default_image

1 year ago

October 15, 2022

गौरिकाले अस्वस्थताका कारण २ इभेन्ट छाडिन्

पोखरा (हाम्रो खेलकुद)– अस्वस्थताका कारण १३ औं दक्षिण एसियाली खेलकुद (साग) की कीर्तिमानी पौडी खेलाडी गौरिका सिंहले नवौं राष्ट्रिय खेलकुद अन्तर्गत शनिबारको आफ्ना दुई इभेन्टबाट नाम फिर्ता लिइन् । पौडीको पहिलो दिन विहान गौरिकाले १ सय मिटर फ्रिस्टाइलको हिटमा भाग लिएकी थिइन् । उनी फाइनल राउन्डका लागि छनोट भएकी थिइन् । त्यसपछि स्वास्थ्य खराबपछि पनि […]

139 views

0 Bookmark

पोखरा (हाम्रो खेलकुद)– अस्वस्थताका कारण १३ औं दक्षिण एसियाली खेलकुद (साग) की कीर्तिमानी पौडी खेलाडी गौरिका सिंहले नवौं राष्ट्रिय खेलकुद अन्तर्गत शनिबारको आफ्ना दुई इभेन्टबाट नाम फिर्ता लिइन् ।

फाइल तस्वीर

पौडीको पहिलो दिन विहान गौरिकाले १ सय मिटर फ्रिस्टाइलको हिटमा भाग लिएकी थिइन् । उनी फाइनल राउन्डका लागि छनोट भएकी थिइन् । त्यसपछि स्वास्थ्य खराबपछि पनि उनलाई अस्पताल भर्ना गरिएको थियो । पेट दुखेर बान्ता भएपछि गौरिकालाई अस्पताल लगिएको उनका बुवा पारस सिंहले जानकारी दिएका छन् । उनले भने, ‘अहिले गौरिका अस्पतालबाट होटल आइसकेकी छिन् । अवस्था सामान्य छ , सायद भोलीको इभेन्ट खेल्छिन् होला ।’

सन्चो नभएपछि गौरिकाले शनिबार १ मिटरको फाइनल राउन्ड र २ सय मिटर ब्याक स्ट्रोकबाट उनले नाम फिर्ता लिएकी थिइन् । १ सय मिटर फ्रि स्टाइलको हिटमा गौरिका १ मिनेट ३.०२ सेकेन्ड निकालेकी थिइन् । यो इभेन्टमा उनकै नाममा ५८.१३ सेकेन्डको राष्ट्रिय कीर्तिमान रहेको छ । पौडीको प्राविधिक समितिका विष्णु खड्काले गौरिकाको स्वास्थ्य खराब भएपछि २ इभेन्टमा नाम फिर्ता लिएको पुष्टि गरे ।

अध्ययनका लागि अमेरिकामा रहेकी गौरिका नवौं राष्ट्रिय खेलकुदमा भाग लिनका लागि विहीबार राती काठमाडौं र शुक्रबार पोखरा आइपुगेकी थिइन् । ११ इभेन्ट्समा भाग लिन आएकी गौरिकाले अब ९ वटा इभेन्ट्समा प्रतिस्पर्धा गर्न बाँकी रहेको छ । परिक्षणपछिको रिपोर्ट समान्य आएको आइतबार हुने ४ इभेन्ट्समा खेल्न सम्भावना रहेको बुवा पारसले जानकारी दिए ।

गौरिकाले आइतबार ८ सय मिटर फ्रिस्टाइल, २ सय मिटर फ्रिस्टाइल, १ सय मिटर ब्याक स्ट्रोक र ४ गुण १ सय मिटरर रिलेमा प्रतिस्पर्धा गर्ने तालिका रहेको छ । त्रिभुवन आर्मी क्लबबाट सहभागी भइरहेकी गौरिकाले ५० ब्याक स्ट्रोक, ४ गुणा २ सय ब्याकस्ट्रोक, ४ मिटर फ्रिस्टाइल, ५० मिटर फ्रिस्टाइल र ४ गुणा १ सय मिक्स्ड फ्रि स्टाइलमा नाम दर्ता गराएकी छिन् ।
गौरिकाले तीन वर्ष अघि स्वदेशमा भएको १३ औं सागमा कीर्तिमान ४ स्वर्ण , २ रजत र ३ कास्यसहित ९ पदक जितेकी थिइन् ।

February 12, 2024

गौरिका र नासिरद्वारा नयाँ राष्ट्रिय कीर्तिमान

काठमाडौं (हाम्रो खेलकुद) – जलपरी गौरिका सिंह र पौडीवाज नासिर याहा हुसेनले विश्व एक्वाटिक्स च्याम्पियनसिपमा नयाँ राष्ट्रिय कीर्तिमान कायम गरेका छन् । कतारको दोहामा जारी विश्व एक्वाटिक्स च्याम्पियनसिप दौरान साेमबार गौरिकाले १०० मिटर ब्याकस्ट्रोकमा आफ्नै नाममा रहेको पुरानो किर्तिमान भंग गरेकी हुन् । नयाँ कीर्तिमान बनाउने क्रममा गौरिकाले निर्धारित दुरी १ मिनेट ५ दशमलव ४७ […]

December 28, 2023

निसर्ग बाटिका पौडीमा टिम च्याम्पियन

काठमाडौं (हाम्रो खेलकुद)- निसर्ग बाटिका स्कुल २६ औं राष्ट्रिय खुल्ला तथा उमेर समूह पौडी प्रतियोगितामा टिम च्याम्पियन बनेको छ । नेपाल पौडी संघ र बागमती प्रदेश खेलकुद विकास परिषद्को संयुक्त आयोजनामा भएको प्रतियोगितामा कुल १ सय ४८ अंकका साथ निसर्ग टिम च्याम्पियन बनेको हो । दोश्रो स्थानमा रहेको स्वस्तीश्री गुरुकुलले ५१ अंक र तेश्रो स्थानमा […]

September 23, 2023

सरुले एसियाडका बाँकी खेल गुमाउने

हाङ्गचौं (हाम्रो खेलकुद)– नेपाली राष्ट्रिय महिला फुटबल टोलीकी मिडफिल्डर सरु लिम्बुले चीनमा जारी १९ औं एसियाली खेलकुद (एसियाड) का बाँकी खेल गुमाउने भएकी छिन् । एसियाडमा शुक्रबार भिएतनामविरुद्धको खेलमा घुडाँमा चोट लागेपछि सरुले बाँकी खेल गुमाउने भएकी हुन् । समूह चरणमा नेपालले अब जापान र बंगलादेशसँग खेल्न बाँकी छ । भिएतनामविरुद्धको खेलको ३५ औं मिनेटमा […]

Success

Thank you for your time.