काठमाडौं (हाम्रो खेलकुद) – भक्तपुर जिल्ला समन्वय समिति तथा भक्तपुर जिल्ला खेलकुद विकास समिति द्वारा भक्तपुरका खेलाडी बुधबार नगदसहित सम्मान गरेको छ ।
नेकपाका संघिय सांसद महेश बस्नेतले खेलाडीलाई पुरस्कृत गरे । दुई महिना अघि सम्पन्न १३ औं दक्षिण एसियाली खेलकुद (साग) का दोहोरो स्वर्ण पदक विजेता मण्डेकाजी श्रेष्ठलाई ३० हजार रुपैयाँबाट सम्मान गरियो । त्यस्तै सागका स्वर्ण पदक विजेता उसुकी सुष्मिता तामाङ, तेक्वान्दोकी काजल श्रेष्ठ लाई समान २५ हजार रुपैयाँ प्रदान गरियो ।
सागका रजत पदक विजेता टेबुल टेनिस खेलाडी शिव शुन्दर गोथे, कबड्डीकी यसोधा गिरी , ह्यान्डबलकी देव कुमारी बास्कोटाले समान २० हजार रुपैयाँ प्राप्त गरे । कास्य पदक विजेता भारोत्तोलनकी लक्ष्मी बन, जुडोका शिव राम मकाजु , बास्केटबलका विक्रम जोशीले १५ हजार रुपैयाँ प्राप्त गरे । सोही ओलम्पियन कान्छीमाया कोजु लाई पनि १० हजार रुपैयाँ सहित सम्मान गरिएको थियो ।
