चितवन (हाम्रो खेलकुद)– त्रिभुवन आर्मी क्लबलाई दोस्रो दिवाकर भुसाल स्मृति क्लब च्याम्पियनसिप राष्ट्रिय पुरुष भलिबलको उपाधि दिलाउन महत्वपूर्ण योगदान गरेका धन बहादुर भट्ट प्रतियोगिताको सर्वोत्कृष्ट खेलाडी घोषित चुनिाएका छन् ।

धनले उपाधिसहित १० हजार रुपैयाँ प्राप्त गरे । चितवनस्थित माडी नगरपालिका ३ बसन्तपुरमा अर्को विभागीय नेपाल एपिएफ क्लबलाई आइतबार २५–१५,२५–२० र २५–२२ ले हराउँदै आर्मी च्याम्पियन बनेको हो ।

एपिएफका विजय थापा उत्कृष्ट स्पाइकर र सोही क्लबका लोकेन्द्र गिरी उत्कृष्ट सेटर चुनिए । प्रतियोगितामा तेस्रो स्थान प्राप्त गरेको नेपाल पुलिस क्लब एवंम राष्ट्रिय भलिबल टोलीका कप्तान इम बहादुर राना उत्कृष्ट सर्भर घोषित भए । आर्मीका इश्वर थापामगर उत्कृष्ट लिबेरो छानिए ।

आर्मीका ज्ञानेश्वर अधिकारी उत्कृष्ट प्रशिक्षक चुनिए । व्यक्तिगत विद्याका उत्कृष्टले समान ५ हजार रुपैयाँ प्राप्त गरे । प्रतियोगिताको विजेताले आर्मीले २, दोस्रो एपिएफले १, तेस्रो पुलिसले ५० हजार र चौथो गण्डकी प्रदेशले २५ हजार रुपैयाँ प्राप्त गरे ।

 

दिवाकर भुसाल स्मृति क्लब च्याम्पियनसिपमा

सर्वोत्कृष्ट खेलाडी

धन बहादुर भट्ट क्षेत्री (आर्मी)

उत्कृष्ट 

स्पाइकर – विजय थापा (एपिएफ)

सेटर – लोकेन्द्र गिरी (एपिएफ)

सर्भर – इम बहादुर राना (पुलिस)

लिबेरो– इश्वर थापा मगर (आर्मी)

प्रशिक्षक – ज्ञानेश्वर अधिकारी (आर्मी)