1 week ago
September 2, 2024
काठमाडौं (हाम्रो खेलकुद)- एभीएम टिटि क्लबकी इभाना थापा मगर महिलाबाट र नेपाल पुलिस क्लबका संयोग कपाली पुरुषबाट २७ औं एसियाली टेबल टेनिस च्याम्पियनसिपका लागि छनोट भएका छन् ।
अर्को महिना काजकास्तानमा च्याम्पियनसिपका लागि अखिल नेपाल टेबल टेनिस संघले ३ दिन छनोट प्रतियोगिताको आयोजना गरेको थियो । सोमबार सम्पन्न छनोटमा इभाना आ-आफ्नो विधामा अब्बल रहँदै छनोट भएका हुन् । दुवै महिला र पुरुषतर्फ १-१ खेलाडी छनोट हुने प्रावधान रहेको थियो ।
महिलातर्फ लगातार च्याम्पियन रहेर एकछत्र राज गरेकी पुलिसकी नविता श्रेष्ठ छनोटमा तेस्रो भइन् । दुई चरणमा लिग प्रणालीमा भएको प्रतियोगितामा इभाना अपराजित रहँदै छनोट भएकी हुन् । एभीएमकै बियान्का राई दोस्रो हुँदा नविता तेस्रो स्थानमा सिमित भएकी हुन् । इभाना र बियान्का दुवैसँग हार भोगेकी नविताले राष्ट्रिय स्तरको एकै प्रतियोगितामा दुई खेल हारेको यो पहिलो अवसर हो ।
पुरुषतर्फ संयोग अपराजित रहँदै छनोट भए । पुलिसकै गनन्जय दाहाल दोस्रो हुँदा एपीएफका राजीव चिकबन्जार तेस्रो स्थानमा सिमित भए ।
एसियाली च्याम्पियनसिप असोज २१ देखि २७ गतेसम्म हुने संघका महासचिव कुवेर प्रकाश सिंहले जानकारी दिए । छनोट प्रतियोगिताबाट महिला र पुरुषमा शीर्ष १६ वरीयताका खेलाडी पनि निर्धारण गरिएको महासचिव सिंहले बताए ।
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 5, 2024
काठमाडौं (हाम्रो खेलकुद)- अग्रवाल युवा मञ्चको आयोजनामा खेल महोत्सव शुक्रवार सुरु हुने भएको छ । मारवाडी समुदायका खेलाडीले मात्र भाग लिन पाउने महोत्सवमा विभिन्न ५ खेलमा प्रतिस्पर्धा हुनेछ बताइएको छ। महोत्सवमा क्रिकेट, फुटसल, टेबलटेनिस, ब्याडमिन्टन र पौडीमा प्रतिस्पर्धा हुने मञ्चका अध्यक्ष प्रवीण गर्गले बिहीवार आयोजित पत्रकार सम्मेलनमा जानकारी गराए । करिब ३ सय खेलाडीको सहभागिता […]
September 2, 2024
काठमाडौं (हाम्रो खेलकुद)- नेपाली राष्ट्रिय टेबल टेनिसका सिनियर र जुनियर खेलाडीलाई अन्तर्राष्ट्रिय खेल पोशाक निर्माण कम्पनी थ्री सिक्स्टी वानले प्रायोजन गरेको छ। अखिल नेपाल टेबल टेनिस संघका अध्यक्ष विजेन्द्र हमाल र थ्री सिक्स्टी वान (३६१) को नेपालका लागि आधिकारिक विक्रेता सर्व सिद्धी एपेक्स प्रालिका निर्देशक सरोज कार्कीले सोमवार सम्झौता पत्रमा हस्ताक्षर गरेका थिए। सम्झौता ४ […]
