4 years ago
December 26, 2019
धनगढी (हाम्रो खेलकुद)– अर्को साता आयोजना हुने प्रथम कैलाली हस्पिटक सुदूरपश्चिम स्पोर्टस अवार्डको चार विधाको मनोनयन सार्वजनिक भएको छ । नेपाल खेलकुद पत्रकार मञ्च कैलाली समन्वय शाखाले बिहीबार पत्रकार सम्मेलन गर्दै पुस १५ गते आयोजना हुने अवार्डमा राखिएका ६ मध्ये लाइभ टाइम एचिभमेन्ट अवार्ड र स्पेशल अवार्डबाहेकको ४ विधाको मनोनाय सार्वजनिक गरेको हो । ४ विधामा समान ३ जना मनोनयमा परेका छन् ।
जसमा शारदा राईस मिल बर्ष पुरुष खेलाडीमा ब्याटमिन्टनका प्रिन्स दाहाल, क्रिकेटका खड्का बोहोरा र भारात्तोलनका सागर भण्डारी मनोनयनमा परेका छन् । निसर्ग हस्पिटल बर्ष महिला खेलाडीको मनोनयनमा क्रिकेटकी कविता कुँवर, सागकी स्वर्ण पदक विजेता कुस्तीकी संगीता धामी र हक्कीकी विन्दु विष्ट रहेकी छन् ।
दिनेश सोप बर्ष प्रशिक्षकमा भारात्तोलनका जीवन गौतम, कुस्तीका राजेन्द्र चन्द र क्रिकेटका ज्ञानेन्द्र क्षेत्री मनोनयनमा परेका छन् ।केटिएम वाईक बर्ष युवा खेलाडीमा भारात्तोलनका सागर भण्डारी, फुटबलकी चन्द्रा भण्डारी र उसुकी अलिशा खाती मनोनयनमा परेका छन् ।
‘माया मेट्रो हस्पिटल स्पेशल अवार्ड र ठाकुर ग्रुप लाईफ टाईम एचिभमेन्ट अवार्डको घोषणा कार्यक्रम आयोजना हुने दिन पुस १५ गते नै घोषणा गरिनेछ,’ पत्रकार सम्मेलनमा मञ्च कैलालीका अध्यक्ष सिताराम ओझाले भने, ‘४ वटा विधाका विजेतालाई २५ हजार रुपैयाँ तथा स्पेशल अवार्ड र लाईफ टाईम एचिभमेन्ट अवार्ड पाउनेलाई १० हजार रुपैयाँ सहित ट्रफी प्रदान गरिनेछ ।’
अवार्डका संयोजक तथा मञ्च कैलालीका महासचिव प्रदिप पाठकले अवार्डको तयारी ७० प्रतिशत काम सम्पन्न भइसकेको जानकारी दिए । मनोनयमा पर्ने बर्ष भर गरेको प्रदर्शनका आधारमा विजेता घोषणा गरिने बताइएको छ ।
अवार्डको मुख्य प्रायोजक कैलाली हस्पिटल
प्रथम सुदूरपश्चिम स्पोर्टस अवार्डलाई धनगढीको कैलाली हस्पिटलले मुख्य प्रायोजक नगरेको छ । अवार्डको नाम प्रथम कैलाली हस्पिटल सुदुरपश्चिम स्पोर्टस रहनेछ । कैलाली अस्पतालका अध्यक्ष जनकराज जोशी र मञ्च कैलालीका सल्लाहकार दीपक उपाध्यायले सम्झौता पत्रमा हस्ताक्षर गरे ।
कैलाली हस्पिटलका अध्यक्ष जोशीले अवार्डमा जोडिने अवसर दिएकोमा आयोजकलाई धन्यवाद दिए । उनले अवार्डको सफलताको कामना गर्दै अवार्डले निरन्तरता पाउनुपर्नेमा जोड दिए । जोशीले अवार्डमा थप सहयोग गर्ने घोषणा समेत गरे ।
अवार्डको प्रवद्र्धक समेत रहेको कैलाली उद्योग वाणिज्य संघका बरिष्ठ उपाध्यक्ष पुष्कर ओझाले सुदूरपश्चिममा नयाँ अभ्यासको थालनी भएकोमा खुसी व्यक्त गरे । निजि क्षेत्रलाई अवार्डमा जोडिन आग्रह गर्दै ओझाले पनि व्यक्तिगत सहयोगको घोषणा गरे ।
पत्रकार सम्मेलनमै पत्रकार महासंघ सुदूरपश्चिमका अध्यक्ष अर्जुन शाहले आवार्डमा जोडिएका प्रायोजकलाई धन्यवाद ज्ञापन गर्दै सफलताको कामना गरे । मुख्य प्रायोजक कैलाली हस्पिटल र सह–प्रायोजक शौभाग्यश्वर फार्मेसी रहेको अवार्डमा बर्ष पुरुष खेलाडीलाई शारदा राईस मिल, बर्ष महिला खेलाडीलाई निसर्ग हस्पिटल, बर्ष प्रशिक्षकलाई दिनेश सोप, बर्ष युवा खेलाडीलाई केटिएम वाईक, स्पेशल अवार्डलाई माया मेट्रो हस्पिटल र लाईफटाईम एचिभमेन्ट अवार्डलाई ठाकुर ग्रुपले प्रायोजन गरेका छन् ।
मुख्य प्रवद्र्धकमा सुदूरपश्चिम प्रदेशको सामाजिक विकास मन्त्रालय र कैलाली जिल्ला खेलकुद विकास समिती रहेको छ भने प्रवद्र्धकको रुपमा घोडाघोडी नगरपालिका सहित सुदूरपश्चिमका विभिन्न स्थानीय तह र कैलाली उद्योग वाणिज्य संघ रहेको छ । त्यसैगरी मेडिकल पाटर्नरको रुपमा घोडाघोडी अस्पताल, हस्पिटालिटी पाटर्नरको रुपमा ड्रिम ग्रुप अफ म्यानेजमेन्ट, मेकअप पाटर्नरको रुपमा मेरो श्रृंगार रहेका छन । धनगढीको ओम प्यालेसमा आयोजना हुने अवार्ड झण्डै ३ घन्टा चल्ने बताइएको छ ।
May 18, 2024
काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]
May 18, 2024
काठमाडौं (हाम्रो खेलकुद) – पौडीका डुवाना लामा र एलेक्जेन्डर शाहले पेरिस ओलम्पिक २०२४ खेल्ने निश्चित भएको छ । नेपाल ओलम्पिक कमिटि (एनओसी) का महासचिव निलेन्द्र राज श्रेष्ठले पौडीका डुवाना र एलेक्जेन्डरले पेरिस ओलम्पिक २०२४ मा सहभागिता जनाउने निश्चित भएको जानकारी दिएका हुन् । डुवाना र एलेक्सजेन्डरले युनिभर्सियालिटी कोटामा ओलम्पिकमा भाग लिनेछन् । यस्तै पौडीका दुवाना […]
May 18, 2024
काठमाडौं (हाम्रो खेलकुद)– सौख, जोशबाट सुरु हुने खेलाडीको जीवन व्यवसायिकता हुँदै सन्न्याससम्म पुग्छ । तर, धेरैले सक्रिय जीवनमा सन्न्यासपछि के गर्ने भन्ने सोचेका हुँदैनन् । यद्दपी कतिपय खेलाडीले सन्न्यासपछि के गर्ने भन्ने योजना बनाइसकेका हुन्छन् । सन्न्यासपछि खेल गर्ने भन्ने लक्ष्य निर्धारण गर्ने सके त्यसले सन्न्यासपछिको जीवन सहज हुने खेलाडीहरुको विश्वास छ । नेपाल ओलम्पिक […]