4 years ago
December 29, 2019
काठमाडौं (हाम्रो खेलकुद) – तेस्रो संस्करणको होङ्गग्वान्जी न्यु डायमन्ड कप यसै महिना आयोजना हुने भएको छ । आयोजक न्यु डायमन्ड स्पोर्ट्स क्लबले आइतबार राजधानीमा पत्रकार सम्मेलनको आयोजना गर्दै प्रतियोगिताको तेस्रो संस्करण यही पुस २३ देखि २६ गतेसम्म हुने जानकारी गराएको हो ।
प्रतियोगिता नयाँ बसपार्कस्थित ढोरपाटन क्लबको खेल मैदानमा आयोजना हुनेछ । प्रतियोगिताको लागि गत वर्ष नै होङ्गवान्जी बौद्ध समाजले एक वर्षको लागि मुख्य प्रायोजन गरिसकेको थियो । होङ्गवान्जी बौद्ध समाजले प्रतियोगिताको लागि १५ लाख उपलब्ध गराउनेछ । पहिलो संस्करण शिवम् सिमेन्टको मुख्य प्रायोजनमा तथा दोस्रो संस्करण होङ्गग्वान्जी बौद्ध समाजको मुख्य प्रायोजनमा भएको थियो ।
प्रतियोगितामा ६ देखि ८ टोलीको सहभागिता रहने र यसबारे अर्को पत्रकार सम्मेलनमा जानकारी गराइने न्यु डायमन्ड स्पोर्ट्स क्लबका उपाध्यक्ष एवंम् प्रतियोगिता संयोजक कुमार राईले जानकारी ।
तेस्रो संस्करणको प्रतियोगिताको पुरस्कार राशिमा बृद्धि गरिएको छ । जसअनुसर प्रतियोगिताको विजेताले नगद ४ लाख १ सय १ रुपैयासहित सिल्ड, मेडल र प्रमाणपत्र प्राप्त गर्नेछन् । उपविजेताले ३ लाख १ सय १ रुपैयासहित सिल्ड, मेडल र प्रमाणपत्र प्राप्त गर्नेछन् ।
तेस्रो हुनेले १ लाख ५१ हजार १ सय १ रुपैयासहित सिल्ड, मेडल र प्रमाणपत्र प्राप्त गर्नेछन् । चौथो हुनेले ५१ हजार १ सय १ रुपैयासहित प्रमाणपत्र मात्र प्राप्त गर्नेछ ।
यस्तै प्रतियोगिताको सर्वाेत्कृष्ट खेलाडीले २१ हजार १ सय १ रुपैया प्राप्त गर्नेछ । व्यक्तिगत विधातर्फ स्पाइकर, ब्लकर, क्विकर, सेटर, सर्भर, डिफेन्डर र प्रशिक्षकले जनही ७–७ हजार १ सय रुपैयासहित ट्रफी र प्रमाणपत्र प्राप्त गर्नेछ ।
प्रतियोगिताको अनुमानित खर्च करिव २६ लाख रुपैया रहेको छ । पहिलो संस्करणमा आयोजक न्यु डायमन्ड तथा दोस्रो संस्करणमा विभागीय नेपाल एपीएफ क्लब च्याम्पियन बनेको थियो ।
May 11, 2024
सुर्खेत (हाम्रो खेलकुद)- एपिएफकी पुष्पा भण्डारी र त्रिभुवन आर्मी क्लबका नरेन्द्रसिंह रावतले प्रथम ज्ञान खाद्यान्न कर्णाली हाफ म्याराथनको उपाधि जितेका छन् । शनिबार कर्णाली प्रदेशको राजधानी वीरेन्द्रनगर(सुर्खेत)मा आयोजित कर्णाली हाफ म्याराथनमा पुष्पाले १ घण्टा २८ मिनेट १७ सेकेन्डमा दुरी पूरा गरी प्रथम भएकी हुन् । नरेन्द्रले एक घण्टा ११ मिनेट २५ सेकेन्डमा निर्धारित २१.०९५ किलोमिटर […]
May 10, 2024
पोखरा (हाम्रो खेलकुद) – आइटिएफकी तेक्वान्दोकी सुष्मिता थापा मगर र क्रिकेटमा अर्जुन कुमाल पोखरा स्पोर्टस अवार्डको वर्ष खेलाडी घोषित भएका छन् । नेपाल खेलकुद पत्रकार मञ्च गण्डकीले आयोजना शुक्रबार भएको आठौं पोखरा स्पोर्ट्स अवार्ड २०८० मा सुष्मिता र अर्जुन वर्षको उ्रत्कृष्ट चुनिएका हुन् । उत्कृष्ट महिला विधामा आर्चरीकी अनुस्का शेरचन, भलिबलकी अरुणा शाही मनोनयनमा थिए […]
May 10, 2024
काठमाडौं (हाम्रो खेलकुद)– चन्द्रागिरी नगरपालिकामा ओलम्पियन र अन्य खेलाडीको उपस्थितिमा स्कुल टु ओलम्पिक कार्यक्रम आयोजना भएको छ । चन्द्रागिरी नगरपालिकाको आयोजना तथा नेपाल ओलम्पियन एसोसिएसनको संयोजनमा भएको कार्यक्रममा नगरपालिकाका विभिन्न विद्यालयका विधार्थीहरुको सहभागिता रहेको थियो । अन्तरक्रियाका क्रममा विधार्थीहरुले ओलम्पियन र अन्य खेलाडीसँग जिज्ञासा राखेका थिए । ओलम्पियन एसोसिएसनका अध्यक्ष दीपक विष्ट, महासचिव राजेन्द्र भण्डारी, […]