पोखरा (हाम्रो खेलकुद) – तमु सहयोग समिति पार्दी ‘बी’ र आँधी खोला तमु समाज तमु धिं नेपाल ‘ए’ दोश्रो अन्तर तमु समाज ल्होछार भलिवल प्रतियोगिताको उपाधिका लागि भिड्ने भएका छन् ।
तमु धिं नेपालको भलिवल कोर्टमा पार्दी बी ले तमु चारभञ्ज्याङ तमु समाजलाई २८—२६, १८—२५, २५—२२ र २५—२१ ले तथा आँधीखोलाले तमु समाजले तमु सहयोग समिति पार्दीलाई २५—९, २५—१२ र २५—१७ पराजित गर्दै एकअर्कासँगको भेट पक्का गरेका हुन् ।
त्यसअघि क्वार्टरफाइनलमा आँधीखोलाले याङ्जाकोटलाई २५—१२ र २५—९ ले पार्दी बीले दुधपोखरी तमु समाजलाई २५—२०र २५—२३ ले , पार्दी ए ले तनहुँलाई २५—२० र २५—२३ र चारभञ्ज्याङले खिलाङ तमु समाजलाई २५—१७, २२—२५ र २५—२२ ले हराएको थियो ।
तमु जातिको नयाँ बर्ष, राष्ट्रिय चाड ल्होछारको अवसरमा तमु धिं नेपालले आयोजना गरेको प्रतियोगिताको विजेताले ३० हजार, दोस्रो टोलीले २० र तेस्रो हुने टोलीले १० हजार रुपैयाँ पाउने प्रतियोगिताका संयोजक वीरबहादुर तमुले जानकारी दिए । उत्कृष्ट खेलाडी र अनुशासित टोलीले समान २ हजार रुपैयाँ पाउनेछन् । फाइनल र तेस्रो स्थानको खेल बुधबार हुनेछ ।
