काठमाडौं (हाम्रो खेलकुद)– प्रदेश ७ को डडेल्धुरामा स्थापना पिसिआर मेसिनका लागि राजधानीमा संकलन भएको रकम शुक्रबार हस्तान्तरण गरिएको छ ।

ओलम्पियन दीपक विष्ट, राष्ट्रिय खेलकुद परिषद् (राखेप) का क्रिकेटमा मुख्य प्रशिक्षक जगत टमाटा, व्यवसायी राजु अवस्थी ले संकलन अभियानको नेतृत्व गरेका थिए । अभियानबाट ८ लाख १३ हजार ६ सय ६५ रुपैयाँ संकलन भएको थियो । संकलित रकम पिसिआर मेसिन स्थापनको नेतृत्व गरिरहको ह्युमानीटि फाउण्डेसन नेपालका संस्थापक अमरबहादुर शाहीलाई हस्तान्तरण गरिएको थियो ।

मेसिन स्थापनाका लागि १३ औं दक्षिण एसियाली खेलकुद साग (साग) की ४ स्वर्ण पदक विजेता गौरिका सिंहले १ लाख रुपैयाँ प्रदान गरेकी थिइन् । ४ सागमा ४ स्वर्ण पदक तेक्वान्दोका कीर्तिमानी विष्ट र सागमै ३ स्वर्ण पदक जितेकी उनीकी श्रीमती आयशा शाक्यले २० हजार रुपैयाँ सहयोग गरेका थिए ।

त्यस्तै राष्ट्रिय क्रिकेट टोलीका सन्दीप लामिछाने, महिला राष्ट्रिय टोलीकी अन्जली चन्द ,मुख्य क्रिकेट प्रशिक्षक जगत टमाटा, त्यस्तै राष्ट्रिय तथा अन्तर्राष्ट्रिय खेलाडी संघका अध्यक्ष समेत रहेका दीपक श्रेष्ठ, तेक्वान्दो संघका उपाध्यक्ष भानुबहादु चन्द, नेपाल भलिबल संघका महासचिव जितेन्द्रबहादुर चन्द, स्पोर्टस युनिभर्सले समान १० हजार रुपैयाँ सहयोग गरेका छन् । अन्य खेलाडी तथा खेलकुदसँग सम्बन्धित व्यक्तिहरुले पनि उक्त अभियानमा साथ दिइरहेका छ ।

ह्युमानीटि फाउण्डेसन नेपालले डडेलधुरामा पिसिआर मेसिन स्थापनाका लागि आर्थिक अभियानको सुरुवात गरेको थियो । स्थानिय श्याम तायलको अगुवाईमा अभियानको सुरुवात गरेको सञ्चारकर्मी समेत रहेका फाउन्डेसनका संस्थापक सदस्य दीर्घराज उपाध्यायले जानकारी दिए ।

एक दिनमा ३ सय ८४ जनाको पिसिआर परिक्षण गर्न सकिने मेसिसन स्थापनाका लागि झन्डै १ करोड रुपैयाँ खर्च हुने र अभियानबाट आवश्यक भन्दा बढी रकम संकलन भइरहेको संस्थापक सदस्य उपाध्यायले जानकारी दिए । संकलन बाँकी रकम पनि सोही अभियानमा खर्च हुने उनले जानकारी दिए । मेसिन स्थापना भइसकेको र केहि दिनबाट सेवा सुरु हुने बताइएको छ ।