4 years ago
February 10, 2020
काठमाडौं (हाम्रो खेलकुद)– विभागिय टोली नेपाल एपिएफ क्लब र नेपाल पुलिस क्लबले १५औं सानमिगेल ढोरपाटन महिला डबल लिग भलिबल प्रतियोगिताको दोस्रो चरणमा लगातार तेस्रो सफलता हात पार्दा होङ्ग्वान्जी न्यु डायमन्ड स्पोर्टस् क्लबले मिश्रित नतिजा निकालेको छ । नयाँ बसपार्कस्थित ढोरपाटन स्पोर्ट्स क्लबको खेल मैदानमा सोमबार भएको खेलमा एपिएफले डायमन्डलाई ३–१ को सेटमा पराजित गर्दै दोस्रो […]
काठमाडौं (हाम्रो खेलकुद)– विभागिय टोली नेपाल एपिएफ क्लब र नेपाल पुलिस क्लबले १५औं सानमिगेल ढोरपाटन महिला डबल लिग भलिबल प्रतियोगिताको दोस्रो चरणमा लगातार तेस्रो सफलता हात पार्दा होङ्ग्वान्जी न्यु डायमन्ड स्पोर्टस् क्लबले मिश्रित नतिजा निकालेको छ ।
नयाँ बसपार्कस्थित ढोरपाटन स्पोर्ट्स क्लबको खेल मैदानमा सोमबार भएको खेलमा एपिएफले डायमन्डलाई ३–१ को सेटमा पराजित गर्दै दोस्रो चरणमा लगातार तेस्रो सफलता हात पारेको हो ।
पहिलो सेट २१–२५ ले गुमाएपनि एपिएफले त्यसपछिको तीन सेटमा २५–८, २५–१४ र २५–१६ ले सहजै आफ्नो पक्षमा पार्न सफल भयो । यससँगै अपराजित रहेको एपिएफले १२ खेलबाट ३५ अंक जोडेर शीर्षस्थानलाई यथावत राख्दै उपाधि जित्ने सम्भावना बलियो बनाएको छ ।
एपिएफसँग पराजित हुनुअघि डायमन्डले बुलबुले रारा भलिबल क्लबमाथि ३–१ को सेटमा जित निकाल्न सफल भएको थियो । पहिलो र दोस्रो सेट २५–२२ र २५–१२ ले सहजै आफ्नो पक्षमा पारेको डायमन्डले तेस्रो सेट १८–२५ ले गुमाएको थियो । तर, चौथो सेट डायमन्डले २५–१६ ले सहजै आफ्नो पक्षमा पार्न सफल भयो ।यस नतिजापछि १२ खेलबाट २२ अंक जोडेर चौथो स्थानमा यथावत छ । बुलबुले १३ अंक जोडेर छैटौ स्थानमा यथावत छ ।
यस्तै अर्काे खेलमा विभागीय नेपाल पुलिस क्लबले चितवन टाइग्रेसमाथि ३–१ को जित निकालेको छ । पुलिसले चितवनमाथि २५–२३, २५–२१, १७–२५ र २५–२० को सहज जित निकाल्यो । जितसँगै पुलिसले शीर्षस्थानको एपिएफलाई पछ्याइरहेको छ । पुलिसको १२ खेलबाट ३४ अंक पुगेको छ ।
दोस्रो राउन्डमा मंगलबार तीन खेल हुने आयोजकले जनाएको छ । पहिलो खेलमा आर्मी र बुलबुले, पुलिस र डायमन्ड तथा एपिएफ र आर्मीबीच प्रतिस्पर्धा हुनेछ ।
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]