4 years ago
January 12, 2020
काठमाडौं (हाम्रो खेलकुद)– नेपाल एपिएफ क्लबलाई होंगान्जी न्यू डायमण्ड महिला भलिबल प्रतियोगिताको च्याम्पियन बनाउन महत्वपूर्ण भूमिका निर्वाह गरेकी सरस्वती चौधरी प्रतियोगिताको सर्वोत्कृष्ट खेलाडी घोषित भइकी छिन् । आयोजक न्यू डायमण्ड स्पोर्टस क्लबलाई आइतबार भएको फाइनलमा ३–० ले हराउँदा सरस्वतीले उच्च प्रदर्शन गरेकी थिइन् । उनले २१ हजार रुपैयाँ प्राप्त गरिन् । सेमिफाइनल, फाइनलमा समेत वमन […]
काठमाडौं (हाम्रो खेलकुद)– नेपाल एपिएफ क्लबलाई होंगान्जी न्यू डायमण्ड महिला भलिबल प्रतियोगिताको च्याम्पियन बनाउन महत्वपूर्ण भूमिका निर्वाह गरेकी सरस्वती चौधरी प्रतियोगिताको सर्वोत्कृष्ट खेलाडी घोषित भइकी छिन् ।
आयोजक न्यू डायमण्ड स्पोर्टस क्लबलाई आइतबार भएको फाइनलमा ३–० ले हराउँदा सरस्वतीले उच्च प्रदर्शन गरेकी थिइन् । उनले २१ हजार रुपैयाँ प्राप्त गरिन् । सेमिफाइनल, फाइनलमा समेत वमन अफ दी म्याच बनेकी सरस्वती प्रतियोगिताको उत्कृष्ट सर्भर पनि घोषित भएकी थिइन् ।
त्यस्तै आयोजक न्यू डायमण्डकी प्रतिभा माली उत्कृष् स्पाइकर, एपिएफकी हिरा केसी उत्कृष्ट ब्लकर, न्यू डायमण्डकी अरुणा शाही उत्कृष्ट सेटर, न्यू डायमण्डकी सलिना श्रेष्ठ उत्कृष्ट डिफेन्स, पुलिसकी कोपिला उत्कृष्ट क्विकर र एपिएफका महेशबहादुर चौधरी उत्कृष्ट प्रशिक्षक घोषित भएका छन् । उत्कृष्टले ७ हजार १ सय १ रुपैयाँ प्राप्त गरे ।
एपिएफद्वारा भलिबल उपाधि रक्षा
नेपाल एपिएफ क्लबले होंगान्जी न्यू डायमण्ड भलिबल प्रतियोगिताको उपाधि जितेको छ । आयोजक न्यू डायमण्ड क्लबलाई आइतबार ३–० को सोझो सेटमा हराउँदै एपिएफ उपाधि रक्षा गर्न सफल भएको हो । लगातार तेस्रो संस्करणमा भिडेका यी दुई टोलीबीचको पछिल्लो दुई संस्करण एपिएफले जितेको हो । पहिलो संस्करण भने न्यू डायमण्डले जितेको थियो ।
फाइनल खेल एपिएफले २५–२०,२५–२३ र २५–१८ को सेटमा विजयी भएको थियो । उपाधिसँगै एपिएफले ४ लाख १ सय १ रुपैयाँ प्राप्त गरेको छ । त्यस्तै एपिएफले ३ लाख १ सय १ रुपैयाँ प्राप्त गरेको छ । नेपाल पुलिस क्लबले प्रतियोगितामा तेस्रो स्थान प्राप्त गरेको छ ।
अर्को विभागिय टोली त्रिभुवन आर्मी क्लबलाई ३–० को सोझो सेटमा हराउँदै पुलिस तेस्रो भएको हो ।गोगंबु बसपार्क नजिक ढोरपाटन स्पोर्टस क्लबको मैदानमा आइतबार भएको खेलमा पुलिसले आर्मीलाई २५–२२, २५–९ र २५–१२ ले हराएको थियो ।जितसँगै पुलिसले १ लाख ५१ हजार १ सय १० रुपैयाँ प्राप्त गर्नेछ । त्यस्तै आर्मीले ५१ हजार रुपैयाँ प्राप्त गर्नेछ ।
संघिय सांसद कृष्णगोपाल श्रेष्ठ, नेपाल भलिबल संघका अध्यक्ष मनोरञ्जन रमन शर्मा, एपिएफ आइजिपी दुर्जकुमार राई, होंगाजी बौद्ध समाज नेपालका कन्ट्री हेड सोमान वाङ्दी भुटियालगायतले पुरस्कार वितरण गरेका थिए । पुस २३ गते देखि सञ्चालन भएको प्रतियोगितामा ७ टोलीको सहभागिता रहेको थियो ।
होंगान्जी न्यू डायमण्ड महिला भलिबल प्रतियोगिताका सर्वोत्कृष्ट र उत्कृष्ट
सर्वोत्कृष्ट खेलाडी – सरस्वती चौधरी (एपिएफ)
उत्कृष्ट
स्पाइकर – प्रतिभा माली (न्यू डायमण्ड)
ब्लकर – हिरा केसी (एपिएफ)
सेटर – अरुणा शाही (न्यू डायमण्ड)
डिफेन्स – सलिना श्रेष्ठ (न्यू डायमण्ड)
सर्भर – सरस्वती चौधरी (एपिएफ)
क्विकर – कोपिला राना (पुलिस)
प्रशिक्षक – महेशबहादुर चौधरी (एपिएफ)
वमन अफ दी म्याच
पहिलो सेमिफाइनल – सरस्वती चौधरी (एपिएफ)
दोस्रो सेमिफाइनल – प्रतिभा माली (न्यू डायमण्ड)
तेस्रो स्थान – कोपिला राना (नेपाल पुलिस )
फाइनल – सरस्वती चौधरी (एपिएफ)
April 26, 2024
काठमाडौं (हाम्रो खेलकुद )- केएनपी नेरोलेक सातौ राष्ट्रिय महिला भलिबल प्रतियोगिताको तेस्रो दिन शुक्रबार लिग चरणका अन्तिम दुई हुँदैछन्। नेपाल पुलिस क्लब र त्रिभुवन आर्मी क्लबबीच पहिलो खेल दिउँसो १ः०० बजे सुरु हुनेछ। साविक विजेता चन्द्रागिरी नगरपालिका न्यु डायमण्ड महिला टिम र एपिएफबीच ३:०० बजे खेल हुनेछ। पुलिसले बिहीबार न्यु डायमण्डलाई हराएपछि प्रतियोगिता रोचक बनेको […]
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]