कुश्मा (हाम्रो खेलकुद)– गण्डकी प्रदेशको पर्वतमा बुधबारदेखि शुरु हुने चौथो दिदिबहिनी कप राष्ट्रिय महिला भलिबल प्रतियोगितामा ५ टोलीले प्रतिस्पर्धा गर्ने भएको छ ।
रेडियो दिदिबिहिनीले १३औं गण्डकी प्रदेशस्तरीय महिला महोत्सवको अवसरमा विगत तीन वर्षयता, महिला राष्ट्रिय भलिबल प्रतियोगिता गर्दै आइरहेको छ । चौथो संस्करणमा ५ टोलीको सहभागिता रहने रेफ्री संयोजक अन्तर्राष्ट्रिय एसियन रेफ्री क्यान्डिडेट टहलसिंह थापामगरले जानकारी गराए ।
लिग कम नकआउटका आधामा हुने प्रतियोगितामा सहभागी ५ टोलीलाई २ समूहमा विभाजन गरिएको छ । समूह ‘ए’ मा साविक विजेता नेपाल एपिएफ क्लब र त्रिभुवन आर्मी क्लब रहेका छन् । समूह ‘बी’ मासाबिक उप विजेता होङ्ग्वान्जी न्यु डायमण्ड स्पोर्टस् क्लब, नेपाल पुलिस क्लब र आयोजकको टोली रहेको छ । प्रतियोगिता बुधबारबाट पर्वतस्थित जलजला गाउँपालिका–३ मा सुरु हुने छ ।
प्रतियोगिताको विजेताले २ लाख, दोस्रोले १ लाख, तेस्रोले ५० हजार पुरस्कार पाउनेछन् । सर्वोत्कृष्ट खेलाडी तथा विधागत उत्कृष्ट खेलाडीलाई पनि नगद पुरस्कार प्रदान गरिने आयोजककी अध्यक्ष कल्पना चापागाईले बताइन् । सम्मेलनमा महोत्सवकी अध्यक्ष कल्पना चापागाईंले ७७ लाख बजेट रहेको महोत्सवको महिला भलिबलका लागि अनुमानित १५ लाख लाग्ने बताइन् ।
