6 years ago
March 10, 2020
काठमाडौं (हाम्रो खेलकुद) – चोट लागेको एक सातापछि नेपाल एपिएफ क्लबकी कप्तान विनिता बुढाथोकी खुट्टाको शल्यक्रिया हुने भएको छ ।
बलम्बुस्थित नेपाल एपिएफ अस्पतालमा बिहीबार उनको शल्यक्रिया हुने एपिएफ महिला टोलीका व्यवस्थापक विजय केसीले जानकारी दिए । गत बुधबार नेपाल पुलिस क्लबविरुद्ध छैटौं प्रधानमन्त्री कप महिला भलिबल प्रतियोगिताको फाइनल खेल्ने क्रममा विनिता घाइते भएकी थिइन् ।
खेलको तेस्रो सेटमा पुलिस २२–१४ ले अगाडि रहेको बेलामा उनी घाइते भएकी थिइन् । नेपालगन्जबाट बिहीबार फर्केकी विनिता सिधै एपिएफ अस्पतालमा भर्ना भएकी थिइन् । विनिताको दायाँ खुट्टाको कुर्कुच्चा भन्दा केहि माथि मांशपेशीमा चोट लागेको छ । महिला राष्ट्रिय भलिबल टोलीकी पूर्व कप्तान समेत रहेकी विनिताको नेतृत्वमा एपिएफले घरेलु भलिबलका अधिकांश प्रतियोगिताको उपाधि जितेको छ ।
विनिताले झन्डै दुई दशक राष्ट्रिय महिला टोलीबाट खेलिसकेकी छिन् । उनले सन् १९९९मा आयोजना भएको दक्षिण एसियाली खेलकुद (साग) को आठौं, दसौं (२००६), १२ औं (२०१६) र १३ औं (२०१९) मा भलिबलबाट कास्य पदक जितेकी थिइन् । पछिल्लो १३ औं सागमा भने उनले बीच भलिबलमार्फत देशका लागि पदक दिलाएकी थिइन् ।
विनिता घाइते भएको फाइनलमा भने एपिएफ पुलिससँग ३–० ले पराजित भएको थियो । पछिल्लो केहि दिनमा घाइते हुने विनिता एपिएफकी तेस्रो खेलाडी हुन् । चोटकै कारण टोलीकी मुख्य स्पाइकर सरस्वती चौधरी र बीच भलिबलमा विनितासँगै रहेकी नेविका चौधरीले नेपालगन्ज गएनन् ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
