २९ गते थाइल्यान्ड प्रस्थान गरेको थियो ।

त्यहाँ रहँदा नेपाली टोलीले ७ अभ्यास खेल खेल्दै ४ मा जित र ३ हारको नतिजा निकालेको थियो । सेन्ट्रल जोन कात्तिक २२ देखि २७ गतेसम्म तथा १३औं साग मंसिर १५ देखि २४ गतेसम्म काठमाडौंमा हुदैछ ।

२२ सदस्यीय टोलीः
अरुणा शाही (कप्तान) – गण्डकी प्रदेश, प्रतिभा माली – प्रदेश ३, सरस्वती चौधरी – एपीएफ, निरुता ठगुन्ना – आर्मी, कमला पुन – पुलिस, रेश्मा भण्डारी – एपीएफ, जानकी भण्डारी – आर्मी, उषा भण्डारी – पुलिस, लक्ष्मी (सोफिया) पुन – आर्मी, हिरा केसी – एपीएफ, उषा विष्ट – एपीएफ, संगम महतो – आर्मी, शान्ति थारु – आर्मी, सुनिता खड्का – आर्मी, पुनम चन्द – गण्डकी प्रदेश, शान्ति तामाङ – पुलिस, सलिना श्रेष्ठ – प्रदेश ३, आरती सुवेदी – प्रदेश ३

जगदिश भट्ट – मुख्य प्रशिक्षक, सलिना श्रेष्ठ – प्रशिक्षक, भरत यादव– प्रशिक्षक, रीता कोइराला – टिम व्यवस्थापक