3 years ago
November 13, 2020
काठमाडौं (हाम्रो खेलकुद) – गत वर्ष स्वदेशमा आयोजना भएको १३ औं दक्षिण एसियाली खेलकुद (साग) दोहोरो स्वर्ण पदक विजेता ३ सहित ७ खेलाडी राष्ट्रिय प्रतिभा पुरस्कारबाट सम्मानित हुने भएका छन् । मंसिरमा आयोजना भएको सागमा सबै भन्दा बढी पौडीकी गौरिका सिंहले ४ स्वर्ण पदक जितेकी थिइन्। करातेका मण्डेकाजी श्रेष्ठ, तेक्वान्दोकी आयशा शाक्य र गल्फका सुवास […]
काठमाडौं (हाम्रो खेलकुद) – गत वर्ष स्वदेशमा आयोजना भएको १३ औं दक्षिण एसियाली खेलकुद (साग) दोहोरो स्वर्ण पदक विजेता ३ सहित ७ खेलाडी राष्ट्रिय प्रतिभा पुरस्कारबाट सम्मानित हुने भएका छन् ।
मंसिरमा आयोजना भएको सागमा सबै भन्दा बढी पौडीकी गौरिका सिंहले ४ स्वर्ण पदक जितेकी थिइन्। करातेका मण्डेकाजी श्रेष्ठ, तेक्वान्दोकी आयशा शाक्य र गल्फका सुवास तामाङले समान २ स्वर्ण पदक जितेका थिए । फुटबल टोली र अन्य खेलाडीले पनि स्वर्ण पदक जितेका थिए ।
युवा तथा खेलकुद मन्त्रालयको वार्षिक कार्यक्रमअनुसार आवेदन आएमध्येबाट यो वर्ष ७ खेलाडीलाई सम्मान गर्न लागेको हो । त्यस्तै २ खेल प्रशिक्षक, २ खेल प्रायोजक तथा खेल संघ, निर्णायक र चिकित्सकबाट समान १ जनालाई सम्मान गर्न लागेको मन्त्रालयले शुक्रबार जारी गरेको विज्ञप्तीमा उल्लेख छ ।
राष्ट्रिय प्रतिभा पुरस्कारबाट सम्मानित हुनेमा मण्डेकाजी, आयशा, सुवाससहित साइक्लिङकी लक्ष्मी मगर, भारोत्तोलनका विकास थापा, एथलेटिक्सकी सन्तोषी श्रेष्ठ र शारीरिक सुगठनका समिर श्रेष्ठ छन् । लक्ष्मी, विकास र सन्तोषीले पनि १३ औं सागमा स्वर्ण पदक जितेका थिए ।
सम्मान पाउने प्रशिक्षकमा तेक्वान्दोका मुख्य प्रशिक्षक नवीनकुमार श्रेष्ठ र करातेका कुशल श्रेष्ठ छन् । दुवै आ आफ्नो खेलमा सागका प्रशिक्षक थिए । जुडोका धर्मकुमार श्रेष्ठले निर्णायकका तर्फबाट सम्मान पाउने भएका छन् ।
यस्तै संघबाट नेपाल गल्फ संघ, चिकित्सकतर्फ डाक्टर ज्ञानेन्द्र विक्रम शाह सम्मानित हुनेछन् । उनीहरुले नगदसहित सम्मान पाउनेछन् । खेलकुदको विकास र प्रवद्र्धनमा विभिन्न खेलहरुमा आर्थिक सहयोग गरी खेलाडीको मनोवल उच्च राख्न सहयो गरेकोमा काठमाडौं महानगरपालिका र कतार एयरवेज प्रायोजकका रुपमा सम्मान गरिने मन्त्रालयले जनाएको छ ।
२१ दिने सुचनामा २७ खेलाडी, १२ खेल प्रशिक्षक, ३ खेल निर्णायक, ४ खेल व्यवस्थापक र चिकित्सक, २ खेल संघ र विधा नखुलेका ४ वटा गरी जम्मा ५२ वटा आवेदनहरु परेको मन्त्रालयले जनाएको छ ।
९ सदस्य समितिले राष्ट्रिय खेलकुद प्रतिभा सम्मान कार्यविधिको अधिनमा रहि प्राप्त आवेदनको मूल्याकंन गर्दै उच्चतम अंक प्राप्त गर्नेलाई सम्मानका लागि सिफारिस गरेको थियो । सिफारिसका आधारमा शुक्रबार मन्त्रीस्तरीय निर्णय भएको मन्त्रालयले जनाएको छ ।
April 23, 2024
काठमाडौं (हाम्रो खेलकुद)– शेरबहादुर खड्का स्मृति प्रतिष्ठानको आयोजना बुधबार सुरु हुने केएनपी नेरोलेक राष्ट्रिय महिला भलिबल प्रतियोगितामा ४ टोलीको मात्र सहभागिता रहने भएको छ । आयोजकले मंगलबार राखेको टेक्निकल मिटिङले प्रतियोगिता भाग लिन नसक्ने जानकारी दिएको प्रतिष्ठानका अध्यक्ष रन्जन खड्काले जानकारी दिए । अब प्रतियोगिता राउन्ड रोविनका आधारमा हुने भएको छ । सहभागी टोलीका प्रतिनिधिको […]
April 23, 2024
काठमाडौं (हाम्रो खेलकुद) : इभन-पार ६८ को स्कोरमा भुवन नगरकोटी सूर्य नेपाल काठमाडौं ओपनको पहिलो दिन मंगलबार एक स्ट्रोकको अग्रता सहित शीर्षस्थानमा रहेका छन्। उनले रवि खड्का, भुवन कुमार रोक्का र निरज तामाङलाई एक स्ट्रोकले पछि पारेका हुन्। रवि, भुवन र निरजले भने पहिलो दिनको खेल १-ओभर ६९ मा सकाउँदै संयुक्तरुपमा दोस्रो स्थान बाँडे। २-ओभर […]
April 22, 2024
काठमाडौं (हाम्रो खेलकुद) – सूर्य नेपाल गल्फ टुर २०२३–२४ अन्तर्गतको सातौं प्रतियोगिताका रुपमा रहेको सूर्य नेपाल काठमाडौं ओपन मंगलबार सुरु हुने भएको छ । रोयल नेपाल गल्फ क्लबमा ७२ होलको ४ दिने प्रतियोगिता शुक्रबारसम्म चल्ने सोमबार आयोजित पत्रकार सम्मेलनमा जानकारी दिइयो । उपाधिको लागि ३२ प्रोफेसनल र ८ एमेच्योर गरी कुल ४० गल्फरहरूले दाबेदारी प्रस्तुत […]