काठमाडौं (हाम्रो खेलकुद) – पेम्बा शेर्पा काल्सबर्ग गल्फ २०१६ उपाधि जित्न सफल भएका छन् । गोकर्ण गल्फ क्लबमा शनिबार ८ ह्यान्डी क्यापका पेम्बाले उपाधि जित्ने क्रममा ३७ अंक जोडे ।
स्टेबल फोर्ड थ्रि बाई फो ह्यान्डी क्यापमा खेलाईएको प्रतिस्पर्धामा राजेन्द्र श्रेष्ठ र महेश विक्रम कार्कीले समान ३६ अंक जोडेपनि काउन्ट ब्याकमा राजेन्द्र दोस्रो भए । काउन्ट ब्याकमा चुकेका महेश विक्रम कार्कीले ३६ अंकमा सिनियरतर्फ भने उपाधि जितेका छन् । महिलातर्फ प्रतिमा शेर्पा सफल रहिन । उनले २७ बनाएकी थिईन । २५ अंकका साथ कल्पना लिम्बु दोस्रो भइन् ।
प्रतियोगितामा बिजय श्रेष्ठले बेस्ट ग्रस, लंग गेष्ट ड्राइभ र महेश विक्रम कार्कीले क्लोजेस्ट टु द पिन र ४ बडिज गरेका वानचेन ढोन्डुपले मोस्ट बडिजको उपाधि जिते । गोर्खा ब्रुअरीद्वारा आयोजित एक दिने कार्यक्रममा ९० खेलाडीको सहभागिता थियो ।
विजेता खेलाडीलाई गोर्खा बु्रअरीका मेनेजिङ डाइरेक्टर अरुण अधिकारी, मार्केटिङ डाइरेक्टर वैभव शर्मा, सेल्स डाइरेक्टर काजीमान सुब्बा र गोकर्ण गल्फ क्लबका अध्यक्ष सुहृद घिमिरेले पुरस्कृत गरे ।
