काठमाडौं, १९ कार्तिक
संगिना बैद्यलाई राष्ट्रिय खेलकुद परिषदले तेक्वान्दोको सहायक मुख्य प्रशिक्षकको जिम्मेवारी दिएको छ । राष्ट्रिय खेलकुद परिषदको सदस्य सचिव स्तरीय निर्णय अनुसार उनलाई सहायक मुख्य प्रशिक्षको जिम्मेवारी प्रदान गरिएको हो ।
राष्ट्रिय खेलकुद परिषदको सदस्य सचिव स्तरिय निर्णय अनुसार उनलाई सहायक मुख्य प्रशिक्षको जिम्मेवारी प्रदान गरिएको पत्र तालिम तथा प्रशिक्षण विभागका निर्देशक नविन उप्रेतीले बिहिबार बैद्यलाई प्रदान गरे ।
भारतको गुहाटी र सिलोङ्गमा आयोजना हुने १२ औं दक्षिण एशियाली खेलकुद प्रतियोगिता तथा रियो द जेनेरियोमा आयोजना हुने ३१ औं रियो ओलम्पिक प्रतियोगिताको पूर्वसन्ध्यामा दिईएको जिम्मेवारी महत्वपूर्ण रहेको छ । एक सफल खेलाडी तथा प्रशिक्षकको रुपमा आफुलाई स्थपित गर्न सफल बैद्यलाई दिईएको जिम्मेवारीले आगामी दिनमा नेपालले साग र ओलम्पिकमा पदक हासिल गर्न सक्षम खेलाडी उत्पादन गर्नलाई मद्धत पुग्ने खेल समिक्षकहरु बताउंदछन् । नियुक्ति पत्र बुझ्दै बैद्यले राज्य तथा राष्ट्रिय खेलकुद परिषदले आफुलाई बिश्वास गर्दै जुन जिम्मेवारी प्रदान गरेकोछ त्यसले आफुलाई थप जिम्मेवारीको महशुस गरेको र त्यसलाई कायम राख्न कुनै कसर बाँकी नराख्ने बताईन् ।
