4 years ago
August 28, 2020
हिमाल खरेल, बिर्तामोड जातीय विभेदका कारण पाँच दिनअघि कुटपिटमा परेकी एथलेटिक्सकी राष्ट्रिय कीर्तिमानी खेलाडी चन्द्रकला लामगादे आज (शुक्रबार) अस्पतालबाट डिस्चार्ज हुने भएकी छन् । तस्बिर : एथलेटिक्स संघका केन्द्रिय सदस्य कुमार श्रेष्ठ चन्द्रकलाको अवस्थाबारे जानकारी लिँदै चन्द्रकलाको बिर्तामोडस्थित बिएन्डसी अस्पतालमा उपचार भएको थियो । मेचीनगर–१३ चारआलीका राजन दर्जीलाई गालीगलौज गर्दै लखेटिरहेका स्थानीय दुर्गा श्रेष्ठ र […]
हिमाल खरेल, बिर्तामोड
जातीय विभेदका कारण पाँच दिनअघि कुटपिटमा परेकी एथलेटिक्सकी राष्ट्रिय कीर्तिमानी खेलाडी चन्द्रकला लामगादे आज (शुक्रबार) अस्पतालबाट डिस्चार्ज हुने भएकी छन् ।
तस्बिर : एथलेटिक्स संघका केन्द्रिय सदस्य कुमार श्रेष्ठ चन्द्रकलाको अवस्थाबारे जानकारी लिँदै
चन्द्रकलाको बिर्तामोडस्थित बिएन्डसी अस्पतालमा उपचार भएको थियो । मेचीनगर–१३ चारआलीका राजन दर्जीलाई गालीगलौज गर्दै लखेटिरहेका स्थानीय दुर्गा श्रेष्ठ र विष्णु श्रेष्ठ दम्पतीले चन्द्रकलामाथि बेल्टले निर्घात प्रहार गरेका थिए । श्रेष्ठ दम्पतीबाट लखटिएका दर्जी गुहार माग्दै चन्द्रकलाको पसलमा पसेका थिए ।
जातीय विभेदयुक्त गाली गर्दै आफ्नो पसमा आएका श्रेष्ठ दम्पतीलाई चन्द्रकलाले रोक्न खोजिन् । तर, श्रेष्ठ दम्पती त पनि तल्लो जातकी रैछस् भन्दै कुटपिटमा उत्रिएका थिए । सात महिनाकी गर्भवती रहेकी उनी चैत ११ गते लकडाउन हुनुअघि काठमाडौंबाट घर आएकी थिइन् । चन्द्रकलाका पति सुमन खातीलाई पनि श्रेष्ठले कुटपिट गरेका थिए । चन्द्रकला आफ्ना पतिका साथ चारआलीमा काठमाडौं स्पेसल मःमः सेन्टर सञ्चालन गर्दै आएकी छन् ।
जिल्ला प्रहरी कार्यालय झापाले श्रेष्ठ दम्पतीलाई पक्राउ गरेर आवश्यक कारबाही बढाएको जनाएको छ । जातीय रूपमा होच्याउँदै आक्रमण गर्ने श्रेष्ठ दम्पतीविरुद्ध इलाका प्रहरी कार्यालय धुलाबारीमा जाहेरी दर्ता भएपछि प्रहरीले पक्राउ गरेको थियो ।
जिल्ला अदालत झापाबाट पाँच दिन म्याद लिएर उनीहरूमाथि अनुसन्धान भइरहेको छ । आज म्याद सकिएको छ । तर, अनुसन्धान नसकिएकाले अदालतबाट पुनः म्याद थपेर श्रेष्ठ दम्पतीमाथि सोधपुछ गरिने जिल्ला प्रहरी कार्यालय झापाका सूचना अधिकारी डिएसपी राकेश थापाले जानकारी दिए ।
चन्द्रकलाले पूर्वाञ्चलमा भएको सातौँ राष्ट्रिय खेलकुद र प्रदेश ५ मा भएको आठौं राष्ट्रिय खेलकुद दुवैमा सटपुट र ज्याभलिन थ्रोमा स्वर्ण पदक जितेकी थिइन् । उनले आठौं राष्ट्रिय खेलकुदमा एथलेटिक्सको सटपुटमा १२.०४ मिटरको नयाँ कीर्तिमान राख्दा आफ्नै कीर्तिमान् तोडेकी थिइन् । आठौंमै उनले ज्याभलिन थ्रोमा त्यसअघि आफ्नै नाममा रहेको कीर्तिमान तोड्ने क्रममा ४४.०४ मिटर थ्रो गरेर नयाँ कीर्तिमान राखेकी थिइन् ।
राखेपको ध्यानाकर्षण
एथलेटिक्स खेलाडी चन्द्रकला लामगादेमाथि दलित भएको आधारमा निर्धात कुटपिट भएको समाचारमा आफ्नो ध्यानाकर्षण भएको राष्ट्रिय खेलकुद परिषद् (राखेप) ले जनाएको छ । सोमबार जातिय गालीगलोज गर्दै दुर्गा श्रेष्ठ र विष्णु श्रेष्ठ दम्पतीले चन्द्रकलालाई बेल्टले निर्घात प्रहार गरेका थिए ।
राखेपका उपाध्यक्ष शिव कोइराला ज्वालाद्धारा बिहीबार जारी विज्ञप्तीमा त्यस्ता जघन्य एवंम मानवता विरोधी कार्य हुन प्रचलित संविधान कानुन एवंम राज्यलाई नै चुनौती दिन खोजिएको महसुस हुने उल्लेख गरिएको छ ।
विज्ञप्तीमा भनिएको छ, ‘उक्त पाशविक एवंम अमानवीय घटनाका दोषी माथि प्रचलित कानुन बमोजिम हदै सम्मको कारवाही हुन राज्यका सम्बद्ध निकायहरुको गम्भिर ध्यानाकर्ष हुन जरुरी रहेको छ ।’ चन्द्रकलाको शीघ्र स्वास्थ्य लाभको कामना गर्दै राखेपबाट आवश्यक सहयोग एवं पहलका लागि प्रतिबद्धता समेत व्यक्त भएको छ ।
त्यसअघि बुधबार नेपाल एथलेटिक्स संघ र नेपाल राष्ट्रिय तथा अन्तर्राष्ट्रिय खेलाडी संघले चन्द्रकलामाथि भएको कुटपिटको भत्र्सना गर्दै दोषीमाथि कडा कारवाहीको माग गरेको थियो । एथलेटिक्स संघले चन्द्रकलाको उपचारका लागि २१ हजार रुपैयाँ सहयोग समेत गरेको थियो ।
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]
April 24, 2024
काठमाडौं (हाम्रो खेलकुद) – नेपालको तेक्वान्दो टिमले जापानमा हुने २० औं वाटा ओपन अन्तर्राष्ट्रिय तेक्वान्दो प्रतियोगितामा भाग लिने भएको छ । जापान वाटाको आयोजनामा हुने सो प्रतियोगितामा अल जापान तेक्वान्दो संघ र ओसाका तेक्वान्दो संघको सहयोग रहनेछ । नेपालका अन्तर्राष्ट्रिय तेक्वान्दो निर्णायक अशोक खड्काले २४ देशको सहभागिता रहने सो प्रतियोगितामा खेल्न १५ सदस्यीय नेपाली तेक्वान्दो […]