4 years ago
January 6, 2020
काठमाडौं (हाम्रो खेलकुद)– यसअघि नै सरकारले निर्णय गरेको भलिबल नै राष्ट्रिय खेल रहने सम्भावना बढेको छ । संसदको महिला, शिक्षा तथा स्वास्थ्य समितिले राष्ट्रिय खेलकुद विकास विधेयकमा छलफल गर्दै सर्वसम्मतिले भलिबललाई नै राष्ट्रिय खेलको मान्यता दिने सोमबार निर्णय भएको समितिका सदस्य जीवनराम श्रेष्ठले हाम्रो खेलकुदलाई जानकारी दिए ।
राष्ट्रिय सभामा प्रस्तुत राष्ट्रिय खेलकुद विकास विधेयक प्रतिनिधि सभा हुँदै थप छलफलका लागि समितिमा पठाइएको थियो । ‘ समितिमा पदेनबाहेक २३ सदस्यीय छौं,’ नेकपा संघिय सांसद समेत रहेका नेपाल ओलम्पिक कमिटी (एनओसी) का अध्यक्ष श्रेष्ठले भने,‘ सर्व सम्मतिले भलिबललाई राष्ट्रिय खेल राख्ने निर्णय भएको छ ।’
श्रेष्ठका अनुसार विधेयक पुनः राष्ट्रिय सभामा जाने त्यहाँ अनुमोदन भएपछि संघिय संसदमा जानेछ । संघिय संसदले पास गरेपछि त्यसले ऐनको रुप लिनेछ । पुष्पकमल दहाल प्रचण्ड प्रधानमन्त्री हुँदा २०७४ साल जेठ ८ गतेको मन्त्रीपरिषद् बैठकले भलिबलाई राष्ट्रिय खेलको मान्यता दिएको थियो ।
सरकारले देशको भौगोलिक अवस्था, कम खर्च र लोकप्रिय खेल भएकाले भलिबलाई राष्ट्रिय खेलकुदको मान्यता दिएको थियो । जेठ ८ गतेलाई नेपाल भलिबल संघले भलिबल दिवसका रुपमा मनाउँदै आएको छ । संघका अध्यक्ष मनोरञ्जनरमण शर्माले निर्णयका लागि समितिलाई धन्यवाद दिएका छन् ।
‘हामीले देशको माटो सुहाउँदो खेल र कम खर्चमा देशै भर खेल्न सकिने खेल भएकै कारण राष्ट्रिय खेलको मान्यताका लागि पहल गरेका थियौं,’ अध्यक्ष शर्माले स्मरण गरे,‘त्यहि अनुसार तत्कालिन सरकारले भलिबललाई राष्ट्रिय खेलकुदको मान्यता दिएको थियो । आज फेरि विधेयकका रुपमा सोहीलाई निरन्तरता दिने समितिले निर्णय गरेको खबरले अत्यन्तै खुसी लागेको छ, यसलाई शब्दमा मात्र बयान गर्न गाह्रो छ । भलिबल परिवारकातर्फबाट हामी उहाँहरु सबैर्ला धन्यवाद दिन चाहन्छौं ।
नेपालको भलिबलले पछिल्लो समय अझ खास गरि महिला भलिबल टोलीले एकपछि अर्को सफलता प्राप्त गरिरहेको छ । कात्तिकमा एभिसी एसियन सेन्ट्रल जोन महिला भलिबलको उपाधि जितेको नेपाली टोलीले गत महिना स्वदेशमै भएको १३ औं दक्षिण एसियाली खेलकुद (साग) मा रजत पदक जितेको थियो । साग इतिहासमा नेपालको महिला टोलीले रजत जितेको त्यो पहिलो पदक थियो
।
भलिबल राष्ट्रिय खेल घोषणा हुनुअघि पुरुष टोलीले एभिसी सेन्ट्रल जोनमा कास्य पदक जितेको थियो । ४ दशक भन्दा लामो अन्तर्राष्ट्रिय यात्रामा नेपालको पुरुष भलिबल टोलीले पदक जितेको त्यो पहिलो पटक थियो ।
May 14, 2024
पोखरा (हाम्रो खेलकुद)– गत वर्ष भएको चौथो टाइगर कप आमन्त्रित क्लब भलिबल च्याम्पियनसिपबाट १८ लाख रुपैयाँ भन्दा बढी बचत भएको छ । आयोजक टाइगर ग्रुप अफ पोखरा नेपालले सोमबार पत्रकार सम्मेलन गर्दै प्रतियोगिताको आय–व्यय सार्वजनिक गर्दै १८ लाख ३७ हजार ४ सय ६४ रुपैयाँ बचत भएको जानकारी दिएको हो । गत माघ १ देखि ७ […]
May 14, 2024
काठमाडौँ — चौंथो नेपाल ई–स्पोर्ट्स च्याम्पियनसिप तथा एक्स्पो २०२४ तयारी पूरा भएको छ । भृकुटीमण्डपस्थित एक्स्पो हलमा मंगलबारदेखि सुरु हुने च्याम्पियनसिप तथा एक्स्पो माइस इन्टरनेसनल सर्भिस प्रालि र नेपाल ई–स्पोर्ट्स एसोसिएसन (नेसा) ले संयुक्त रूपमा आयोजना गनै लागेको हुन् । वैशाख ४ गते सम्म हुने च्याम्पियनसिप तथा एक्स्पोका दौरान नेपाल स्पोर्ट्स कन्क्लेभ तथा स्पोर्ट्स फिटनेस […]
May 12, 2024
काठमाडौं (हाम्रो खेलकुद)– दक्षिण एसियाली खेलकुद (साग) को १३ औं संस्करणका पदक विजेता ३ खेलाडीले भियतनाममा आयोजना हुने आठौं एसियन पुम्से तेक्वान्दोमा प्रतियोगितामा भाग लिने भएका छन् । एसियाली खेलकुदकी कास्य पदक विजेता समेत रहिसकेकी आयशा शाक्यले एसियन पुम्सेलमा ४० वर्ष मुनीको उमेर समूहको व्यक्तिगत पुम्सेमा प्रतिस्पर्धा गर्नेछिन् । विश्व तेक्वान्दो तथा एसियन तेक्वान्दो युनियनको […]