7 years ago
February 9, 2017
पोखरा (हाम्रो खेलकुद)– सूर्य नेपाल वेस्टर्न ओपन गल्फ प्रतियोगिताको दोस्रो दिन नम्बर एक व्यवसायिक गल्फर शिवराम श्रेष्ठ शीर्ष स्थानमा उक्लिएका छ । पार ७० को हिमालयन गल्फ कोर्समा दोस्रो दिन बिहिबार शिवरामले ३ अन्डर ६७ खेले । अघिल्लो दिन इभन पार ७० खेलेका शिवरामले कुल ३ अन्डर १ सय ३७ स्कोरका साथ शीर्ष स्थान बनाएका […]
पोखरा (हाम्रो खेलकुद)– सूर्य नेपाल वेस्टर्न ओपन गल्फ प्रतियोगिताको दोस्रो दिन नम्बर एक व्यवसायिक गल्फर शिवराम श्रेष्ठ शीर्ष स्थानमा उक्लिएका छ । पार ७० को हिमालयन गल्फ कोर्समा दोस्रो दिन बिहिबार शिवरामले ३ अन्डर ६७ खेले । अघिल्लो दिन इभन पार ७० खेलेका शिवरामले कुल ३ अन्डर १ सय ३७ स्कोरका साथ शीर्ष स्थान बनाएका हुन् ।
दोस्रो स्थानमा रहेका धन बहादुर थापालाई शीवरामले चार स्ट्रोक पछाडी पारेका छन् । दोस्रो दिन १ ओभर ७१ खेलेका धनको कुल १ ओभर १ सय ४१ स्कोर छ । २ ओभर १ सय ४२ खेलेका भुवन नगरकोटी तेस्रो स्थानमा छन् । दोस्रो दिन भुवनले २ ओभर ७२ स्कोर कार्ड बनाए ।
यसैगरी तीन ओभर एकसय ४३ स्कोरका साथ सञ्जय लामा चौथो स्थानमा उक्लिए । दोस्रो दिन सञ्जयले दुई अन्डर ६८ को उत्कृष्ट स्कोर कार्ड बनाए । इभन पार ७० खेलेका भेट्रान्स गल्फर दिपक थापा मगर १ सय ४४ स्कोरका साथ पाँर्चौं स्थानमा छन् । स्थानीय प्रो भु बहादुर गुरुङ समग्रमा १ सय ४६ स्कोरका साथ छैटौं स्थानमा छन् ।
पहिलो दिन शिर्ष स्थानमा रहेका रवि खड्का दोस्रो दिन आठ ओभर ७८ को घातक प्रदर्शन गर्दै आठौं स्थानमा झरे । प्रो तर्फ उत्कृष्ट २१ औं स्थानसम्म रहेको २८ खेलाडी फाइनल चरणमा प्रवेश गरेका छन् । २८ मध्ये ६ खेलाडी एमेच्योर छन् ।
यसैगरी एमेच्योरतर्फ कमल तामाङ एक सय ४७ स्कोरका साथ शिर्ष स्थानमा छन् । कमल सहित शिर्ष ६ एमेच्योर फाइनल चरणमा प्रवेश गरेका छन् । १ सय ५५ स्कोरका साथ मिथुन राई र युवराज भुजेल संयुक्त रुपमा दोस्रो स्थानमा छन् ।
प्रोफेसनल गल्फर एसोसिएसनको आयोजना तथा सूर्य नेपाल प्रालीको प्रायोजन रहेको सूर्य नेपाल गल्फ टुरअन्तर्गत सञ्चालित तीनदिने प्रतियोगितामा २८ प्रो र १३ जना एमेच्योरले प्रतिस्पर्धा गरेका थिए । बिहिबार ३६ होलपछि २२ प्रो र ६ जना एमेच्योर फाइनल चरणमा प्रवेश गरेका हुन् ।
शुक्रबार १८ होलको फाइनल खेल हुनेछ । कुल ६ लाख रुपैयाँ पुरस्कार रहेको प्रतियोगिताको विजेताले एक लाख १० हजार, उपविजेताले ७० हजार र तेस्रो हुनेले ४५ हजार रुपैयाँ पुरस्कार प्राप्त गर्नेछन् । फाइनलमा पुग्ने सबै प्रोले नगद पुरस्कार जित्ने छन् ।
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]