3 years ago
September 17, 2021
काठमाडौं (हाम्रो खेलकुद)– देशको सबै भन्दा ठूलो खेल प्रतियोगिता राष्ट्रिय खेलकुदको नवौं संस्करण फागुनमा गर्ने तयारी भइरहेको राष्ट्रिय खेलकुद परिषद् (राखेप) का सदस्य सचिव रमेशकुमार सिलवालले बताएका छन् । सदस्य सचिव सिलवालले नवौका उत्कृष्ट खेलाडीलाई पाकिस्तानमा हुने १४औं दक्षिण एसियाली खेलकुद (साग) को लागि बन्द प्रशिक्षणमा राखिने पनि बताएका छन् । रिभाइभ लिजर पार्कको आयोजनामा […]
काठमाडौं (हाम्रो खेलकुद)– देशको सबै भन्दा ठूलो खेल प्रतियोगिता राष्ट्रिय खेलकुदको नवौं संस्करण फागुनमा गर्ने तयारी भइरहेको राष्ट्रिय खेलकुद परिषद् (राखेप) का सदस्य सचिव रमेशकुमार सिलवालले बताएका छन् ।
सदस्य सचिव सिलवालले नवौका उत्कृष्ट खेलाडीलाई पाकिस्तानमा हुने १४औं दक्षिण एसियाली खेलकुद (साग) को लागि बन्द प्रशिक्षणमा राखिने पनि बताएका छन् । रिभाइभ लिजर पार्कको आयोजनामा बिहीबार सुरु भएको प्रथम रिभाइभ लिजर पार्क खुल्ला राष्ट्रिय ब्याडमिन्टन च्याम्पियनसिपको उद्घाटनका क्रममा सिलवालले नवौ राष्ट्रिय खेलकुद फागुन ६ देखि १६ गते सम्म आयोजना गर्ने गरि आवश्यक तयारी भइरहेको जानकारी दिएका हुन् ।
नवौं गण्डकी प्रदेशले आयोजना गर्दैछ । लुम्बिनी प्रदेशमा २०७५/७६ मा भएको आठौं राष्ट्रिय खेलकुदको समापनका दौरान गण्डकीले आयोजनाको झण्डा ग्रहण गरेको थियो । कोरोना संक्रमणका कारण निर्धारित समय भन्दा एक वर्ष ढिला नवौं आयोजना हुने सम्भावना देखिएको छ । यसअघि २०७७ फागुृन २० देखि २७ गते सम्म आयोजनाको घोषणा भएको थियो ।
यद्दपी नवौं आयोजनाको औपचारिक निर्णय भने भएको छैन । युवा तथा खेलकुद मन्त्री नभएका कारण पछिल्लो राखेपको बोर्ड गठन भएयता बैठक बस्न सकेको छैन । राखेप सदस्य सिलवालले पूर्वाधारका कारण नवौं नरोकिने यसअघि पटक पटक बताइसकेका छन् । गण्डकीमा पौडी र सुटिङ रेन्जबाहेक अन्य खेलका लागि पूर्वाधार रहेको बताइएको छ ।
गत वर्ष नवौंका विषयमा आयोजना गरिएको अन्तरक्रियामा सिलवालले स्थानिय तहमा खेलाडी छनोटको लागि १५ दिन, जिल्लामा १ महिना र प्रदेशमा १ महिनाको खेलाडी छनोटका लागि समय लाग्ने बताएका थिए । ३ महिनाको तयारीमा राष्ट्रिय खेलकुद गर्न सकिने उनले दाबी गर्दै आएका छन् । देशको बृहत खेल मेला २०३८ सालमा हरेक दुई वर्षमा आयोजना गर्नेगरी सुरुवात भएको थियो । तर पूर्वाधार अभाव र प्रर्याप्त तयारी अभावमा बृहत राष्ट्रिय खेलकुद आयोजनाको चारदशक नाघिसक्दा अहिलेसम्म आठ संस्करण मात्र भएको छ ।
काठमाडौंबाट सुरु भएको राष्ट्रिय खेलकुदको आयोजना दोस्रो संस्करण (२०४०) पोखरा, तेस्रो वीरगन्ज (२०४२), चौथो नेपालगन्ज (२०५५), पाँचौं (काठमाडौं (२०६५), छैटौं धनगढी (२०६८), सातौं पूर्वाञ्चल (२०७३) र आठौं लुम्बनी प्रदेश (२०७५/७६) मा आयोजना भएको थियो । पहिलो तीन संस्करणपछि राष्ट्रिय खेलकुद २ वर्षको अन्तरमा हुन सकेको छैन ।
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]
April 24, 2024
काठमाडौं (हाम्रो खेलकुद) – नेपालको तेक्वान्दो टिमले जापानमा हुने २० औं वाटा ओपन अन्तर्राष्ट्रिय तेक्वान्दो प्रतियोगितामा भाग लिने भएको छ । जापान वाटाको आयोजनामा हुने सो प्रतियोगितामा अल जापान तेक्वान्दो संघ र ओसाका तेक्वान्दो संघको सहयोग रहनेछ । नेपालका अन्तर्राष्ट्रिय तेक्वान्दो निर्णायक अशोक खड्काले २४ देशको सहभागिता रहने सो प्रतियोगितामा खेल्न १५ सदस्यीय नेपाली तेक्वान्दो […]
April 24, 2024
काठमाडौं (हाम्रो खेलकुद) – बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलमा सहभागी हुन ४ खेलाडीसहित ५ सदस्यीय टोली बिहीबार चीनको युन नान प्रस्थान गर्ने भएको छ । विजय बुर्जा कप्तान रहेको टोलीको अन्य खेलाडीमा निकेश मगर, मनीष केसी र निश्चल महर्जन रहेका छन् । प्रशिक्षकमा सुशिल गुरुङ छन् । बुधबारदेखि सुरु भइसकेको […]