4 years ago
August 26, 2020
काठमाडौं (हाम्रो खेलकुद) – आठौं राष्ट्रिय खेलकुदकी दोहोरो स्वर्ण पदक विजेता एथलेटिक्सकी कीर्तिमानी खेलाडी चन्द्रकला लामगादेमाथि भएको कुटपिटको घटनामा नेपाल राष्ट्रिय तथा अन्तर्राष्ट्रिय खेलाडी संघले गम्भिर ध्यानाकर्षण भएको जनाएको छ । संघका अध्यक्ष दीपक श्रेष्ठले बुधबार विज्ञप्ती जारी गर्दै चन्द्रकलाको दम्पतीमाथि भएको आक्रमणको संघ घोरभत्र्सना गर्दै दोषीमाथि कडा कारवाहीको जोडदार माग गरेका छन् । गर्भवती […]
काठमाडौं (हाम्रो खेलकुद) – आठौं राष्ट्रिय खेलकुदकी दोहोरो स्वर्ण पदक विजेता एथलेटिक्सकी कीर्तिमानी खेलाडी चन्द्रकला लामगादेमाथि भएको कुटपिटको घटनामा नेपाल राष्ट्रिय तथा अन्तर्राष्ट्रिय खेलाडी संघले गम्भिर ध्यानाकर्षण भएको जनाएको छ ।
संघका अध्यक्ष दीपक श्रेष्ठले बुधबार विज्ञप्ती जारी गर्दै चन्द्रकलाको दम्पतीमाथि भएको आक्रमणको संघ घोरभत्र्सना गर्दै दोषीमाथि कडा कारवाहीको जोडदार माग गरेका छन् ।
गर्भवती समेत रहेकी लामकादेमाथिको आक्रमणलाई सभ्य समाजले ग्रहण गर्न नसक्ने उल्लेख गर्दै विज्ञप्तीमा भनिएको छ, ‘गैरकानुनी र गैर मानवीय उक्त घटनाका दोषीको छानविन गरि कानुनी कारवाहीका लागि संघ सम्बन्धित निकायसँग आग्रह गर्दछ ।’
२१ औं शतब्दीमा पनि जातीय विभेद हुनु र हातपात हुने घटनालाई समान्य मान्य सकिन्न भन्दै संघको विज्ञप्तीमा अगाडि भनिएको छ, ‘चन्द्रकलाको अवस्था बुझ्न, आवश्यक सहयोगका लागि संघ युवा तथा खेलकुद मन्त्रालय, राष्ट्रिय खेलकुद परिषदको ध्यानाकर्षण गराउन चाहन्छ । संघ खेलाडी लामकादेको शीघ्र स्वास्थ लाभको कामना गर्दछ ।’
आजै नेपाल एथलेटिक्स संघले पनि विज्ञप्ती जारी गर्दैै दोषीमाथि कारवाहीको माग गरेको छ ।
झापा मेचीनगर १९ चारआलीमा चिया पासल चलाउँदै आएकी कीर्तिमानी राष्ट्रिय खेलाडी चन्द्रकलालाई सोमबार राती छिमेकी दुर्गा श्रेष्ठ र उनकी श्रीमती विष्णुले हातपात गरेका थिए ।
श्रेष्ठका दम्पतीबाट लखटिएका चारआलीका राजन दर्जी आत्तिदै र गुहार माग्दै चन्द्रकलाको पसलमा पसेका थिए । जातीय विभेदयुक्त गाली गर्दै आफ्नो पसमा आएका श्रेष्ठ दम्पतीलाई चन्द्रकलाले रोक्न खोजिन् । तर, श्रेष्ठ दम्पती त पनि तल्लो जाती रैछ्स भन्दै चन्द्रकलामाथी नै कुटपिटमा उत्रिए ।
नेपाल पुलिस क्लबकी चन्द्रकला कुटाईबाट घाइते भएकी छिन् । सात महिनाकी गर्भवती रहेकी उनको बिर्तामोडस्थित बिएन्डसी अस्पतालमा उपचार भइरहेको छ । चन्द्रकलाका श्रीमान् सुमन खातीलाई पनि श्रेष्ठले कुटपिट गरेका थिए । कोरोना महामारीका कारण चैत ११ गते लकडाउन हुनुअघि चन्द्रकला घर गएकी थिइन् ।
२१ औं शताब्दीमा पनि जातीय विभेदका शब्दमा लागी गर्नु दण्डनीय भएको जनाउँदै एथलेटिक्स संघका अध्यक्ष यस्तो घटनामा सलग्नको जति आलोचना गरे पनि कम हुने बताएका छन् । संघले चन्द्रकलाको उपचारमा २१ हजार रुपैयाँ सहयोगको घोषणा समेत गरेको छ ।
जिल्ला प्रहरी कार्यालय झापाले श्रेष्ठ दम्पती पक्राउ गरिसकेको बताएको छ । चन्द्रकलाले पूर्वाञ्चलमा भएको सातौँ राष्ट्रिय खेलकुद र प्रदेश ५ मा भएको आठौं राष्ट्रिय खेलकुद दुवैमा सटपुट र ज्याभलिन थ्रोमा स्वर्ण पदक जितेकी थिइन् ।
उनले आठौं राष्ट्रिय खेलकुदमा एथलेटिक्सको सटपुटमा १२.०४ मिटरको नयाँ कीर्तिमान राख्दा आफ्नै कीर्तिमान् तोडेकी थिइन् । आठौंमै उनले ज्याभलिन थ्रोमा त्यसअघि आफ्नै नाममा रहेको कीर्तिमान तोड्ने क्रममा ४४.०४ मिटर थ्रो गरेर नयाँ कीर्तिमान राखेकी थिइन् ।
April 18, 2024
काठमाडौं (हाम्रो खेलकुद)– सुदूरपश्चिम प्रदेशले पहिलो पटक केन्द्रीयस्तरीय राष्ट्रपति रनिङ सिल्डमा बिहीबार टिम च्याम्पियन बनेको छ । १४ औं संस्करणमा १९ स्वर्ण, १२ रजत र १८ कांस्य पदकका साथ सुदूरपश्चिम च्याम्पियन बनेको हो । बागमती प्रदेश १७ स्वर्ण, १३ रजत र १५ कांस्य पदकका साथ दोश्रो भयो । तेश्रो स्थानको कर्णाली प्रदेशले १० स्वर्ण, ५ […]
April 18, 2024
काठमाडौं (हााम्रो खेलकुद)– १४ औं केन्द्रीयस्तरीय राष्ट्रपति रनिङ सिल्डको अन्तिम दिन बिहीबार एथलेटिक्समा ३ नयाँ जुनियर राष्ट्रिय कीर्तिमान कायम भएको छ । राष्ट्रिय खेलकुद परिषद् (राखेप) द्वारा आयोजित प्रतियोगितामा अन्तर्गत त्रिपुरेश्वरस्थित दशरथ रंगशालामा सुदूरपश्चिम प्रदेशका आशिष महरले छात्र ट्रिपल जम्पमा १४.१९ मिटर जम्प गर्दै ३६ वर्षअघिको जुनियर राष्ट्रिय कीर्तिमान भंग गर्दै स्वर्ण पदक जितेको छन् […]
April 18, 2024
दिल तामाङ नेपाली भलिबल वर्ष २०८० मा चलायमान रह्यो । घरेलु भलिबल व्यस्त रहँदा अन्तर्राष्ट्रिय सहभागिताले पनि निरन्तरता पायो । भलिबल नेपालको राष्ट्रिय खेल घोषणा भएको ६ वर्ष भन्दा बढी भइसकेको छ । तर, अपेक्षा अनुसार सरकारले भलिबलमा लगानी भने गरेको छैन । यद्यपि घरेलु भलिबल व्यस्त रह्यो । पुरुषको १५ र महिलाको ९ वटा […]