4 years ago
November 24, 2019
काठमाडौं (हाम्रो खेलकुद)– अर्को साता आयोजना हुने १३ औं दक्षिण एसियाली खेलकुदको उद्घाटनका दौरान दीप प्रज्वलन सागका कीर्तिमानी पदक विजेता खेलाडी दीपक विष्टले बाल्ने सम्भावना छ । राष्ट्रिय तथा अन्तर्राष्ट्रिय खेलाडी संघ (एनएनआइपी) ले फेल्म बाल्नका लागि दीपकको मात्र नाम सागको समारोह समितिलाई सिफारिस गरेको छ । दीपक सागमा नेपाललाई सबैभन्दा बढी स्वर्ण पदक जित्ने […]
काठमाडौं (हाम्रो खेलकुद)– अर्को साता आयोजना हुने १३ औं दक्षिण एसियाली खेलकुदको उद्घाटनका दौरान दीप प्रज्वलन सागका कीर्तिमानी पदक विजेता खेलाडी दीपक विष्टले बाल्ने सम्भावना छ ।
राष्ट्रिय तथा अन्तर्राष्ट्रिय खेलाडी संघ (एनएनआइपी) ले फेल्म बाल्नका लागि दीपकको मात्र नाम सागको समारोह समितिलाई सिफारिस गरेको छ । दीपक सागमा नेपाललाई सबैभन्दा बढी स्वर्ण पदक जित्ने कीर्तिमान खेलाडी हुन् । सन् १९९९ को नेपालमा आयोजना भएको आठौं साग (तत्कालिन दक्षिण एसियाली महासंघिय खेलकुद (साफ) देखि २०१० को ११ औं संस्करण सम्म उनले तेक्वान्दोमा स्वर्ण पदक जितेका थिए ।
‘अहिलेको अवस्थामा सागमा नेपालको सबैभन्दा सफल खेलाडी दीपक हुन् । त्यसैले फेल्म बाल्नका लागि दीपकको नाम सिफारिस गरेका हौं,’ एनएनआइपीका अध्यक्ष श्रेष्ठले भने, ‘आठौं सागमा वैकुण्ठ (मानन्धर) दाईले फेल्म बाल्नु भएको थियो । त्यसकै आधारमा पनि हामीले दीपकको नाम सिफारिस गरेका हौं ।’
दीपकपछि सागका सबैभन्दा सफल मानन्धर हुन् । उनले काठमाडौंमै आयोजना भएको पहिलो (१९८४) देखि १९८७ सम्मको तीन सागमा लगातार म्याराथनमा स्वर्ण पदक जितेका थिए । उनले तेस्रो सागमा बनाएको २ घन्टा १५ः०३ सेकेन्डको कीर्तिमान अझै सम्म तोडिएको छैन । विभिन्न ओलम्पिक खेलाडीले ७ प्रदेशमा पुर्याउने ओलम्पिक टर्चले अन्तमा दीपकले फ्लेम बाल्नेछन् ।
सागमा चार स्वर्ण पदक जितेका दीपकले एसियाली खेलकुदमा देशका लागि दुई कास्य पदक जितेका छन् । त्यस्तै उनी छनोट चरण पार गरेर ओलम्पिक खेल्ने दोस्रो नेपाली हुन् । दीपकअघि तेक्वान्दोकी संगिना वैद्यले छनोट चरण पार गरेर ओलम्पि खेलेकी थिइन् । सागका लागि ओलम्पिक टर्च र्याली बिहीबार सुरु भएको थियो । आइतबार टर्च लुम्बिनी पुर्याएको छ ।
सोमबार सुर्खेत, मंगलबार नेपालगन्ज हुँदै टर्च प्रदेश ७ पुर्याउने कार्यक्रम रहेको एनएनआइपीएका अध्यक्ष श्रेष्ठले जानकारी दिए । सागको उद्घाटन मंसिर १५ गते हुनेछ । राष्ट्रपति विद्यादेवी भण्डारीले उद्घाटन, प्रधानमन्त्री केपी शर्मा ओलीले सम्बोधन गर्ने उद्घाटन ३ घन्टा भन्दा लामो समय सम्म चल्ने राष्ट्रिय खेलकुद परिषद् (राखेप) ले यसअघि नै जानकारी गराइसकेको छ । ७ राष्ट्रका ३ हजार बढी खेलाडीले २६ खेलका लागि प्रतिस्पर्धा गर्नेछन् । मंसिर २४ गते सम्पन्न हुने सागमा झन्डै ६ सय नेपाली खेलाडीले प्रतिस्पर्धा गर्नेछन् । नेपालले सागका सबै २६ खेलमा प्रतिस्पर्धा गर्नेछ ।
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]