4 years ago
April 8, 2020
काठमाडौं (हाम्रो खेलकुद)– कोराना भाइरस कोभिड १९ ले विश्वभर महामारीको रुप लिइरहेकोले सम्भावित संक्रमणलाई फैलन नदिनका लागि सरकारले लकडाउन गरेको १६ दिन भइसकेको छ । वैशाख ३ गते सम्मका लागि सरकारले लकडाउन निरन्तर रहने घोषणा गरिसकेको छ । यस्तोमा नेपालमा लकडाउन अघिबाटै घरेलु खेलकुदका सबै गविविधि स्थगित भइसकेको थियो । यस्तो पृष्ठभूमिमा नेपाल ओलम्पिक कमिटी […]
काठमाडौं (हाम्रो खेलकुद)– कोराना भाइरस कोभिड १९ ले विश्वभर महामारीको रुप लिइरहेकोले सम्भावित संक्रमणलाई फैलन नदिनका लागि सरकारले लकडाउन गरेको १६ दिन भइसकेको छ । वैशाख ३ गते सम्मका लागि सरकारले लकडाउन निरन्तर रहने घोषणा गरिसकेको छ ।
यस्तोमा नेपालमा लकडाउन अघिबाटै घरेलु खेलकुदका सबै गविविधि स्थगित भइसकेको थियो । यस्तो पृष्ठभूमिमा नेपाल ओलम्पिक कमिटी (एनआसी) ले अहिलेको परिस्थितले सृजना गरेका खेलकुदको अवस्था र आगामी रणनीतिका विषयमा सरोकारवालाहरुसँग छलफल सुरु गरेको छ ।
बुधबार भएको भिडियो कन्फ्रेन्समा ओलम्पिक २०२० अर्को वर्षका लागि सरेकोले अब नेपाली खेलाडीको तयारीका विषयमा पनि छलफल भएको थियो । एनओसीले अहिले खेलाडीको अवस्थाको लागत राख्नुपर्ने र कुनै खेलाडीलाई दैनिकी गुजाराको लागि समस्या रहेको भए सहयोगका लागि तयार रहनुपर्ने सहभागीहरुले सुझाव दिएका थिए ।
अहिलेको कठिन अवस्थामा सबैलाई आ आफ्नो घरमा रहेर व्यक्तिगत रुपमा अभ्यास निरन्तरता दिनुपर्नेमा छलफलमा जोड दिइएको थियो । सहभागी छलफलमा युवा तथा खेलकुद मन्त्रालय, राष्ट्रिय खेलकुद परिषद् र एनओसीका पदाधिकारीले संयुक्त रुपमा खेलाडीको मनोबल बढाउनका लागि सन्देश दिन पहल गर्न एनओसीलाई सुझाएका थिए ।
छलफलमा एनओसी अध्यक्ष जीवनराम श्रेष्ठ, महासचिव निलेन्द्रराज श्रेष्ठ, अन्य पदाधिकारी, राष्ट्रिय तथा अन्तर्राष्ट्रिय खेलाडी संघका अध्यक्ष दीपक श्रेष्ठ, ओलम्पियन दीपक विष्ट, डाक्टर सरोज श्रेष्ठ, खेलकुद पत्रकार भिडियो कन्फ्रेन्समा जोडिएका थिए ।
झन्डै २ घन्टा चलेको कन्फ्रेन्समा लकडाउनको समयलाई मध्यनजर गर्दै खेलाडीसँग सम्पर्क जोड्न सुचना आदनप्रदानका लागि एप्स निर्माणका लागि एनओसीले पहल गर्ने भएको छ । छलफलमा आएका सुझावलाई एनओसीले गम्भिरतापूर्वक लिने र आवश्यकता अनुसारको कदम चाल्ने वचन एनओसी अध्यक्ष श्रेष्ठले दिएका छन् ।
डक्टर श्रेष्ठले भने कुनै पनि हालतमा अहिले यो वा त्यो बाहनामा घर बाहिर निस्कन नहुने र संक्रमणबाट बच्नका लागि सबैले न्युनत्तम मापदण्डलाई मान्नुपर्नेमा जोड दिए । श्रेष्ठले खेलाडीहरुलाई कुनै पनि स्वास्थ्य सम्बन्धी समस्या भएमा आफुलाई सम्पर्क गर्न पनि सुझाएका छन् ।
एनओसीले यसअघि नै श्रेष्ठको संयोजकत्वमा खेलाडीको स्वास्थ्य समस्याको तथ्याङ्क राख्न र समाधानको प्रयासका लागि भन्दै एउटा टोली बनाएको थियो । कोरोना भाइरसका कारण विश्वमा ७० हजार भन्दा बढी मृत्यु भइसकेको छ भने १४ लाख भन्दा बढी संक्रमित भएका छन् ।
April 20, 2024
काठमाडौं (हाम्रो खेलकुद)– प्रथम प्रधान सेनापति ह्विलचियर बास्केटल प्रतियोगिताको उपाधि महिलामा ह्विलचियर स्पोर्टस एसोसिएसन र पुरुषमा सशस्त्र प्रहरी बलले जितेको छ । नेपाली सेनाको आयोजना भएको प्रतियोगिताको महिलातर्फको फाइनलमा ह्विचियर स्पोर्टसले स्पाइनल कर्ड इन्ज्युरी नेटवर्क नेपाललाई हराउँदै उपाधि जितेको थियो । जावलाखेल ह्विलचियर स्पोर्टस क्लब तेस्रो भयो । श्री सैनिक पुनर्स्थापना केन्द्र, भण्डारखालमा भएको प्रतियोगिताको […]
April 19, 2024
काठमाडौं (हाम्रो खेलकुद)– प्रदेश खेलकुद परिषद् गण्डकीका सदस्य सचिव श्रीधर शर्माले आफ्ना खेलाडीलाई लान्छाना लगाएको र त्यसले उनीहरुको मनस्थितिमा असर परेको भन्दै चन्द्रागिरी नगरपालिका न्यु डायमण्ड महिला टिमले कारवाहीको माग गरेको छ । १४ औं केन्द्रीयस्तरको राष्ट्रपति रनिङ शिल्डमा बागमती प्रदेशमा सहभागी आफ्ना खेलाडीमाथि शर्माले लान्छाना लगाएको आरोप क्लबले न्यु डायमण्डले लगाएको छ । बागमतीबाट […]
April 18, 2024
काठमाडौं (हाम्रो खेलकुद)– सुदूरपश्चिम प्रदेशले पहिलो पटक केन्द्रीयस्तरीय राष्ट्रपति रनिङ सिल्डमा बिहीबार टिम च्याम्पियन बनेको छ । १४ औं संस्करणमा १९ स्वर्ण, १२ रजत र १८ कांस्य पदकका साथ सुदूरपश्चिम च्याम्पियन बनेको हो । बागमती प्रदेश १७ स्वर्ण, १३ रजत र १५ कांस्य पदकका साथ दोश्रो भयो । तेश्रो स्थानको कर्णाली प्रदेशले १० स्वर्ण, ५ […]
