4 years ago
July 29, 2020
काठमाडौं (हाम्रो खेलकुद)– राष्ट्रिय खेलकुद परिषद् (राखेप) का नवनियुक्त उपाध्यक्ष शिव कोइराला र सदस्य सचिव रमेश सिलवालले बुधबार सपथ लिने भएका छन् ।
युवा तथा खेलकुद मन्त्री जगतबहादुर विश्वकर्माले आज दिउँसो ३ः०० बजे सिंहदरबारस्थित मन्त्रालयलमा सपथ गराउने कार्यक्रम तय भएको राखेपका प्रवक्ता कुलबहादुर थापाले जानकारी दिए ।
कोइराला र सिलवाललाई मन्त्रीपरिषद्को सोमबार बसेको बैठकले नियुक्त गरेको थियो । उपाध्यक्ष र सदस्य सचिवले सपथ पछि आजै राखेपमा पदभार ग्रहण गर्ने कार्यक्रम रहेको बताइएको छ ।
सिलवाल दोस्रो पटक सदस्य सचिव नियुक्त भएका हुन् । राष्ट्रिय खेलकुद विकास ऐन २०७७ को कार्यान्वयन असार १८ गते सँगै सिलवालसहित राखेपका तत्कालिन पदाधिकारी र सदस्य पदमुक्त भएका थिए ।
कोइराला पहिलो पटक राखेपमा प्रवेश गरेका हुन् । उनीले गत वर्ष स्वदेशमा आयोजना भएको १३ औं दक्षिण एसियाली खेलकुद (साग) का प्रचार प्रसार विभागको संयोजक रहेका थिए । उपाध्यक्ष र सदस्य सचिव दुवैको कार्याकाल ४ वर्ष रहेको छ ।
कारण देखाउ आदेश
मंगलबार मात्रै सरकारले रमेश सिलवाललाई राखेप सदस्य सचिवमा नियुक्त गरेका विषयमा सर्वोच्च अदालतले कारण देखाउ आदेश जारी गरेको थियो । टीकादत्त दाहालले साउन ८ गते दायर गरेको रिटमा न्यायाधीश आनन्दमोहन भट्टराईको एकल इजलासले कारण देखाउ आदेश जारी गरेको हो ।
सर्वोच्चले १५ दिन भित्र लिखित जवाफ पेश गर्न प्रधानमन्त्री तथा मन्त्री परिषद्को कार्यालय र युवा तथा खेलकुद मन्त्रालयका नाममा आदेश जारी गरेको हो । रिटमा राखेप र मन्त्रालयले गठन गरेको सदस्य सचिव सिफारिस समितिलाई पनि विपक्षी बनाइएको छ ।
निवेदक दाहालले देशभरका मानिसले थाहा नपाउने गरी मन्त्रालयको वेबसाइटमा ७ दिने सूचना जारी गरेको, अन्य सञ्चारमाध्यममार्फत सूचना नदिएर प्रक्रिया मिचेको तथा सूचना मन्त्रालयको लेटरप्याडमा जारी गरिनु कानुनविपरीत भएको रिटमा दाबी गरेका थिए।
सर्वोच्च अदालतका सूचना अधिकारी देवेन्द्र ढकालले निवेदक दाहालले आफू पनि सो पदको लागि योग्य रहेको तर सूचना नपाउँदा आवेदन दिन नपाएको तथा देशभरका मानिसले थाहा नपाउने गरी मन्त्रालयको वेबसाइटमा ७ दिने सूचना जारी गरेको भन्दै रिट दायर गरेको जानकारी दिएका थिए ।
May 8, 2024
हिमाल खरेल,बिर्तामोड स्पष्टीकरणको जवाफ चित्तबुझ्दो नदिएको जनाउँदै कोशी प्रदेशका मुख्यमन्त्री केदार कार्कीले खेलकुद विकास बोर्ड कोशी प्रदेशका सदस्य सचिव कृष्ण बस्नेत (पर्शुराम) लाई सफाइ पेश गर्न अर्को पत्र पठाएका छन् । स्पष्टीकरण सोधेको दोस्रो दिन मुख्यमन्त्री कार्कीले बस्नेतलाई सफाइ पेश गर्न आज दिउँसो ३ बजेसम्मको समय दिएर पत्र लेखेका हुन् । बैशाख २५ गते मंगलबार […]
May 7, 2024
काठमाडौं (हाम्रो खेलकुद)–पेरिस ओलम्पिकको छनोटका रुपमा रहेको बरिसी ग्रान्ड स्लाममा नेपाली खेलाडी मनीता श्रेष्ठ प्रधानले भाग लिने भएकी छन् । काजाखस्तानमा हुने ग्रान्ड स्लामका लागि मनीताको प्रशिक्षकमा देवु थापा रहेकी छन् । टोली बुधबार त्यसतर्फ जाने बताइएको छ । प्रतियोगिता मे १० देखि १२ तारिखसम्म हुनेछ । ओलम्पिकका लागि छनोट आधारका रुपमा रहेको प्रतियोगितामा मनीताले […]
May 6, 2024
हिमाल खरेल, बिर्तामोड प्रदेश खेलकुद विकास बोर्ड कोशीको सदस्य सचिवमा अदालतमार्फत पुनर्वहाली भएका कृष्ण बस्नेत (पर्शुराम) सँग मुख्यमन्त्री कार्यालयले स्पष्टीकरण माग गरेको छ । कोशीका मुख्यमन्त्री तथा सामाजिक विकासमन्त्री केदार कार्कीले बैशाख २३ गते बस्नेतलाई पत्र लेख्दै २४ घण्टाभित्र स्पष्टीकरण पेश गर्न आदेश दिएका छन् । बस्नेतलाई तत्कालीन भीम आचार्यको सरकारले २०७८ असोज २४ गते […]