4 years ago
November 7, 2019
ढाका (हाम्रो खेलकुद) – बंगलादेशमा शनिबारदेखि आयोजना हुन लागेको पहिलो संस्करणको एभिसी एसियन सेन्ट्रल जोन सिनियर महिला भलिबल च्याम्पियनसिपको खेल तालिका परिवर्तन भएको छ । आयोजक बंगलादेश भलिबल फेडेरेसनले बिहीबार खेल तालिका परिवर्तन गरेको हो । परिवर्तित तालिका अनुसार नेपालले अब पहिलो खेलमा अफगानिस्तानसँग प्रतिस्पर्धा गर्ने भएको छ । खेल आइतबार नेपाली समयअनुसार मध्यान्ह १२ः४५ […]
ढाका (हाम्रो खेलकुद) – बंगलादेशमा शनिबारदेखि आयोजना हुन लागेको पहिलो संस्करणको एभिसी एसियन सेन्ट्रल जोन सिनियर महिला भलिबल च्याम्पियनसिपको खेल तालिका परिवर्तन भएको छ ।
आयोजक बंगलादेश भलिबल फेडेरेसनले बिहीबार खेल तालिका परिवर्तन गरेको हो । परिवर्तित तालिका अनुसार नेपालले अब पहिलो खेलमा अफगानिस्तानसँग प्रतिस्पर्धा गर्ने भएको छ । खेल आइतबार नेपाली समयअनुसार मध्यान्ह १२ः४५ बजेपछि हुनेछ । यसअघिको तालिकामा नेपालले पहिलो खेलमा माल्दिभ्ससँग खेल्ने तय थियो ।
त्यसपछि नेपालले ११ नोभेम्वरमा किर्गिस्तानसँग, १२ नोभेम्वरमा आयोजक बंगलादेशसँग र १३ नोभेम्वरमा माल्दिभ्ससँग प्रतिस्पर्धा गर्नेछ । राउन्ड रोविन लिगको शीर्ष दुई टोलीले उपाधिका लागि नोभेम्वर १४ मा खेल्नेछ । सोही दिन तेस्रो र चौथो स्थानको प्ले हफ हुनेछ ।
स्वर्ण जित्ने लक्ष्यसहित सेन्ट्रल जोनका लागि नेपाली टोली बिहीबार ढाका पुगिसकेका छन् । नेपाल भलिबल संघले मंगलबार मात्रै अरुणा शाहीको कप्तानीमा १२ सदस्यीय नेपाली टोली घोषणा गरेको थियो ।
च्याम्पियनसिपमा नेपालसहित आयोजक बंगलादेश, अफगानिस्तान, माल्दिभ्स र किर्गिस्तानको सहभागिता रहेको छ । च्याम्पियनसिपका सबै खेलहरु शाहिद शुरवार्दी इन्डोर स्टेडियम मिरपुरमा हुनेछ ।
प्रतियोगिताको पहिलो दिन दुई खेल हुनेछ । पहिलो खेलमा किर्गिस्तान र माल्दिभ्सबीच प्रतिस्पर्धा हुनेछ । त्यसपछि उद्घाटन सत्र र अफगानिस्तान र आयोजक बंगलादेशबीच खेल हुनेछ ।
नेपाली टोली :
अरुणा शाही (कप्तान), प्रतिभा माली, सरस्वती चौधरी, रेश्मा भण्डारी, निरुता ठगुन्ना, जानकी भण्डारी, सोफिया पुन, उषा विष्ट, सुनिता खड्का, कमला पुन, पुनम चन्द र सलिना श्रेष्ठ
अफिसियल :
जगदिश भट्ट (मुख्य प्रशिक्षक), सलिना श्रेष्ठ (प्रशिक्षक), भरत यादव (प्रशिक्षक) र रीता कोइराला (टिम व्यवस्थापक)
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]