4 years ago
January 7, 2020
प्रकाश तिमल्सिना, काठमाडौं
राष्ट्रिय महिला टोलीबाट कात्तिकमा डेब्यू गरेकी निरुता ठगुन्ना झन्डै ८ महिनापछि घरेलु भलिबलमा फर्कने भएकी छिन् । यसपटक उनी महिला घरेलु भलिबलमा सबैभन्दा सफल टोली नेपाल एपिएफबाट कोर्टमा उत्रने तयारीमा रहेको बताइएको छ । न्यू डायमण्ड क्लबको आयोजनामा बुधबार सुरु हुने होङ्गान्जी न्यू डायमण्ड महिला भलिबलमा उनी एपिएफको जर्सीमा कोर्टमा उत्रने छिन् ।
‘निरुता केहि समययता हामी कहाँ नियमित प्रशिक्षणमा छिन्,’ एपिएफ श्रोतले भन्यो, ‘उनी क्लबमा आबद्ध भइसकेकी छिन् । सबै प्रक्रिया पुरा गरिसकेकी छिन् । न्यू डायमण्ड कपबाट उनी घरेलु भलिबलमा फर्कने सम्भावना छ ।’ जेठमा त्रिभुवन आर्मी क्लब छाडेदेखि निरुता घरेलु भलिबलमा छैनन् ।
निरुता कात्तिकमा बंगलादेशमा भएको एभिसी एसियाली सेन्ट्रल जोनको स्वर्ण पदक विजेता राष्ट्रिय टोलीमा थिइन् । सोही प्रतियोगितामार्फत उनले राष्ट्रिय टोलीमा डेब्यू गरेकी थिइन् । गत महिना स्वदेशमा सम्पन्न १३ औं दक्षिण एसियाली खेलकुद (साग) को रजत पदक जित्ने टोलीमा पनि थिइन् । निरुताले घरेलु कारण देखाउँदै जेठमा आर्मी छाडेकी थिइन् । त्यति बेला उनले घरायसी समस्या र व्यक्तिगत कारणले आर्मी छाड्नुपरेको बताएकी थिइन् ।
दुई वर्षयता निरुता आर्मीको टोलीकी महत्वपुर्ण ओपन स्पाइकर रहेकी थिइन् । वैशाखमा शेरबहादुर खड्का मेमोरियल खुल्ला महिला भलिबल प्रतियोगितापछि उनले आर्मी छाड्ने निर्णय गर्दै राजिनामा बुझाएको बताएकी थिइन् । दार्चुलाकी २१ वर्षीय निरुता २०७३ को सातौं राष्ट्रिय खेलकुदमा सुदूरपश्चिमको प्रतिनिधित्व गर्दै भलिबलमा प्रवेश गरेकी हुन् ।
सोही वर्ष तत्कालिन आर्मीका भलिबल प्रशिक्षक जगदिश भट्ट र लोकेश बुढाको पहलमा उनी आर्मीमा करारमा नियुक्त भएकी थिइन् । एकवर्षे करारपछि उनी आर्मीका स्थायी जागिरे भएकी थिइन् । दुई वर्षे अवधिमा आर्मीको महिला टोलीलाई स्तरीय बनाउनमा उनको महत्वपूर्ण भूमिका रहेको विश्वास गरिन्छ ।
निरुताले पछिल्लोपटक आर्मीबाट शेरबहादुर खड्का मेमोरियल भलिबल प्रतियोगिता खेल्दै विशेष सम्मान पनि पाएकी थिइन् । त्यसअघि निरुताले प्रदेश ५ मा आयोजना भएको आठौं राष्ट्रिय खेलकुदमा आर्मीबाट प्रतिनिधित्व गरेकी थिइन् ।
May 14, 2024
पोखरा (हाम्रो खेलकुद)– गत वर्ष भएको चौथो टाइगर कप आमन्त्रित क्लब भलिबल च्याम्पियनसिपबाट १८ लाख रुपैयाँ भन्दा बढी बचत भएको छ । आयोजक टाइगर ग्रुप अफ पोखरा नेपालले सोमबार पत्रकार सम्मेलन गर्दै प्रतियोगिताको आय–व्यय सार्वजनिक गर्दै १८ लाख ३७ हजार ४ सय ६४ रुपैयाँ बचत भएको जानकारी दिएको हो । गत माघ १ देखि ७ […]
May 14, 2024
काठमाडौँ — चौंथो नेपाल ई–स्पोर्ट्स च्याम्पियनसिप तथा एक्स्पो २०२४ तयारी पूरा भएको छ । भृकुटीमण्डपस्थित एक्स्पो हलमा मंगलबारदेखि सुरु हुने च्याम्पियनसिप तथा एक्स्पो माइस इन्टरनेसनल सर्भिस प्रालि र नेपाल ई–स्पोर्ट्स एसोसिएसन (नेसा) ले संयुक्त रूपमा आयोजना गनै लागेको हुन् । वैशाख ४ गते सम्म हुने च्याम्पियनसिप तथा एक्स्पोका दौरान नेपाल स्पोर्ट्स कन्क्लेभ तथा स्पोर्ट्स फिटनेस […]
May 12, 2024
काठमाडौं (हाम्रो खेलकुद)– दक्षिण एसियाली खेलकुद (साग) को १३ औं संस्करणका पदक विजेता ३ खेलाडीले भियतनाममा आयोजना हुने आठौं एसियन पुम्से तेक्वान्दोमा प्रतियोगितामा भाग लिने भएका छन् । एसियाली खेलकुदकी कास्य पदक विजेता समेत रहिसकेकी आयशा शाक्यले एसियन पुम्सेलमा ४० वर्ष मुनीको उमेर समूहको व्यक्तिगत पुम्सेमा प्रतिस्पर्धा गर्नेछिन् । विश्व तेक्वान्दो तथा एसियन तेक्वान्दो युनियनको […]