default_image

4 weeks ago

January 27, 2024

रसिला र प्रिन्स नेपालगन्ज कप ब्याडमिन्टन च्याम्पियन

नेपालगन्ज (हाम्रो खेलकुद) – त्रिभुवन आर्मी क्लबकी रसिला महर्जन र एपिएफका प्रिन्स दाहालले प्रथम नेपालगन्ज कप राष्ट्रिय ब्याडमिन्टन प्रतियोगिताको उपाधि जितेका छन् । नेपालगन्ज रंगशालास्थित कर्भड हलमा शनिबार भएको पुरुष एकलको फाइनलमा प्रिन्सले आर्मीका कविर केसीलाई २१ –७, २१–१४ को सोझो सेटमा हराए । नेपाल प्रहरीका जीवन आचार्य र एपिएफका अमन महर्जन् संयुक्त रुपमा तेस्रो […]

214 views

0 Bookmark

नेपालगन्ज (हाम्रो खेलकुद) – त्रिभुवन आर्मी क्लबकी रसिला महर्जन र एपिएफका प्रिन्स दाहालले प्रथम नेपालगन्ज कप राष्ट्रिय ब्याडमिन्टन प्रतियोगिताको उपाधि जितेका छन् ।

नेपालगन्ज रंगशालास्थित कर्भड हलमा शनिबार भएको पुरुष एकलको फाइनलमा प्रिन्सले आर्मीका कविर केसीलाई २१ –७, २१–१४ को सोझो सेटमा हराए । नेपाल प्रहरीका जीवन आचार्य र एपिएफका अमन महर्जन् संयुक्त रुपमा तेस्रो भए ।

त्यसअघि सेमिफाइनलमा प्रिन्सले पुलिसका जिवन आचार्यलाई २१–१६,२१–१२ ले तथा कविरले एपिएफका अमन महर्जनलाई २१–१७, २१–५ ले पराजित गरेका थिए । प्रिन्सले ७० हजार, कविरले ३५ हजार तथा जीवन र अमनले समान १५ हजार रुपैयाँ प्राप्त गरे ।

महिला एकलको फाइलनमा रसिला एपिएफकी शोभा गौचनलाई २१–१०,२१–८ को सोझो सेटमा पराजित गरिन् । पुलिसकी नीता लम्साल र कैलालीकी एलिना सुनार संयुक्त रुपमा तेस्रो भए । त्यसअघि सेमिफाइनलमा रसिलाले पुलिसकी नीता लम्साललाई १८–२१, २१–११, २१–६ ले तथा शोभाले कैलालीकी एलिना सुनारलाई २१–१०,२१–१२ ले हराएकी थिइन् । रसिलाले ६० हजार, शोभाले ३० हजार तथा नीता र एलिनाले समान १५ हजार रुपैयाँ प्राप्त गरे ।

पुरुष युगलमा प्रिन्स र विजित थापामगरको जोडी विजयी भयो । प्रिन्स र विजितको जोडीले एपिएफका क्षितिज खनाल र देवराज रानाको जोडीलाई २१–१४, २१–११ ले हराएको थियो । एपिएफका अमन महर्जन र रोशन साउदको जोडी तथा पुलिसका जिवन आचार्य र विष्णु कटवालको जोडी तेस्रो भयो । पुरुष युगलका विजेताले ५० हजार, दोस्रोले २५ हजार तथा तेस्रोले समान १५ हजार रुपैयाँ प्राप्त गर्यो ।

पुरुष युगल(बी लेभल) मा सुर्खेतका राजेन्द्र बम र खगेन्द्र खत्रीको जोडी प्रथम भयो । राजेन्द्र र खगेन्द्रको जोडीले धनगढीका भरत चन्द र दिनेश थापामगरको जोडीलाई २१–१७, २३–२१ ले पराजित गर्यो ।

पुलिसका चक्रबहादुर डम्बरपाल र अविक श्रेष्ठको जोडी तथा गुलरियाका सरद खड्का र अनुपम न्यौपानेको जोडी तेस्रो भए । पुरुष युगल (बी लेभल)को विजेताले ३० हजार, दोस्रोले २० हजार तथा तेस्रोले समान १० हजार रुपैयाँ प्राप्त गर्यो ।

त्यस्तै पुरुष युगल (भेट्रान्स ४५ वर्षमाथि प्लस) तर्फ बाँकेको जयन्त श्रेष्ठ र अनिल लाखेको जोडी विजयी भयो । जयन्द र अनिलको जोडीले होटल स्टारलाईटका हरी खत्री र राजकुमार पोखरेलको जोडीलाई २२–२०, २१–१६ ले हरायो । बुटवलका वीरेन्द्र विष्ट र रितेश थापाको जोडी तथा बाँकेका अरुण गौतम र अभयलाल श्रेष्ठको जोडी तेस्रो भए ।

पुरुष युगल (भेट्रान्स ४५ वर्षमाथि )को विजेता जोडीले ३० हजार, दोस्रोले २० हजार तथा तेस्रोेले समान १० हजार रुपैयाँ प्राप्त गरेको आयोजक बाँके जिल्ला व्याडमिन्टन संघका अध्यक्ष संजय थापाले जानकारी दिए ।

लुम्बिनी प्रदेश सभा सदस्य तथा नेपाली काँग्रेस लुम्बिनी प्रदेशका मुख्य सचेतक जन्मजय तिमिल्सिना, बाँकेका प्रमुख जिल्ला अधिकारी श्रवण कुमार पोखरेल, प्रदेश खेलकुद परिषद लुम्बिनी प्रदेशका सदस्य सचिव जयप्रकाश भट्टराई, नेपालगन्जका कार्यबाहक मेयर कमरुद्दिन राई, प्रदेश खेलकुद परिषद लुम्बिनी प्रदेशका सदस्य नरेन्द्र थापा, जिल्ला खेलकुद विकास समिति बाकेका अध्यक्ष सन्दिप जंग शाह, प्रमुख रेफ्री किरण करञ्जितलगायतले विजेता खेलाडीलाई पुरस्कृत गरे ।

बाँके जिल्ला व्याडमिन्टन संघका अध्यक्ष थापाले सहयोगी संस्थालाई कदर पत्र प्रदान गरे । नकआउट आधारमा भएको प्रतियोगितामा देशभरका झण्डै २ सय ५० खेलाडीको सहभागिता थियो । प्रदेश खेलकुद परिषद् लुम्बिनीको आर्थिक सहयोगमा बाँके जिल्ला व्याडमिन्टन संघले प्रतियोगिता आयोजना गरेको थियो ।

February 23, 2024

सिमा र विशाललाई ब्याडमिन्टन उपाधि

दिपक बोहोरा, पाँचथर कोशी प्रदेश स्तरीय ब्याडमिन्टन प्रतियोगिताको महिला एकलमा मोरङकी सिमा राजवंशी उपाधि जितेकी छन् । सिमाले शुक्रबार भएको फाइनलमा झापाकी अञ्जना राईलाई १७–२१ २१–१५ र २१–१९ को सेटमा हराउदै उपाधि जितेकी हुन् । पुरुष एकलको उपाधि भोजपुरका विशाल तामाङले जितेका छन् । विशालले फाइनलमा ताप्लेजुङका मिलन गुरुङलाई २१–१२ र २१–१३ को सोझो सेटमा […]

February 21, 2024

कोशी स्तरीय ब्याडमिन्टन सुरु

दीपक बोहोरा, पाँचथरजिल्ला खेलकुद विकास समिति पाँचथरको आयोजनामा कोशी प्रदेश स्तरीय ब्याडमिन्टन प्रतियोगिता बुधबार सुरु भएको छ । ५ विधामा संचालन गरिएको प्रतियोगिताको पहिलो दिनको महिला र पुरुष एकलतर्फका खेल भएका छन् । महिला एकलमा मोरङकी सिमा राजवंशी, तेह्रथुमकी भावना चुडाल, उदयपुरकी राजी राई, सङखुवासभाकी अलिना श्रेष्ठ, पाँचथरकी चाहाना केरुङ, धनकुटाकी अरुण तामाङ, सोलुखुम्बुकी पुजा […]

February 20, 2024

पाँचथरमा कोशी प्रदेश स्तरीय ब्याडमिन्टन हुने

दिपक बोहोरा, पाँचथर पाँचथरमा कोशी प्रदेश स्तरीय ब्याडमिन्टन प्रतियोगिता हुने भएको छ । जिल्ला खेलकुद विकास समिति पाँचथरको समन्वय र कोशी प्रदेश खेलकुद विकास बोर्डको आयोजनामा हुने प्रतियोगिता फागुन ९ देखि ११ गतेसम्म हुनेछ । प्रदेश स्तरीय ब्याडमिन्टन प्रतियोगिता सहित खुल्ला भेट्रान्स प्रतियोगिता पनि हुने छ । मंगलबार खेलकुद विकास समिति पाँचथरले पत्रकार सम्मेलन गर्दै […]

Success

Thank you for your time.